¹ Sebeb, aap kakatn ka tauq betapa oyat yaq perjuangan yaq epuq denaq aap kalaq ka, dan kalaq ulutn yaq naan mo Laodikia, dan kalaq sekorekng ulutn yaq male pernah menceruku boetn ampetn aap. ² Tujuan aap adalah nadeq asekng ulutn terhibur dan jadiq erai sua kasih sehingga ulutn naan sekorekng kekayaan yaq beraser ete jaminan akan pengertian dan pengetautn ete rahasia Allah, ya iro Kristus sendiri. ³ Sua Uhaq, senimpetn rahasia sekorekng retaq ete hikmat dan pengetautn. ⁴ Aap nokai hal ohoq nadeq aweq erai senarikng yaq akan nipu ka ampetn perdebatan yaq kenedingan yaq masuk aker. ⁵ Sebeb, meskipun unuk jasmani aap aweq beroh ka, tetapiq aap beroh ka sua roh, dan aap besukacita kitaq kedisiplinan ka yaq bueq dan keteguhan iman ka sua Kristus. Teruslah Nyang Yesus Kristus ⁶ Jadiq, kerna ka epuq terima Yesus Kristus sebagei Tuhen, bolupmlah terus sua Uhaq, ⁷ berakar dan bangunlah diriq ka sua Uhaq, teguhkanlah iman ka sebagaimana epuq genajer la ka, dan melimpahlah ampetn ucapan syukur. ⁸ Berhati-hatilah nadeq boteq naan erai senarikng pun yaq nyengkokoi ka ampetn filsafat yaq  kosong dan menyesatkan, yaq beraser ete tradisi senarikng dan asas-asas roh dunia, dan abaq ete prinsip-prinsip Kristus. ⁹ Sebeb, sua Uhaq nongko seluruh kepenuhan keilahian yaq bolupm sua umekng jasmani. ¹⁰ Ka epuq jadiq punikng sua Uhaq, yaq adalah Kepala ates sekorekng pemerentah ampetn penguasa. ¹¹ Sua Uhaq, ka lei senunet, abaq ete sunet yaq denen oleh kami senarikng, tetapiq ampetn sunet yaq denen oleh Kristus, yaq iro opekng motek unuk kedagingan yaq bedosa. ¹² Sua baptisan, ka genelubekng beroh ampetn Kristus, dan penengkuwat bersama-sama lei ampetn Uhaq lalo iman ka sua kuasa Allah yaq pekuwat Uhaq ete antara ulutn mate. ¹³ Waleupun ro ka mate sua pelanggaran-pelanggaran ka dan sua  kedagingan ka yaq beaw senunet, Allah enaq ka bolupm beroh ampetn Uhaq lipes  Uhaq mengampuni sekorekng  pelanggaran takaq. ¹⁴ Uhaq epuq ngebatal surat utakng ampetn aturan-aturan tuntutanyaq yaq menghalangi hubungan antara Allah ampetn takaq. Uhaq empuq alaq yaq opekng maku yah mo punan kayuq salib. ¹⁵ Uhaq melucuti abetn pemerentah dan penguasa, lalo pejadiq ulutn tontonan yaq pekangen oleh kerna kemenangan-Uhaq mo punan kayuq salib. Boteq Nyang Aturan-Aturan Yang Denen Senarikng ¹⁶ Kerna iro, boteq ngebier erai senarikng pun menghakimi ka ampetn masalah makanan dan isep ateu olo raya keagamaan, perayaan bulatn bayuq ateu olo Sabat. ¹⁷ Sekorekng yaq iro hanyalah bayangan tentang hal-hal yaq antekng empet, tetapiq wujud yaq sesungguhyaq adalah Kristus. ¹⁸ Boteq ngebier senarikng yaq seneng ampetn kerendahan asekng yaq palsu dan penyembahan la malaikat-malaikat menghakimi ka. Ulutn adalah senarikng-senarinkng yaq eheu ampetn pengitatn hal-hal detail sehingga enaq pikiran ulutn mago kerna gagasan-gagasan duniawi. ¹⁹ Senarikng yaq keliro beaw geeq teguuh pede Kepala. Kepala adalah yaq menopang seluruh unuk, dan seluruh unuk jadiq erai oleh sendi-sendi ampetn otot-otot, sekorekng yaq  tumu ampetn pertumbuhan yaq beraser ete Allah. ²⁰ Amen beroh Kristus ka epuq mate terhadep asas-asas dunia, kelemeq seolah-olah ka maseh jadiq uputn dunia, tunduk pede aturan-aturan kiaq: ²¹ “Boteq geeq, boteq kutib, boteq tingkur”? ²² Aturan-aturan ohoq akan binasa lipes dinteu kerna aturan-aturan iro benuet berdaser pede perentah ampetn ajeran senarikng. ²³ Aturan-aturan kiaq iro memang ditatn yaq bijaksana opekng menonjolkan ibadah yaq berpusatkan pede diriq dan kerendahan asekng yaq palsu serta penyiksaan unuk. Namun, sekorekngyaq iro aweq naan nilaiyaq selaitn kalaq memuaskan kedagingan.