¹ Ka Yudas, nalayani Yesus Kristus di pehunai Yakubus mahire he nakahanyang Allah Ambah, andi napalihara ambak Yesus Kristus. ² Kira'anny na waleh kahanyang, damai he maeh, andi kahanyang limpas ma ambaunu. Allah Amun Nukum Hire he Ngangkap Hala. ³ Pehunai-pehunai takalelo, samintara aku basari mape nulis ma hayu tentang kasalamatan takam sasama. Aku ndrasa paralu nulis ma hayu, andi laku ma hayu biar hayu bausaha bubujur ambak iman he nahampe akan, hindra ambak saela-elany ma ulun-ulun he Kudus. ⁴ Sabab ulun-ulun tatantu, ngidit lalau takam dilu. Ya hire he mulai dahulu na tantu akan ambak na hukum. Ulun-ulun he puang ba iman he nyunghala akan Anugerah Allah takam ambak pipuasakan nafsu di natulak isa-isany Panguasa di Tuhan takam Yesus Kristus. ⁶ Andi Malaikat-malaikat he puang ta'at mabatas-batas kakuasaan hire, hemalainan natarin rean unengan hire. Ya napeteh andi rantai saelany, huang mainyeng he talalu mainyeng ambak nahakimi ma andrau hante uni. ⁷ Kala ari jua Sodom andi Gomora andi kota-kota ha lapehny, he napuasakan tenga huang dosa seksual andi ngunjar nafsu he puang wajar. Lewa nanggung hukuman apuy saelany ambak suntu. ⁸ Kala ari jua ulun-ulun ina he naandalakan upi-upi hire, pitandruan tenga, wule kekuasaan andi hinaan sigala he barasih. ⁹ Mickael haja, sang penghulu Malaikat, bila bakalahi andi setan tentang mayat Musa. Puang ehey maharek huang ngu'ulu ma haye, mandainan haye maharek " Kirany Tuhan marahi hayu". ¹⁰ Hire he ngami lalan tawang ina ngu'ulu andi puang maharati, haye te'u hire iya binatang hepuang miakal. Daya hal-hal inalah hire na hansurakan. ¹¹ Silaka hire ! hire heumba lalan he naumba Kain, ajaran bilala kahalaen ajaran Bileam. Binasa jua daya pandawanen iya Korah. ¹² Hire ina sama rigat huang jamuan kalelunu, henguta kutaan sasama lalau rasa takut. paduli ma tenga saorang hire sama andi kadap hepuang ngehem uran, he nasiwuy riwut ma ina ma iru. Hire sama kayuan-kayuan hepuang iwua ma musimny. Matey rueh kali, na bubut mapurukat-purukatny. ¹³ Ambak suntu hire, iya gulumbang laut he mara'at, he iwure kahinaan hire saorang. Hire mira binatang-binatang he kakabak, he mahaye he mainyeng sidum he haut nasudiakan ambak saelany. ¹⁴ Jua tentang ulun-ulun inalah Henokh,katurunan kapitu ka Adam, banubuat tantaulah Tuhan hampe andi baribu-ribu ulun Kudus-Ny. ¹⁵ Ambak numalanakan penghakiman ha sigala ulun,nukum sigala ulun fasik ha ambau ulaha fasik he hire gawi andi sara he fasik. Andi ha ambau harekan mape he haut naharek daya ulun-ulun badosa he fasik ma Allah. ¹⁶ Hire ulun-ulun he katuju imunde, nara-nara kahalaen andi nuruti teu takam saorang. Hire iwiwi hante andi dilep ulun lain ambak ngahalu kauntungan. ¹⁷ Pehunai-pehunai he nakahanyang, hayu harus ngehu awe he haut naharek Rasul-rasul, Tuhan takam Yesus Kristus. ¹⁸ Hire haut maharek mahayu, ma Zaman pilenuhan amun naan hire ngu'ulu he umba nafsu hire he fasik. ¹⁹ Hire naan ulun-ulun he ngadaya pilengkahan, ngumba nafsu duniawi andi puang baisi Roh. ²⁰ Amun hiye, hayu pehunai-pehunai he nakahanyang. Umbuanlah hayu saorang ha ambau imannu he ta barasih andi badoalah ha huang Roh Kudus. ²¹ Napalihara tenganu huang kalelu Allah andi nunggu rahmat Tuhan takam Yesus Kristus, henuntun ma welum saelany. ²² Baisilah kamaehan atey ambak hire he puang harap. ²³ Salamat akan ulun lain andi ndrabut hire ka apuy, ma helain. Puntereng waleh kalakuan he nahengau rasa puang ehey andi baisi lamba hire henarigati hawa nafsu duniawi. ²⁴ Ma haye he bakuasa nengau puang lawit andi nyunaannu andi puang cacat ha hujung wae takhta kabasaran-Ny,Andi kasangangan hante. ²⁵ Ambak isa-isany Allah Juru Salamat takam, mintas Kristus Yesus Tuhan takam, ka Sucian, ka Agungan, ka keteka, andi kuasa sa ambau Zaman; dahulu, kalana hampe saelany.Amin.