1
1
2
1.ನಾ ಪ್ರೀತಿಲೈನಾ ವಿಶ್ವಸಿಲೇ ದೇವುಡನಿಂಕ ಆರ್ಬಿಚ್ಗನ್ನವಾಳ ಕ್ರಿಸ್ತಾಡ್ಲಾ ಬರವಸಂ ಪೆಟ್ನವಾಲ್ಗಿ -ಮಲಿ ಎಫೆಸಾಲ ವಾಸಂ ಸೆಸ್ನಾವಾಳ್ಗಿ ;ನೀನು ಪೌಲುಡು ,ದೇವುಡನಿಂಕ ಅರ್ಬಿಚ್ಕನ್ನ ಕ್ರೀಸ್ತೇ ವುಡ್ನ ಅಪೋಸ್ತಾಲಡಾಯಿ ಮೀ ದೇಗ್ಗರ್ಗಿ ಅಮ್ಪಿಚ್ನಾಡು. 2.ಮಾ ದೇವುಡು ಮಾ ಕರ್ತಾಡಯ್ನ ಯೇಸುನ ಕನಿಕಾರಂ ವಾಡ ಸಮಾಧಾನಂ ಮಿಕಾನಿ ಅನ್ನಿ ಪ್ರಾರ್ತಿಸ್ತಾನು.
3
4
3..ಮಾ ತಂಡ್ರಿ ಯಾಯ್ನಾ ದೇವುಡು ,ಮಾ ಕರ್ತಾಡಾಯ್ನ್ ಯೇಸು ಕ್ರಿಸ್ತುಡ ತಂಡ್ರಿಗಿ ಸ್ತೂತ್ರo ಕಾನಿ !ಪರಲೋಕಾಮ ಆತ್ಮಿಕ ಆಶೀರ್ವಾದಂ ,ಉನ್ನತಮೈನಾ ಉಲ್ಲಸಂ ಕ್ರೀಸ್ತೆಸು ಮನ್ಗಿ ಇಚ್ಚ್ಯಾಡು. 4.ಲೂಕಾನಿ ಉಂಟು ಸೇಸಾದಾನ್ಗಿತ ಮುಂಚೆ ವಾಡ ದ್ರುಷ್ಟಿಲಾ ಲೋಬಂ ಲೆಗುನ್ನವಾಲೈ ಅರ್ಪಿಚ್ಗಾನ್ನಳು.
5
6
5.ವಾಡು ಪ್ರೀತಿಸಿನ ಕಾರಣಂ ವಾಡ ಬಿಡ್ಲಾಯಕಿ ವಾಡ್ಗಿ ಮೆಚ್ಚುಕಂಗ ನಡ್ಸದಾನ್ನಿಕ . 6.ವಾಡು ಪ್ರೀತಿ ಸೇಸಿನ ವಾಡ ಕೊಡ್ಕಾ ಮೂಲಕಂ ಮನ್ಗಿ ಇಚ್ಚಿನ ಅತಿಶಂ ಆಯ್ನಾ ಕನಿಕರನ್ಗಾಯಿ ಇಪ್ಡು ಮಾಮು ಸ್ತೂತ್ರo ಸಲ್ಲಿಸ್ತಾಮು.
7
8
7.ಮಮ್ಮಲ್ನಿ ಬಿಡುಗಡ ಇಚ್ಚಿನಾಡು ವಾಡು ವಾಡ ಮರಣಂ ಮೂಲಕ , 8.ವಾಡು ಮನ್ಗಿ ನಿಂಡ ಕನಿಕರಾನ್ನಡು ಮಲಿ ಮನ್ಗಿ ಜಾಸ್ತಿ ಜ್ಞಾನಂ ಇಚ್ನಾಡು.
9
10
9.ಕ್ರೀಸ್ತಡ್ನಿ ಮನ್ಗಿ ಸೂಪಿಚ್ಚದಾನ್ ಮೂಲಕ ದೇವುಡು ವಾಡ ಆಲೋಚನಂ ರಹಸ್ಯನ್ನಿ ಮೀಕಿ ತಿಲ್ಬಿಚ್ನಾಡು. 10.ಕಾಲುಂ ಪರಿಪೂರ್ಣಂ ಅಯ್ನಾಕ ನಿರ್ವಾಬೆಕೈನಾ ಒಕ್ಕ ಕೃಪಂವುಳ್ನ ಸಂಕಲ್ಪಾನಿ ವಾಡು ಕ್ರೀಸ್ತಾಡ್ಲಾ ನಿಷ್ಕರ್ಷo ಸೇಸ್ಗಾನಾಡು.
11
12
11.ಕ್ರಿಸ್ತಡ್ಲಾ ಸಮಸ್ತಂ ಒಕ್ಕದೈತಾದಿ ಇದಿಕಾದನಿ ವಾಡ್ಲಾ ಮಾಮು ದೇವುಡ ಸ್ವಂತ ಪ್ರಜಾಲಾತ್ಮಿ. 12.ದೇವುಡು ವಾಡ ಸಂಕಲ್ಪನ್ ಮೆರೆಯಾಂಗಿ ಮಮ್ಮಲಿ ಆರ್ಪಗ್ನಡು.
13
14
13.ಸತ್ಯ ವಾಕ್ಯಲ್ನಿ ಇನಿ ಕ್ರಿಸ್ತಡ್ಲಾ ನಂಬಿಕಾಂ ಪೆಟ್ಟಿನವಾಳ ಮೀಳು ಸಹಂ ಪವಿತ್ರಾತ್ಮ ಡಾಯ್ನ್ ಮುದ್ರಾನ್ನಿ ಹೊಂದಿನಾಳು. 14.ದೇವುಡು ಸಂಪದಿಚ್ಗನ್ನ ಜನಾಲ್ಗಿ ವಿಮೊಚನಂ ಅಯ್ಯದಾಂಗಿ ಪವಿತ್ರತ್ಮಡು ಮಾ ಬದ್ಯತಾನ್ಗಿ ಸಂಚಾರಕೈನಾಡು.
15
16
15.ಕರ್ತಾಡೈನ ಯೇಸುಲಾ ಮಿಳು ಪೆಟ್ಟಿನ ನಮ್ಬಿಕಾ ಕುರ್ಚಿ ದೇವುಡ ಜನ್ಲಿ ಸೊಪ್ಪಿ. 16.ಮಿಕೈನಾ ದೇವುಡುಗಿ ಪ್ರಾರ್ಥಿಚ್ಚಾದಾನಿ ಮಲಿ ಮಿಕೈನಾ ಸ್ತುತಿಚ್ಚದಾನಿ ನಿಲ್ಫಾಲೆದು.
17
18
17.ಮಾ ದೇವುಡು ,ಪ್ರಜ್ವಾಲಿಸ್ನ ವಸಂ ಸೇಸಿನ ತಂಡ್ರಿ ಆಯ್ನಾ ಮೀಕಿ ಜ್ಞಾನಂನಿಂಕ ಅರ್ಥಂ ಸೇಸ್ಗಾನಕಿ ಸಹಾಯಂ ಸೇಯ್ನಿ ಅನ್ನಿ ಪ್ರಾರ್ತಿಸ್ತಾನು . 18. ವಾಡು ಮನ್ಗಿ ಏಂ ಸೇಸ್ತಾಲನಿ ಮಲಿ ಸತ್ಯಂ ನೀ ಯಂದ್ಗ್ ಮಟಾಡ್ತಾಳು ತಿಲ್ಚನದಾನ್ಗಿ ಪ್ರಾರ್ಥಾನಂ ಸೇಸ್ತಾನು.
19
20
21
19.ವಾಡು ಮನ್ಗಿ ಬಲಂ ಆಯ್ನಾ ಕಾರ್ಯಾಲ್ನಿ ಸೇಸ್ತಾಡು. 20.ಯೇಸು ಸಚ್ಚಿನಪ್ದು ಯಟ್ಲಾ ಬದಕಿ ವಚ್ಚಿನಾ ಮೂಲಕ ವಾಡ ಬಲಂ ನೀ ಸೂಬಿಚ್ನಾಡು . 21.ಯೇಸು ಅಂದ್ರಾಗಿಂತ ಉನ್ನತುಡು ಅಧಿಕಾರಂ ಉಳ್ಳವಾಡು.
22
23
22.ದೇವುಡು ಅಂತದಾನ್ನಿ ಯೇಸು ಅಧಿಕಾರಂ ಕಿಂದ ಪೆಟ್ಟಾಡು ಮಲಿ ವಾಡ ಕಾಲ್ ಕಿಂದ ಉನ್ನಟ್ಲಾ ವಿಸ್ವಾಸಿಲ್ ಪೈನಾ ಅಧಿಕಾರಂ ಸೇಸೆದಾಂನ್ಗಿ ನೆಮಿಚ್ನಾಡು . 23.ದೆವುಡ್ನ ನಂಬಿನಾ ಅಂದ್ರೂ ಒಕ್ಕೆ ದೇಹಾಂಲ ಒಕ್ಟೈನಾಮು ,ಅಂದ್ರೂ ಮಲಿ ಅಂತಾ ದೇಶಾಂ ವಾಡ ಬಲಂಲಾ ಉಂಡಾದಿ ಅನಿ ತಿಲ್ಚ್ಗಾಟಾಡು .