¹ Teke Paulus , rasul Yesus Kristus sa na peli et kahamenen Allah sesuai anri janyi pamolum sa naan huang Yesus Kristus . ² Pakai Timotius ,pea sa na kalelu. Anugerah, ahi lelu dan damai teke Allah,Bapa, dan Yesus Kristus, Tuhan takam.Nasehat pakai palus nahampe Injil ³ Uki saratang basyukur pah Allah, sa uki layani anri ate nurani sa barasih ayalah sa na ulah daya itak kakah uki, hantek uki ngitung iko huang uki ilaku dua koondro kamalom. ⁴ Hantek uki ngitung ranu matoko,uki sidi nginte iko numpan ponu kaaraien uki. ⁵ Uki na itung anri iman ko sa tulus, erai-erai wolum itakko Lois, dan ineko Eunike,dan uki yakin tataha wolum huang iko pada. ⁶ Pakai alasan iroleh,uki ngitung iko agar tau ngabuan karunia Allah sa naan pah tonga ko metah panganyakan longonku. ⁷ Sabab,Allah bakoi ngundru pah takam oh katakuten, malainkan roh kawigasen, ahilelu, dan penguasaan tonga. ⁸ Jari ada bangan basaksi neu Tuhan takam atawa neu uki tahanan-Ne. Kode et kasa Allah bayaleh sansara demi Injil ⁹ Ioleh sahaut nyalamat takam dan bowa takam anri bowaan barasis bakoi ket ulahan takam,melainkan ket tujuan anugerah-Ne raerai sahaut Io unru pah takam huang Yesus Kristus samete dunia naan. ¹⁰ Tataha,hal ituhaut jari nyata metah pihawian Jurus Selamat takam Yesus Kristus sa haut muhut papantedan ngoit pamolum dan kekekalan metah Injil. ¹¹ Ket Injil iro leh,uki na tutui jari penghotbah, rasul, dan guru. ¹² Iroleh sababne,uki rara ialah tataha itu.Namun ,uki bakoi bangan ket uki kotoe mpah hie uki percaya nelang uki harap bahwa Io snggup nyaga inun sa haut Io percaya pah uki hampe onro iro tiba. ¹³ Kepotleh pokok-pokok ajaran sa ukah iko rongoi teke uki huang iman anri lelu sa naan huang Yesus Kristus. ¹⁴ Anri Roh barasis ba'arati pada Roh Allah,Roh Yesus,Roh tantulu rariu sa jari walah kahamenen Allah gi tana.sa duloi gi huang takam,jagaleh anri maasus harata baharaga sa haut na harap pah iko. ¹⁵ Iko kotoe teke pakta bahwa kahai sa naan gi Asia haut bapaling teke uki,gi suan reo yoiro Figelus anri Hermogenes. ¹⁶ Kirane Tuhan ngonru ahi lelu pah saisi lowu Onesiforus ket io gaha nagur uki dan bakoi bangan ket hukuman uki. ¹⁷ Sebalikne, hentek hampe gi Roma, iyo andri semangat ngeto uki dan nangkahong uki. ¹⁸ Kirane Tuhan nganyak agar iyo manalu ahi lelu teka Tuhan gi ondru iro, kakala iko raerai kotue pire wahai pelayanan sa haut na unru pah uki gi Efesus.