¹ Akan tetapi koi, pahacaarlah hal-hal yaq sesuai dang pengajaran yaq sehat. ² Lihaq-lihaq yaq lebih pelgaq harus ulih nahan diriiq, terhormat, menguasai diriiq, ampetn sehat dilam iman, dilam kasih, dang dilam ketekunan. ³ Meneeq agi, waweeq-waweeq yaq lebih pelegaq harus nunyuk lakutn-lakutn yaq saleh, kaheq memfitnah atau hamba anggur, tapi harus pahacaar nyama yaq pajik. ⁴ Dang laneh, eraq ulih tingka waweeq-waweeq tuhiiq maai mencintai wanaai, senuuk dang anaak-anaak ke. ⁵ Menguasai diriiq, saleh, ngurus dapeeq tompokng kae, ramah dang tunduk ja wanaai ke, supayaaq firman Allah kaheeq tengempejaai. ⁶ Macam aneh agi, tingkalah ulutn-ulutn tuhiiq maai ulih menguasai diriiq. ⁷ Lam segala hal, jadiinlah diriq koi teladan lam lakuuq-lakuuq bajik, lam pengajaran, pincaklah integritas, kehormatan, ⁸ sarang yaq bujur, yaq kaheq ngempejaai hingga kabatn lawatn neeq jadiin mangan sion kaheeq ngulih nyuot hal yaq pejaai tentang taai. ⁹ Ripatn-ripatn harus tunduk je tuan-tuan eraq lam segala hal, usahakanlah nan pekehau eraq, dang kaheeq melawatn. ¹⁰ Boteq malikng, tapi pincak bahwa koi ulih temerencayaaq supayaaq lam segala hal eraq pejunyukng ajaran Allah, Juru Selamat taai. ¹¹ Sion, anugerah Allah yaq nemeq keselamatan soq nyataaq kalaaq setiap mersiaq, ¹² nan memampukan taai menolak hal-hal yaq kaheeq saleh ataupun pengewah duniawi, hingga taai ulih belupm menguasai diriiq, adil, dang saleh deq zaman tih. ¹³ Samer taai nuguuq pengharapan yaq penuuq berkat, yaq aneh peneboor yaq penuuq kemuliaan teq Allah yaq Mahahajaq, dang Juru Selamat taai, Kristus Yesus. ¹⁴ Uhaq soq naco diriiq uhaq bagiiq taai nan majaar taai eteq lakutn pejaai dang kalaaq merseh bagiiq diriiq-Ke, suatu umat pilihan uhaq yaq giat nengaq lakuuq pajik. ¹⁵ pahacaarlah nyama yaq baq tih, tingka dang negurlah ampetn segala kewibawaan, boteq baq mersiaq yaq pekiweq koi.