¹ Podah sidok untuk taat kepado penguaso dan pemerintah, taat ke sidok, dan siap untuk mulah setia pekerjoan bait. ² Podah sidok untuk bon mangkit sapai pun, jauh ke solah pahaman, hormati caro hidup mensi yang laen, dan tunjuk ke rendahan hati kepado semuo urang. ³ Kereno kito lolu budu dan bon patuh. Kito lolu sosat dan budak doso. Kito hidup alamp kejohat dan iri hati. Kito hidup alamp jijik dan salin membenci ⁴ Tapi Kebaikan hati Allah Juruselamat kito dan koseh Allah kepado umat mensio udah di nyato ke, itok bukan kereno pekerjaan bait yang kito pulah, melain ke kereno belas kaseh Allah menyelamat ke kito. Allah nyelamat kito ngelalui babtis dari kelahiran baru dan pembaruhan oleh Roh Kudus. ⁶ Allah nyurah ke Roh Kudus kepado kito lewat Juruselamat kito Yesus Kristus. ⁷ Allah mulah tok bia kito yang di benar ke kereno anugrah Allah, sehinggo nyadi yakin sebagai ahli waris dari kehidupan yang kekal. ⁸ Berita tok layak di pecayok. Aku nak iken't memberita ke tok dongan ponuh pecayok dirik, sehonggo barang sapai yang pecayok kepado Allah nak mulah pekerjo yang bait yang udah di borik Allah kepado kito. Semuo hal tok bait dan nguntung ke bagi kito semuo ⁹ Tapi elak am pedebat yang budu dan hal selisih paham tontang hukum. Semuo tok bon sik rego dan on sik untung. ¹⁰ Tulak am mensio yang mulah ribut di antaro iken't seudah sutik duo peringat, ¹¹ dan pama am tok bahwo ado mensio yang udah bebalit dari kebenaran dan doso serto ngukum direk kedirek. ¹² Seudah aku ngutus Artemas atau Tikhikus kepado iken, cepat datang ke aku di Nikopolis dimonai aku mutus ke untuk diamp di in selamo musim colap. ¹³ Bituk gam utus Zenas, ahli Taurat tok, gak Apolos, besamo dongan segalo yang sidok porolu. ¹⁴ Mensio kito harus belaja untuk tamah alamp pekerjo bait untuk memenuhi keperlu e kedirek bia sampai sidok nak ngasil ke buah. ¹⁵ Semuo mensio yang tamah aku nyampai ke salam ke aku. Salam Kepado urang-urang yang koseh ke kito di alam iman. Anugrah menyertai iken semuo.