Pasal 1
Salam Ete Paulus Ampetn Timotius
1
Ete Paulus ampetn Timotius, hamba Yesus Kristus, la sekorekng ulutn kudus sua Kristus Yesus yaq naan mo Filipi dan la abetn penilik jemaat serta majelis jemaat:
2
Anugerah ampetn damai sejahtera ete Allah, Bapa takaq, dan Tuhan Yesus Kristus menyertai ka!
Ucapan Syukur Ampetn Doa Paulus Kalaq Jemaat Mo Kota Filipi
3
Aap bersyukur la Allah aap setiep kaliq aap nginget ka.
4
Sua doa aap kalaq sekorekng ka, aap selalu bedoa ampetn sukacita
5
kerna kerjaq sama yaq denyeq ka sua pemberitaan Injil sejak olo pertama sampei sekareng.
6
Aap sungguh yakin bahwa Uhaq yaq epuq ngemulai pekerjaan bueq mo antara ka, Uhaq lei yaq akan menyempurnakanyaq sampei olo Yesus Kristus.
7
Epuq sepantasyaq aap merasa kiaq ohoq terhadep ka kerna sekorekng ka naan sua asekng aap. Bueq bayaq aap mo pencaraq maupun bayaq aap nyeq pembelaan dan peneguhan akan Injil, ka epuq jadiq mitra ampetn aap sua anugerah Allah.
8
Allah adalah saksi aap, betapa aap sorop la sekorekng ka sua kasih Yesus Kristus.
9
Ohoq lah doa aap: Kirayaq kasih ka semakin mentameh-tameh, ampetn pengetautn dan segala hikmat;
10
sehingga ka ngahan meli oon yaq terbueq; nadeq diriqka tulus ampetn aweq saset pede olo Kristus;
11
dan pumikng amapetn bua-bua kebenaran yaq empet lalo Kristus Yesus kalaq kemuliaan ampetn pujian bagiq Allah.
Penderitaan Paulus Ngemaju Pemberitaan Injil
12
Kabetn-luhetn, aap kakatn ka tauq amen oon yaq epuq terjadiq pede aap justru epuq oit kemajuan bagiq Injil,
13
sehingga sekorekng pengawal istana ampetn sekorekng ulutn bali tauq amen aap penensua la pencaraq bagiq Kristus.
14
Sebagian solai kabetn erai iman yaq semakin yakin la Tuhen kerna aap sua pencaraq ohoq, jadiq lebeh janiq pesempeq berita firman Allah aweq rasa takut.
15
Memeng, naan ulutn-ulutn yaq pesempeq berita Kristus kerna iri ampetn persaingan, tetapiq naan lei yaq kerna maksud bueq.
16
Ulutn yaq bermaksud bueq pesempeq yaq kerna kasih sebeb ulutn tauq bahwa aap dencoi mo ohoq bagiq pembelaan Injil.
17
Sedengkan yaq bermaksud beaw bueq, ulutn pesempeq yaq kerna ambisi egois, beaw tulus dan bepikir ulutn ngahan nameh kesulitan kalaq aap selama aap mo sua pencaraq.
18
Lalo oon hasilyaq? Yaq penting adalah ampetn cara oon pun, bueq ampetn maksud pura-pura maupun maksud bujur, Kristus benerita, dan kalaq iro aap bersukacita. Yaq, dan aap akan terus bersukacita,
19
sebeb aap tauq amen lalo doa-doa ka dan pertolongan Roh Kristus Yesus, oon yaq epuq terjadiq pede aap justru akan jadiq keselamatan aap.
20
Harapan yaq aap yakini adalah aap sama sekali beaw denaq mangen. Sebaliqyaq, aap naan rasa janiq yaq punikng nadeq Kristus, sebagaimana sekareng dan selalu, dimuliakan sua unuk aap, bueq sua keadaan bolupm ateu mate.
21
Kerna bagiq aap, bolupm adalah Kristus dan mate adalah keuntungan.
22
Akan tetapiq, jika aap harus bolupm sua unuk ohoq, berarti aap akan bekerjaq menghasilkan bua. Lalo, yaqmeq yaq harus beneli aap, aap beaw tauq.
23
Aap terjepit mo antara duaq pilihan iro. Pengakatn aap adalah molak bolupm ohoq dan beroh Kristus, kerna iro oroq lebeh bueq.
24
Akan tetapiq, kalaq ka, akan lebeh begunaq amen aap tetep bolupm sua unuk ohoq.
25
Ampetn keyakinan ohoq, aap tauq aap akan nongko beroh sekorekng ka demi kemajuan dan sukacita ka sua iman.
26
Kaleu aap mulik oliq la ka, makaq kebanggaan ka akan mentameh sua Yesus Kristus kerna aap.
Sempeket Ampetn Tetap Berjuang
27
Namun keliro bolupmlah ampetn cara yaq layak bagiq Injil Kristus nadeq kaleu aap empet dan beruku ampetn ka, ateu kaleu beaw empet, aap kawa dingaq bahwa ka tetep teguh jakat sua erai roh, ampetn erai pikiran, sempeket berjuang bersama-sama bagiq iman ete Injil.
28
Boteq ngebier ka penentakut oleh lawetn-lawetn ka, kerna iro adalah tanaaq jelas kehancuran bagi ulutn, tetapiq keselamatan bagiq ka, dan tanaaq iro pun ete Tuhen.
29
Sebeb demi Kristus ka epuq denyeq karunia beaw hanya kalaq persaya la-Uhaq, tetapiq lei kalaq menderita bagiq Uhaq.
30
Irolah sebebyaq ka menghadapi pergumulan-pergumulan yaq sama kiaq yaq ditatn ka pede aap, dan yaq sekareng kenedingaq ka tentang aap