¹ Esikha nisyabitawo, Yesu kanina kazcha eYerusalemi khu muyumo kwa Bayudaaya. ² Wunaanu aliwo mu Yerusalemi ambi nende esiriwa sya makoondi esidiba sya’maachi, esilangiwa mulwe Bulaniya siiti Basesuda khandi esyewodokhanisiiwa na’matakoola kataanu akalikho ebirama. ³ Ano abatu bangi abatenyala bakonaangawo__ Abawofwu, abalema, ababbaangalala, (abalindanga amaachi: ⁴ Olwokhuba malayika wa Weere kekhanga ebikha bindi mu sidiba nabiiryuusa amaachi: nawuli wekhiriranga okhwingiramo, amaachi nikabiiryukhire, kawonesewanga owulwaye woosi wu’kalingi nawo. ⁵ Mulala owali awo kali kakhalwalira emyaka amakhumi kadatu nende munana. ⁶ Yesu nikamuwona nakonire awo khandi nga kasimanya ati kali mu mbera yino embaka endeeyi, kamuteeba ati, “Odakha okhuba wulayi?” ⁷ Omulwaye kakowolamo ati, “Omwami”, “Mbuma mutu onanjeede okhucha mu’sidiba amaachi nikabiiryukhire, ningesakho okhwiingira omutu wundi kanekherera emutwe.” ⁸ Manu Yesu kamuwoola ati, “Singira! Wukula omukeka kwawo okende.” ⁹ Awene na’weene omusaacha kawona; kawukula omukeka kwaye kakenda. Oludalo sino lusya’berawo lwali lwe Ssabiiti, ¹⁰ manu Abayudaaya bawoola omusaacha owawonesewa baati, “Lwa Ssabiiti; erako likhulobera okhukinga omukeka kwawo.” ¹¹ Naye kakowolamo ati, “Omusaacha wambonisye kambooye ati, ‘Wukula omukeka kwawo okende’”. ¹² Manu bamuteeba baati, “Nje naanu ono okhuwooye okuwukule manu okende?” ¹³ Omusaacha wali nawonisiiwe bya’mukhaya okhumanya oba kali naanu olwokhuba Yesu kali amalire okhwingira mu sidiikha esyali awo. ¹⁴ Olunyuma Yesu kamuwukana khunyumba ya Weere kamuwoola ati, “Wona, oli mulamu khandi, yakama okhukholanga owubi kho esikhirawo owubi sikhaye okhukhwekholakho.” ¹⁵ . Omusaacha kacha kawawo, kacha kawoolera Abayudaaya ati kali Yesu owamuwoniya. Owulamu Okhubitira Mu Mwana ¹⁶ Manu, olwokhuba mbo Yesu kali akholera ebitu bino khulwa Ssabiiti, Abayudaaya ba musandya. ¹⁷ Yesu kabawolera ati, “Bbabba kamenya khumulimo kwaye nokhwola olwalero luno, nende esse ssesi, ndi okhukhola.” ¹⁸ Khulwasino Abayudaaya bameedamo amaani okhukesakho okhumwita; sikali okhukhalaka essabbiti yo’nηene, naye kali alanga Weere okhuba latanηηene mwene, nikekhola mbo kakana nende Weere. ¹⁹ . Yesu kabakowolamo ati, “Mbawolera amasima, Omwana awuma syanyala okhukhola omwene, anyala okhukhola esyo’syonηηene syawona simwana nakhola, olwokhuba nawuli simwana syakhola no’mwana yesi asikhola. ²⁰ . Olwokhuba simwana adakha omwana khandi amwekesa byoosi byakhola. Eee, okhubawukya alimwekesa ata ebitu bikhongo ebikhira bino. ²¹ Olwokhuba nga simwana nasingiisa abafwiye kabawa owulamu, siityo no’mwana awa owulamu eyiri oyo yasangaliiye. ²² . Simwana nga natakhengera yeesi omusango, naye kesika omwana mukhukhenga emisango choosi, ²³ . Manu boosi bate oluyaali mumwana nga nibata mu simwana. Otata oluyaali mu mwana syata oluyaali mu simwana, owamutuma. ²⁴ . “Mbawolera amasima, nawuli owulira emboosi yange khandi kafukirira mu wantuma ali nende owulamu owutawawo khandi salikhengerwa omusango okhumukhira; atumirewo okhutula mukhufwa kaacha mu wulamu. ²⁵ . Mbawolera amasima, esikha siicha khandi simalire okhwoola abafu lubaliwulira ekkono lyo mwana wa Weere ne abo abawulira baliba balamu. ²⁶ Olwokhuba nga simwana lwali no’wulamu mu ye omwene, siityo ateeye mu mwana owulamu okhumubaamo omwene. ²⁷ Khandi omwene owunyala okhukhenga emisango olwokhuba nje omwana wo mutu. ²⁸ Mutesiindukha khu sinno, olwokhuba esikha siicha abali mubirindwa byawe lubaliwulira ekono lyaye ²⁹ batula erwanyi – abo abakholaanga ebirayi balisyukhirira owulamu, ne abo abakholanga owubi balisyukhirira omusango. ³⁰ Khulwange omwene yiwuma sinyala okhukhola; nkhenga omusango wusa nga nimbulira, nokhukhenga khwange khwamasima, olwokhuba sindakha okhwesangasa omwene okhutusakho oyo owantuma. Owujjulisi Owudiira Khu Yesu. ³² Yiriyo owundi ojjulira nikangwira, khandi nga manyire nti owujjulisi waye khwiise wulimo amakhuluutu. ³¹ . “Ninekholakho owujjulisi esse omwene, owujjulisi wange wuwuma amakhuluutu. ³³ “Mwalakiirisa Yokana manu atusiise owujulisi owutufu. ³⁴ Okhulekha mbo nfukirira owujjulisi wo wutu; naye esse nsitumbuula kho mube nga muwonesewa. ³⁵ . Yokana kali taara lyadukha khandi erimulikha, manu mwakhengawo olwe’sikha sitono okhusangaalira owulafu waye. ³⁶ Esse ndi nende owujjulisi owusito owukhirakho owa Yokana. Olwokhuba emirimo chene chi Bbabba kamba okhumalirisa, khandi chiindi okhukholanga, chekesa chiiti Bbabba kantuma. ³⁷ Ne Bbabba owantuma omwene awa owujjulisi khubindiirakho. Simuwulirangakho ekkono lyaye oba nga lwafana, ³⁸ ata ne’mboosi yaye siyikhalangakho mwinywe, olwo’khuba simufukiirira oyo yikatuma. ³⁹ Musoma ebyawandiikiwa no’khwegenderesa khungi ni mubasa muuti mu’byo mufuna owulamu owutawawo. Bino nje ebyawandiikiwa ebijjulira khwiise, ⁴⁰ ne mukhaya okhwicha yiindi okhufuna owulamu. ⁴¹ Sinfukirira batu okhunginiya, ⁴² naye mbamanyire. Manyire nti muwuma khudakha khwa Weere, mu myoyo chenywe. ⁴³ Niichire muliita lya Bbabba, ne simunfukirira; naye owundi yesi nikecha muliita lyaye, omwene mwakhamufukirire. ⁴⁴ Munyala mutye okhufukirira okhukinisiwa okhutula khu bene na’beene, ne si mutayo omwoyo okhufuna okhukinisiwa okhwo okhutula eyiri Weere oli mulala ye’nηηene? ⁴⁵ “Naye mutabaasa muuti, nja okhubawabira eyiri Bbabba. Omuwabi wenywe nje Musa, yi mwatakho esubira chenywe. ⁴⁶ Muba nimwafukirira Musa, mwankhanfukiriye Ssesi, olwokhuba kambaandikakho. ⁴⁷ Ni nga nimutafukirira bikawandiika, munanyale mutye okhufukirira bimboola?” Yokana