¹ Pede olo yaq ketoluq, naan pesta perkawinan mo Kana, Galilea, dan tinen Yesus naan pede aro. ² Yesus dan murid-murid-Uhaq genundang lei la pesta perkawinan iro. ³ Beraq danum anggur orekng, tinen Yesus biongau la-Uhaq, “Mali orekng danum anggur.” ⁴ Yesus ngejawab, “Neq, oon hubunganyaq ampetn-Aap? Watu-Aap male empeq.” ⁵ Tinen Yesus biongau la para pelayan, “Oon pun yaq Uhaq nokai la ka, enaqlah iro.” ⁶ Mo aro, naan jawetn tempayan ete batuq, yaq biasa dopekng ulutn Yahudi bayaq upacara penyucian. Masing-masing tempayan iro muet kira-kira duaq atau toluq buyung. ⁷ Yesus nokai la para pelayan, “Isiqlah tempayan-tempayan iro ampetn danum.” Dan, mali ngisiq tempayan-tempayan iro ampetn danum sampei punikng. ⁸ Lipes iro, Yesus biongau la mali, “Sekareng, alaqlah semperening dan oitlah la pemimpin pesta.” Lalu, mali oityaq la pemimpin pesta. ⁹ Beraq pemimpin pesta peresa danum yaq epuq jadiq anggur iro, dan uhaq beaw tauq ete meq aser anggur iro (tapiq para pelayan yaq alaq danum iro tauq), makaq pemimpin pesta iro nogeq mempelai sookng, ¹⁰ dan biongau la uhaq, “Setiep ulutn menghidangkan danum anggur yaq bueq lebeh onaq dan beraq sekorekng senarikng pues pisep, bayuqlah dihidangkan danum anggur yaq kurekng bueq. Namun, ko nyimpetn danum anggur yaq bueq sampei sekareng.” ¹¹ Tanaaq ajaib pertama ohoq Yesus enaq mo Kana, Galilea, dan menyatakan kemuliaan-Uhaq, dan murid-murid-Uhaq persaya la-Uhaq. ¹² Lipes iro, Yesus ili la Kapernaum ampetn tinen Uhaq, eraibutukng-eraibutukng, dan murid-murid-Uhaq. Ulutn nongko mo aro sekolatn beberapa olo. Yesus Mo Bait Allah (Mat.22:12-13; Mrk.11:15-17; Luk.19:45-46) ¹³ Olo Raya Paskah ulutn Yahudi epuq diniq, dan Yesus pun engket la Yerusalem. ¹⁴ Mo Bait Allah, Uhaq kitaq ulutn-ulutn bogei sapi, domba, dan merpati, serta para penyimai sen tuet mo aro. ¹⁵ Yesus enaq cambuk ete taliq dan pekuyoq ulutn adeq sekorekng losek ete Bait Allah, ampetn sekorekng domba dan sapi ulutn. Uhaq pun Obet sen-sen logam ete penyimai sen dan nebalik meja-meja ulutn. ¹⁶ La para pemogei merpati, Yesus nokai, “Oit losek sekorekng ohoq ete ohoq! Boteq pejadiq belai Tamen-Aap kalaq antai bejualan!” ¹⁷ Murid-murid-Uhaq tekinget amen naan tenulis: “Cinta ampetn belai-Ko, menghanguskan Aap.” ¹⁸ Lipes iro, ulutn-ulutn Yahudi ngejawab dan biongau la-Uhaq, “Tanaaq ajaib oon yaq Ko petenteq la kaiq sehingga Ko berhak enaq hal-hal ohoq?” ¹⁹ Yesus ngejawab dan biongau la ulutn, “Rombak Bait Allah ohoq dan sua toluq olo Aap akan ngebangunyaq oliq.” ²⁰ Lalu, ulutn-ulutn Yahudi iro ngejawab la-Uhaq, “Perlu 46 tautn antai membangun Bait Allah ohoq, dan Ko akan ngebangunyaq sua watu toluq olo?” ²¹ Namun, yaq Yesus maksudkan Bait Allah adalah unuk-Uhaq sendiri. ²² Kerna iro, beraq Yesus dibangkitkan ete antara ulutn mate, murid-murid-Uhaq tekingat akan ongau ohoq; dan Ulutn persaya la Kitab Suci dan ongau yaq tenokai Yesus. ²³ Beraq Yesus naan mo Yerusalem sekolatn Perayaan Paskah, deoq ulutn persaya sua nai-Uhaq kerna kitaq tanaaq-tanaaq ajaib yaq denaq-Uhaq. ²⁴ Tapiq, Yesus sendiri beaw memercayakan diriq-Uhaq la ulutn kerna Uhaq kener sekorekng senarikng, ²⁵ dan beaw membutuhkan enceqpun kalaq nyeq kesaksian tentang senarikng, sebeb Uhaq tauq oon yaq naan sua asekng senarikng.