¹ Perhatikan bahwa gi ondro-ondro terakhir masa-masa mahalin akan hawi. ² Sabab ulun akan jari pencinta tonga raerai, pencinta duit, pembual, sakah, penghujat, bakoi taat hmpah ulun muntuo, bakoi kotoe batarima kasih,bakoi barasis, ³ bakoi kotoe malelu, bakoi sidi badamai, sidi mamfitnah, bakoi tau ngawitu tonga maraat, bakoi hamen inun sa maasus, ⁴ penghianat,ceroboh,angkuh,lewi mencintai hawa nafsu teke mencitai Allah, ⁵ inte saleh kude dawan kuasane.tongkoroleh ulun-ulun ialah itu ⁶ Sabab,gi suan reo naan ulun-ulun sa manyusup pah huang jamaat bulu nyulik wawe-wawe moloma sa na weat andri wahai dosa dan mait reo andri bamasam hawa nafsu. ⁷ Wawe-wawe ialah iro saratang piajar,kude bakoi suah tau hampe hmpah pamantuan pah kebenara. ⁸ Sameh ialah Yesus dan Yambres sa dawan Musa,miiro pada ulun-ulun itu sa dawan kebenaran.Pikiran reo haut rusak dan iman reo bakoi tahan uji. ⁹ Kode, reo bakoi tau lewi oro kia ket kabuduen reo akan nyata bagi satiap ulun, sameh ialah karuo ulun iro. Taguran Paulus hmpah Timotius ¹⁰ Namun , iko haut baya ajaran uki, sara wolum uki, tujuan wolum uki,iman uki,kasabaran uki,ahilelu uki dan ketekunan uki, ¹¹ ialah panganiayaan dan kararaen sa uki alami gi Antiokhia,Ikonium, dan Listra. uki batahan huang penganiayaan ,dan Tuhan manyalamat uki teke kahai iro. ¹² Saharusne, kahai ulun sa sidi wolum saleh huang Yesus Kristus akan naaniaya ¹³ sadangkan ulun-ulun jahat dan kawan panipu akan lewi buruk kia, reo nyantawang dan nasantawang, ¹⁴ Sadangkan pakai iko tampalusleh andri inun sa iko palajari dan inun iko harap ket iko kotoe eke hie iko mampalajrine, ¹⁵ kakala hentek odik iko haut kataru Kitab barasis sasanggup ngunru iko hikmat hmpah kesalamatan metah iman huang Yesus Kristus. ¹⁶ KahaiKitab barasis nahengoi et Allah ba manfaat pakai ngajar, bulu ngampinyata kahalaen,pakai nangkasus kalakuan,dan pakai mandidik huang kebenaran. ¹⁷ Andri miiro,marunsia milik Allah akan maharati dan naampilengkap pakai satiap ulahan maasus.