¹ OPawulo omutume wa Kristo Yesu olwa kwendya kwa Kanca, no Timoseewo owaluganda. ² . Edi abaikiriiri, aba luganda abesigwa omu Kristo ab'omukelisaayi ekisa kibenga gyemuli ne mirembe ebizwa eji OKanca Oitaiswe. ³ . Buli ni tubasabira twebalya OKanca Oitamwe wa mukama waiswe Yesu Kristo. ⁴ . Kubanga twawuliire okwiikiriza kwanywe omu Kristo Yesu, no kwendya kwanywe kwemulinakwo eji abaikiriiri boona boona. ⁵ . Olwa issuubi eryababikiibwe omwiguru, lye muwuliire era omukigambo ekyamazima aga njiri. ⁶ . Eyaizire gyemwali, era nka neeri omu nsi zoonazoona, nga ebala ebibala era nga ekula, era nga no munywe, okuzwa olunaku lwe mwawulire ni mutegeera ekisa kya katonda omu ⁷ . Nga ni mwayegeseibwa oPafula mwiru mwiraiswe omwendye, niye omuweereza omwesigwa owa Kristo oku lwaiswe. ⁸ . Era eyatukobeire okwendya kwanywe omu mwoyo. ⁹ . Naiswe nikyo tuzwa nititulekangayo okubasabira okuzwiira kimwe oku lunaku lwetwawuliire ebibafaaku, nga tubeegayiira mwiizulibwe okutegeranga byataka omu magezi goona goona nokumanya ebya mwoyo. ¹⁰ . Era mutambulenge ni kisaniire OKanca, nga musanyusa, nga mubalanga ebibala mubuli ekikolwa ekisai era nga mweyongeeranga omukumanya OKanca. ¹¹ . Kale munywesebwenga namaani aga kitiibwa kyabwe gadi, olwa kuguminkiriza kwoona nokuzibiikirya amwe nokusanyuka. ¹² . Nga twebalya Oitaiswe eyatusanizire iswe omugabo gwa basika obwa baikiriiri omwiisana. ¹³ . Eyatulokweire omu buyinza abwa kirikiirya, natutwala omu bwakabaka bwa mwana wamwe omwendye. ¹⁴ . Nimwo tubera nokununulibwa, niko okusonyiyibwa kwabibi byaffe. ¹⁵ . Oyo nikyo okiifananyi kya Kanca ataboneka omuberyeberye owabitonde byona byona. ¹⁶ . Kubanga omwoyo ebintu byona byona nimo byetondeerwe omwigulu no munsi ebiboneka nebitaboneka oba nga mteebe za bakabaka, oba bwami oha kufuga, oba buyinza; ebintu byona byona nga byaakara omunye era okulwamwe. ¹⁷ . Naye niye yaliwo nga byona byona tibibangawo era omuye ebintu byona byona nimo ¹⁸ . Era oyo nigwo omutwe gwamubiri niye kanisa; oyo niye luberyeberye, omuberyeberye owamubafu; ye alyokonge abenga owaigulu wa byonabyona. ¹⁹ . Kubanga otaiswe yaikirize okwiikira kwona kwona okubanga omuye. ²⁰ . Eranga ayakara omuniye okutubanya ebintu byona byona eri ye omweninyini oba okunsi oba omwiigulu niyaletore emirembe olwamusayi gwa musalaba ²¹ . Nanywe ninywe mwali mweyawiile oku Kanca era abalabe omukulowoza kwanywe nga mukoola ebikorwa ebibi. ²² . Naye olwati abatabaganirye omumubiri gwa ye olwo kufa kwamwe, alyoke abanjule abaikiriiri abatalina kyakunenezebwa era abatalina ibbala mumaiso gamwe. ²³ . Kasita nimweyongera okuba omukwiikiriza, nga munyweire, nga timusagana sagana, nga timuzwire omwiisubi alyanyiri gye mwawulire, eyabulirirwe ebitonde byona byona ebiri ansi w'eggulu; nje OPawulo gye omuwereza ²⁴ . Atianu nkusanyukira omu bibonoobona byange oku lwanywe, era omumubiri gwange nkwikirya ebyo ebiburako omukuboa enaku okulwa Krristo olwa omubiri gwamwe, niyo ekanisa. ²⁵ . Nje gye nafukiire omuwereza wayo, nga obuwanika bwa Kanca niibuli bwenawereebwo gyemuli, okwiikirya ekigambo kyakatonda. ²⁶ . Ekyama ekyakweikebwe okuzwa era neira nemirembe n'emirembe n'emirembe n'emirembe; naya ati kibikulibwe abaikiriiri bamwe. ²⁷ . OKanca nibo yatakire okutegeeza obugaiga obw'ekitinisha obwekyama kini nibuli omubamawanga, ekyo niye OKristo munywe eisuubi ²⁸ . Iswe niye gwetukoobora iswe, nga tulabula buli muntu omumagezi gona gona, kaisi twanjure buli muntu ng'atukilire omu Kristo. ²⁹ . Olweekyo nfuba namani gona gona gantairemu omungeri yakitalo.