¹ Thumwe chi reinaan jobaa naarkhʉ̃ʉn Jordán dakha, dursĩgayam khʉʉn maigmua khutag eemkhʉʉn, maigmua phũas jãdacha jooba nʉm khʉʉn,agjo agnaag jooba narkhʉ̃ʉn, Hititas naan, Amorreos naan, Cananeos naan, Fereseos naan, Heveseos naan maigmua Jebuseos naan, ² biirdʉ aujierram chi papannanau khʉ̃khaan maag Josué dʉi maigmua Israel naan dʉi. ³ Gabaonpienau ũr athaawai Josue wautarr Jerico pien gaai maigmua Hai naangaai, amachdeu khĩirjʉg aujierram seukha pʉyaag, dich jierram iek jaaujem khʉ̃ʉn jo awia. ⁴ Amachdeu pʉr aujierram put joiraamkhʉ̃ʉn maigumua ma mor barjem jũataar maigumua jũapijierram amach burrogaai. Agjo ig jierram doaphis uvachoden, akhãraa, pogphe sitheejim maigumua khakhadʉ sitheejim. ⁵ Jũakha pui jierram bʉthãargaaim joiraam maigumua khakhadum, maigumua jũakhajierram put joiraamkhʉ̃ʉn sẽsekhẽm khʉ̃ʉndam. Thʉ̃mwe khoojemkhʉ̃ʉn artaar jʉ̃saar sitheejim maigumua ansitheejim . ⁶ Amach wetjierram Josue jooba sieer ar Gilgal durr,irig magjim maigumua Israel pienag:"maan beenum ajim phobor guarphamua, magan pʉ maandei iek deba ajim". ⁷ Israel pien õrau Hititas pienag magjim. magan paanan maan dakhakhai jooba num ajim. ¿maan agat paandʉi iyʉʉ abanʉm?." ⁸ Amachdeu Josue magjim, maan par pʉ choog jemkhʉ̃ʉnau. Josue aanag jeujim :¿paan khainaan aga? ¿jamamua paan wedʉrraara?" ⁹ Amachdeu magjim:paan ithee mʉ khʉ̃ʉn oon beenum warphamua mu gai,paan Ẽwamdam thʉ̃rgaaimua. maanau ũrjim iden maimua thʉmwe wautaar Egipto dʉʉr. ¹⁰ Maigumua tʉ̃mwe wautaar amorreos numiin rei khʉngaai thõon bigaar dʉrba Jordan dʉrr, chi Sehon rei Hesbonam maigumua chi Og rei Basan , Astarot sieer ar. ¹¹ Jooinanau maigmua thʉ̃nwe oon phoboree thʉnar khʉ̃nau jaujierram : 'paach khoog ithee athaadethʉ paan mam ar. biirduwia amag jauba:"maan pʉ chog nanau mag iek dui thʉ batarrau. ¹² jãg ed maang oberwai maach di aimua khoojem pan péseta aubegierran mʉ̃gai. Ĩs oowai jʉsar maigmua ãkhãrag sitheem. ¹³ chi do aphich ajapha siejim uvacho pʉawei, ĩs mua erpawai ãnsim. Maan pʉt maigmua maan bʉgaai jʉ̃ajem khʉ̃ʉndam ãr khitheejim khʉd wapmua beetaar awai. ¹⁴ Israelitas pienau amach khoog ã ãbdʉ pai ar jierram, magsim maach Ẽwandamag jeubata jierram. ¹⁵ Josué amdʉi khõinnaa iyʉʉ awia joova pijim. Akhʉ chi dʉʉr ainum khʉ̃ʉn papannaan iyʉʉ ajierram andʉi. ¹⁶ Khãai thãrjum dich tarkhʉr Israelitanaan amdʉi iyʉʉ atharkhʉr, amach deu khaʉ athajierram jãkhʉ̃ʉn oon mach dakha maa khapeen jooba jemkhʉʉnau ajim. ¹⁷ Ag khãain thãrjum naawia chi Israel naan wed jierram aan phobor ar. Aan phobor ajim , Gabaon naan, Cafira naan, Beerot naan, maigmua Quiriat Gearim naan. ¹⁸ Isralita pienau audʉbajim angaai chi papannaan nau iekha wienar awai mach Ẽwandam dauna, Ẽwandam Israel naanden. Thʉ̃nwe Israelita pien onau amach papannaan eugar iekha naajim. ¹⁹ Mag sim ee thʉ̃nwe chi porpomaam khʉnau chi oonag magjim: "Maan Ẽwandan dauna iekha wienaajim , Ẽwandam Israel naan den, maag wai maach deʉ ãkhãrag wawaag cabam ajim. ²⁰ Mʉgta aam dʉi atarrau: maach gaai akhãrag waupi maagau maach deu Ẽwandam dauna iekhatar awai, aan khõinnaa jooba piegau. ²¹ Chi pornaanau aanag magjim:" ʉduraa aan jooba piegau". maagwai Gabionita naan beejieraan aan õbdau poot jemkhʉ̃ʉn khãan maigmua aan do arjem khʉ̃ʉn khãan thʉ̃mwe Israelita naan ithee, Paan pornaanau magta aanden jaujim. ²² Josue thʉ̃rauwia magjim:"¿magsim khãnthee parãu maan seukhajierra:"Manaan wapan khʉ̃ʉnau mʉ̃igmua, magsim maanau owaai paan maan dakha jooba nʉmkhʉʉnau? ²³ Paanau, magtar awaai, chi khĩin machag mugta burrag pam, paan khapan thʉnʉm ee a hãbdu mʉ chog naan khaagau, chi õbdaʉ thootgemkhʉ̃ʉn maigmua chi do maach Ẽwandam di ar arraag ithee. ²⁴ Amachdeʉ ʉkha jierram Josué: "khãnthee pʉch chotnaanag jaauji maach Ẽwandamuata, mag Moisés thʉ̃nwe meguer deejim anʉm, maigmua thʉ̃nwe opuyaag jãkhʉ̃ʉn oon jãg jẽbgai jooba nʉ̃m khʉ̃ʉn, magsim awaaita maan japhiernajim pʉ gaaimua maan thõon beejʉ. Mag gaaimuata maanau mʉg waaujim. ²⁵ Ĩs oonuu ãba maan pʉ juapa eegarta nʉm. Pʉ ithee maanau waunum ajapha siman maigmua agcha siman, pʉata khapchirʉn". ²⁶ Maag waai Josueu amjʉ̃r mʉ̃g waujim: ãan iekhõr phai aupʉatar awaai Israelita pienai, mag gaimua chi Israel pienau ãan thõopuibajierãm. ²⁷ Mag gaimua Josue Gabaonitas pienag õbdau thootjem maigmua do uapʉajem khapi jierram chi phobor ithee, maigmua Ẽwandamag akho deeju ajim, mʉg ed aiguimua, Ẽwandamua chi dʉr jurautar ar.