Pasal 3
Kristus Yaq Terutama
1
Ahiryaq, kabetn-luhetn aap, besukacitalah sua Tuhen. Aap beaw keberatan nulis oliq hal-hal yaq sama la ka kerna hal ohoq akan ngejaga ka.
2
Waspadalah terhadep kokoq-kokoq, waspadalah terhadep abetn pengenaq kedaat, dan waspadalah terhadep ulutn yaq nyunat unuk,
3
sebeb takaqlah ulutn-ulutn yaq naan sunat yaq sejati, yaq nyembah sua Roh Allah, memuliakan Yesus Kristus, dan yaq beaw ngonaaq persaya pede hal-hal yaq lahiriah
4
waleupun aap sebeneryaq naan alasan antai bermegah pede hal-hal yaq lahiriah. Jika naan ulutn bali yaq bepikir bahwa uhaq naan alasan antai bermegah pede hal-hal yaq lahiriah, terlebeh oliq aap:
5
Aap senunet pede olo ke walo, bangsa Israel tulen, ete suku Benyamin, ulutn Ibrani yaq berbahasa Ibrani. Menurut Ukupm Taurat, aap adalah ulutn Farisi.
6
Sua hal semangat, aap adalah penganiaya jemaat, sua hal kebenaran mo itai Ukupm Taurat, aap aweq naan saset.
7
Akan tetapiq, segala sesuatu yaq bayuh pekuntung aap, sekareng aap anggap rugi kerna Kristus.
8
Sungguh, sekorekng sesuatu aap anggap rugi genebanding ampetn pengenalan akan Yesus Kristus, Tuhen aap, yaq oroq lebeh beregaq ete oon pun. Demi Kristus, aap epuq aweq oon-oon -- kerna sekorekng iro sekareng aap anggap sampah! -- nadeq aap kawa ngahan Kristus.
9
Aap deruku sua Kristus abaq ete sua kebenaran yaq beraser ete diriq aap sendiri yaq dahan aap ete Ukupm Taurat, tetapiq yaq empet lalo iman sua Kristus, yaq iro kebenaran ete Allah yaq berdaser pede iman.
10
Kira yaq aap ngahan kener Uhaq ampetn kuasa kebangkitan-Uhaq, serta jadiq erai sua penderitaan-Uhaq nadeq jadiq kiaq Uhaq sua katetn-Uhaq
11
sehingga pede ahiryaq aap ngahan kebangkitan ete antara ulutn mate.
Begeraq Maju La Panggilan Surgawi
12
Namun, beaw bereti aap epuq ngahan yaq ateu epuq sempurna, melaitnkan aap perasuq yaq nadeq aap nangkep yaq sebagaimana Kristus Yesus epuq nangkep aap.
13
Kabetn-luhetn, aap beaw nganggep amen aap epuq nangkep yaq. Akan tetapiq, erai hal yaq denaq aap: aap beaw nyanaq eso oon yaq mo odiq aap dan mengarahkan diriq la oon yaq mo telamaq aap.
14
Aap terus maju la tujuan nadeq ngahan hadiah, yaq iro panggilan surgawi ete Allah sua Yesus Kristus.
15
Ayoqlah takaq yaq sempurna bepikir keliro. Jika ka beaw bepikir keliro, Allah akan petunuq yaq ampetn jelas la ka.
16
Namun keliro, ayoqlah takaq terus bolupm sesuei ampetn kebenaran yaq epuq duputn takaq.
17
Kabetn-luhetn, Nyanglah teladan aap dan perhatikan ampetn saksama ulutn-ulutn yaq bolupm lei sesuei ampetn teladan ya ditatn ka ete kaiq.
18
Sebeb, naan deoq senarikng yaq bolupm sebagei seteru salib Kristus. Tentang hal ohoq, aap epuq sering nyeritaq yaq la ka dan sekareng aap nyeritaq yaq oliq ampetn serentelu.
19
Ahir bolupm ulutn adalah kebinasaan, kerna allah ulutn adalah butukng ulutn, dan pujian ulutn adalah hal-hal yaq pekangen. Pikiran ulutn hanyalah pede hal-hal duniawi.
20
Akan tetapiq, kewarganegaraan takaq adalah mo surga, momeq takaq ampetn punikng semangat entiqJuru Selamat, yaq iro Tuhan Yesus Kristus.
21
Uhaq akan ngubah unuk kehinaan takaq jadi serupa ampetn unuk kemuliaan-Uhaq. Ampetn kuasa-Uhaq iro, Kristus mampu oit esaq lingan tunduk la-Uhaq.