¹ Tufala i mas lukaot long fasin we yufala i stap makem blong ona long God, ino gud yufala i mekem long fes blong ol man blong oli lukluk yufala. Sipos yufala i makem olsem, bambai papa God we i stap long heven ino save givim pei long yufala from. ² Taem yu givim samting long wan praman blong givham long hem, ino gud yu stap tokbaot long fes blong ol man, olsem we olgeta we oli gat tu fes oli stap mekem. Oli stap mekem olsem blong ol man bai oli stap leftemap nem blong olgeta from. Be tru mi talem long yufala, olgeta ya oli kasem pei blong olgeta finis. ³ Be taem yu givim samting long praman blong givham long hem, yu no mas mekem we lef han blong yu i save wanem we raet han blong yu i stap mekem. ⁴ Yu mas haetem ol gudfala fasim blong givham long man blong ol man klosap long yu bambai oli no luk. Nao bambai papa blong yu long heven i save luk ol samting yu, Hem bambai i givim pei long yu from. ⁵ Taem yu prea, inogud yu folem fasin blong olgeta we oli gat tu fes, oli laekem tumas blong stanap mo prea long ol ples we fulap man oli stap lukluk olgeta taem we oli stap prea. Tru mi talem long yu, olgeta ya oli kasem pei blong olgeta finis. ⁶ Be yu, taem yu prea, i gud yu go insaet long rum blong yu, yu satem doa, mo yu prea long Papa God we man ino save luk Hem. Nao Papa God i luk ol wanem we yu mekem we no gat man i luk yu, Hem bambae i givim pei long yu from. ⁷ Mo taem yu prae, ino gud yufala i mekem plantu toktok tumas mo yufala ino mas talem sem samting nomo olsem ol hitem man oli stap mekem, oli stap tinkse prea blong olgeta bambai i gat ansa blong hem from we oli talem plante toktok. ⁸ Be bambai yufala ino mas olsem olgeta. From taem yufala ino askem ol wantem blong yufala yet, Papa God i save finis wanem we yu wantem askem Hem from. ⁹ Be from samting yu, taem yufala i prea, bambae yufala i talem prea olsem. Papa blong mifala we yu stap long heven, nem blong Yu i Holi ¹⁰ Yu kam king blong olgeta man. Mo yu mekem wandem blong yu long wol ya olsem long heven. ¹¹ Yu givim kakai long mifala inaf long tede. ¹² Yu fogivim mifala from ol sin blong mifala olsem we mifala i stap fogivim ol man we oli mekem ino gud long mifala. ¹³ Yu no letem ol samting oli kam traem mifala tumas, mo yu blokem devil ino kam spolem mifala. ¹⁴ Sapos yufala i fogivim ol man we oli stap mekem inogud long yufala, Papa blong yufala long hevem bambae i fogivim yufala tu. ¹⁵ Be sapos yufala ino fogivim ol man we oli mekem nogud long yufala, Bambae Papa blong yufala ino save fogivim yufala from ol sin blong yufala. ¹⁶ Sapos yufala i wantem livim kakai blong mekem wosip, ino gud yufala i makem fes blong yufala i kam nogud olsem we olgeta we oli gat tu fes oli stap mekem. Olgeta oli stap mekem olsem from oli wantem blong soemaot olgeta nomo long ol hip man se oli lego kakai. Tru mi talem long yufala, olgeta ya oli kosem pei blong olgeta finis. ¹⁷ Be yu, taem yu wantem livim kakai, yu wasem fes blong yu mo yu putum oel long hea blong yu. ¹⁸ Blong bambae ol man oli no luk save se yu livim kakai. Be Papa God nomo bambai i luk wanem we yu mekem we man ino save luk, nao Hem bambai i givim pei long yu. ¹⁹ Ino gud yufala i stap hivimap ol gudgudfula samting blong yufala long wol we i isi nomo blong kakros i kakai mo rasta i save spolem mo ol stil man tu oli save brekem haos mo go insaed blong stil. ²⁰ Be imo gud yufala i mas hivimap ol gudgudfala samting blong yufala long heven, from long ples ya, kakros ino save kakai, mo rosta ino save spolem mo ol man blong stil oli no save brekem haos blong go insaed blong stil. ²¹ From wea ples we ol gudgudfala samting blong yufala i stap long hem, oltaem bambai hat blong yufala i stap tu long ples ya. ²² Ae blong man, hemi olsem laet blong bodi blong hem, nao sapos ae blong yu i gud, bambai i olsem we bodi blong yu i fulap gud long laet. ²³ Be sapos ae blong yu inogud, bambai i olsem we bodi blong yu i fulap long tudak. Mo sapos laet we i stap long yu i kam tudak, yu tu stap long tudak we tudak olgeta. ²⁴ Ino gat man we iswe wok blong tu masta wantaem. From sapos hem i mekem olsem, bambai hemi laekem wan mo bambai ino laekem nara wan. No bambai hemi ona long wan mo bambai hemi no save oha long nara wan. Yufala ino save mekem God i bos blong yufala, be long semtaem nomo mani to i bos blong yufala. ²⁵ Nao from samting ya mi talem long yu, se, Ino gud yu stap tinkbaot laef blong yu, no bambai yu kakai wanem? No bambai yu dring wanem? No bae yu werem wanem klos, inogud yu stap thinkbaot tumas ol samting ya from we inef blong yu i mo long kakai, i mo long bodi, mo i mo long klos. ²⁶ Yufala i traem luk pijin antap long skae. Oli no planem karen, no go karem kakai i kam mo oli hivimap long haos. Be Papa blong yufala long heven i stap kivim kakai long olgeta. Mo long fes blong Papa God, yufala i gud moa i winim ol pijin. ²⁷ Yufala i tinkse taem man i stap tinkbaot sotfula laef blong hem tumas blong mekem se bambai laef blong hem i long wan mo? Nogut! ²⁸ Mo from wanem yufala i stap tinktink tumas from ol klos blong yufala? Yufala i traem luk ol flaoa we oli stap gro olbaot ya. Olgeta oli no wok blong somap klos blong olgeta. ²⁹ Be mi mi talem long yufala olsem, iven ol flaoa ya oli naes tumas i bitim ol sas klos blong King Soloman ya we bifo hemi wan rij man. ³⁰ God nomo i stap flasemgod ol flaoa yu. Iven ol kras tu. Be ol flaoa ya i blong wan dei nomo. Tumoro bambae ol man oli katemaot ol flaoa mo kras mo bonem long faea. Be God bambae i lukaot gud long yu i mo long kras. Bilif blong yufala i smol tumas. ³¹ Nao from samting ya, Inogud yufala i stap tinktink tumas se, bambae onifala i kakai wanem? No bambae mifala i drink wanem? No bambae mifala i kasem klos blong mifala olsem wanem? ³² Ol man we oli no save God nao, olgeta nao oli stap tinktink tumas from al samting olsem. Be yufala Papa blong yufala long heven Hemi save finis se yufala i mas gat ol samting ya. ³³ Be oltaem yufala i mas lukaotgud blong obei long God we Hemi king blong yufala, mo blong folem ol stret fasin blong Hem. Nao bihaen Hemi save givim olgeta samting long yufala we yufala i wantem. ³⁴ Ino gud yufala i stap tinktink tumas from ol samting blong tumoro. Ol bisnis blong tumoro i blong tumoro. Trabol blong wan dei hemi naf finis blong wan dei.