¹ Awa nka wakairewo emyaka ikumi naina nensomoka ate yerusaalemu amwe no Balunabba nka ntwaire no Tito. ² Nabireyo lwa kubonekerwa, ni mbanjura enjiri, eje mbuulira mu b'amawanga. Nabazire nabo abatenderezebwa, mu Cama beteje enjiri eje mbulira mu bamawanga, tilwakulwa nka ninkola mba nka akoora obwerere. ³ Baitu gonze Otito, gwe nali naye, eyali omuyonaani, tiyakakibwe okutayiirwa. ⁴ Baitu olwa baluganda ababubeyegi babayingiirye mucaama, abaingira mu Coma okubegga eiddembe lyaswe lye tulinalyo mu Kristo Yesu, okwiirya omu bwiiru. ⁵ Abo titwabagondeireku nakadyoli amazima ga njiri gasobole okubakumirwa nywe. ⁶ Baitu abo abatwalibwa okuba ekintu erate ekyamuwendo, nka mbali, ku nje ndowo njawulo, oKanca tasosola muntu, abo nkukoba, abali batenderezebwa tibalina kyebanyonggerakku. ⁷ Baitu omungeri eyindi, ni babona nka nakuumisibwe enjiri yabo abatali bakomoole, nga Peetero ni ya kumisiibwe eya batayiriire. ⁸ Lwakubba oyo eyakoleire Opetero olwa bukwenda bwa batairiire, niye yakoleire no mu nje olwa ba mawanga. ⁹ Erate mbeetejerye ekisa kye naweirebwe, Yakobo no keefa no Yokaana, abatenderezebwa okuba empagi, ni ba tuwa, nje no Balunabba, omukono oguuyo okuba ecimwe naiswe, iswe twaabe edi abamawanga, bo baaba edi abatayiire. ¹⁰ Cyonkai, batusabirre twinzukirenge abooro, ekyo ekiwanyene nico nico nkweesuuga okukola. ¹¹ Baitu Okeefa yaizzirre omu antiyokiya namuwakanye nga tubonanga amaiso na amaiso, olwakuba yali mukyamu ddali. ¹² Olwakubba abantu abamwe abazwiire ewa Yakobo mbaali nka bakyali kwiiza, yalyanga nabanamawanga baitu ni baizire, ni yeyawula nabawukanaku, abatayiirire. ¹³ Erate na Bayudaaya abandi boona abaali naye, ni ba mweyimbyaku mu bukurupya, no Balunabba nokusikibwa nasikibwa obukulupya bwabwe. ¹⁴ Baitu ni nnabweine nka tiba kutambulla butereri mumazima aka enjiri, ni nkobera Okeefa mu maiso gaabwe empiisa zabawanga eziitali za kiyudaya, owalirirya otya abamawanga okwabiranga ku mpisa eza kiyudaaya? ¹⁵ Iswe Abayudaaya omububyale tituli baabasiisi, ¹⁶ Conkai tucimaite kusai nti omuntu taweerwa bwikiriiri lwa bikolwa bya mateeka wazira okwikiriza Yesu, tusoobole tuwebwa obwikiriri olwa kwikiriiza Kristo. Baitu tilwa bikolwa bya matteka, lwakuba olwa bikolwa ebya mateeka ndowo ali no mubiri aliwebwa obwi kiriiri. ¹⁷ Baitu oba omu kwefubaku kwaiswe okuwebwa obwikiriiri mu Kristo, iswe abenyenere twayagiibwe okuba abasisi, kale Kristo muwereza wa kibi? Mbe nakadyoli! ¹⁸ Lwakuba ni nyibba ate abye nanagire, neranga nje nkai obupa omwononi. ¹⁹ Lwakuba olwamateeka nafire ku mateeka, nsobole okuba omulongoki eri Okanca. ²⁰ Nakomererwe amwe no Kristo, naye ndi mwomi, ti kubwange, naye Okristo, mwomi munje, erate obwomi obwendinabwo ati omumubiri, ndinabyo lwakwikiriza omwana wa Kanca eyantakire niyewayo oku lwange. ²¹ Tindibya kisa kya Kanca, lwakuba obwikiriiri bwamwe bubba mu mateeka, nka Kristo yafirire bwerere.