4 ಸಾರ್ ಅಧ್ಯಾಯಂ . ಪರಲೋಕ ಮೇಸೆತೆ ದೇವನು ಸಾನ್ನಿಧ್ಯಂ ಮಾನಂಕರೆಲು . ¹ ಆಚಿದೈನೇ ಹೂ ದೊವನಿಘಡಿ ಪರಲೋಕಮೆ ಕ್ಕೊರೆಲು ದರವದೋ ದಕ್ಖಯು ;ಊರಿ ಮಾರ ದೊಡೆ ತೂತುರಿ ವಾತ್ ಕರೆಂ ಹೂ ಪಸ್ಟ್ ಹಮ್ಮದಿಲಿದೆಲೋ ವಾಣಿ ಬೀ ಹಮ್ಮ್ ದಯು .ಹಾ ಉಡಿನೆ ಆವ್ .ಮೊಗರ್ ² ಥೈತೇ ಹಂದು ಬೀ ತುನೆ ಧಖಾಡು ಅಮ್ಕಿನೆ ಕಿದು . ತಗಡಿದ್ ದೇವ್ನು ಆತ್ಮಮ್ ವಶಂ ಚೋ .ತಗಡಿಹದೋ .ಪರಲೋಕಮೆ ಏಕ್ ಸಿಂಹಾಸನಂ ವುತ್ತು .ಸಿಂಹಾ ಸನ್ಮು ಉಪ್ಪರ್ ಏಕ್ಲೋ ಭಟೋ ವತೋ . ³ ಭಟೋವತೋತೆ ಆಚೋನೆ ಸೂರ್ಯಕಾಂತ್ ಪದ್ಮರಾಗ ಪರಾನಿಗತ್ ದಕ್ಖಾತ್ತೋಉತ್ತೋ ಸಿಂಹಾಸನಂನು ಸಪೋರು ಪಚ್ಚೆನುಗತ್ ದಿಕ್ಖತುವುತ್ತುತ್ತೆ ಮುಗಿಲ್ ಬಿಲ್ಲ್ಉತ್ತು . ⁴ ಆನೋಹೈತೆ ಸಿಂಹಾಸನ್ಮು ಸೊಪೊರು ವಿಹಿನಾಸಾರ್ ಸಿಂಹಾಸನಮ್ ಉತ್ತಾ .ಎ ಸಿಂಹಾಸನನ್ನು ಉಪ್ಪರ್ ನವಾನು ಗುಡ ಪೆರಿಲಿದೆಲೋ ವಿಹಿನಾಸಾರ್ ಬಂಡು ಮೊಟ್ಟ ಬೀ .ಭಟ್ಟಾವತ್ತಾ .ಇವ್ನ ಮೂಡಿಪರ್ ಹೂನ್ನಾನು ಕೀರಿಟ ಉತ್ತಾ . ⁵ ಸಿಂಹಾಸನಮ್ಮ್ ನ ಮ್ಹೆತೀ ಇದ್ರಿಯೋ ಬೀ ವಾಣಿಬೀ ಗಗಡೆತಿಬೀ ಆವೆ.ಇನು ಮೊಗರ್ ದೇವ್ನು ಹಾತ್ ಆತ್ಮಮ್ ಧಕ್ಖಾಡೆತ್ತೇ ಹಾತ್ ದಿವಾಬೀ ಸುಲ್ ಗತಾವುತ್ತ . ⁶ ಆನೋಹೈತೇ ಸಿಂಹಾಸನಮ್ ನ ಮೊಗರ್ ಸ್ಪಟಿಕ ನೇ ಸಮಾನಂ ತೈಲು ಗಾಜ್ನು ಸಮುದ್ರಂ ಉತ್ತುತೇ ಅಮ್ಮದ್ ದಿಕ್ಖಾಯು .ಸಿಂಹಾಸನುಮ್ ನ್ನು ಬಿಚ್ಚಮ್ಮೆ ಇನ ಸಾರ್ ಕೋನೆ ಬೀ ಸಾರ್ ಜೀವಂಉತ್ತು ;ಇವನೆ ಹಂದು ಬೀ ವ್ಹಾಯ್ ಮೊಗರ್ ಘಣು ಆಚ್ಚೋ ಉತ್ತಾ . ⁷ ಪಸ್ಟ್ ನು ಜೀವಿ ಸಿಂಹನ್ ಗಾತ್ ಉತ್ತು ಬೆಮೆನು ಜೀವಿ ಬೈಲ್ ನ್ ಗತ್ ಉತ್ತು ;ತನ್ನ್ ನು ಜೀವಿನು ಮ್ಹೋ ಮಾನ್ವಿನು ಮ್ಹೋನ್ಗತ್ ಉತ್ತು ;ಸಾರ್ ನು ಜೀವಿ ಉಡೆತ್ತೆ ಗರುಧನ್ಗತ್ ಉತ್ತು . ⁸ ಎ ಸಾರ್ ಜೀವಂನ ಮ್ಹೋ ಏಕ್ ಏಕ್ ನೇ ಸೋ ಸೋ ಪಾಕ್ಕಾ ಉತ್ತಾ ;ಎ ಜೀವಿನೆ ಸಪ್ಪೋರು ಮ್ಹೆ ಘಣು ಆಚ್ಚೋ ಉತ್ತಾ ಎಜೀವಿ ದಿನ್ ರಾತ್ ದಮ್ ನಾ ಖಾಯಂ -ದೇವ್ ತೈಲೋ ಕರ್ತನ್ ಪರಿಶುದ್ದನು ಪರಿಶುದ್ದನು ಪರಿಶುದ್ದನು ;ಎ ಸರ್ವಶಕನ್ .ವರ್ತಮಾನಂ ಭೂತ ಭವಿಶ್ಯo ತ್ಕಾಲಂತ್ತಿ ರಿವ್ಯೋ ಅಮ್ಕಿನೆ ಕಿದ್ಯೇ ⁹ ಹೋರ್ ಹೋರ್ ತಿಬೀ ವಾಸವ್ಯೋ ತೈನೆ ಸಿಂಹಾಸನoನು ಉಪರ್ ಬೆಸೆಲೋಸೆತ್ತಿನೆ ಎ ಸಾರ್ ಜೀವಿ ಬೀ ಪ್ರಭಾವಮಾನಂ. ¹⁰ ಕೃತಜ್ಞತಾಸ್ತುತಿ ಬೀ ಸಲಿಸೇಅಂ ಎ ವಿಹಿನಾಸಾರ್ ಬಂಡು ಮೊಟ್ಟ ಸಿಂಹಾಸನoನು ಉಪರ್ ಬೆಸೆಲೋನೆ ಪಗ್ಗ್ ನೇ ಪಡಿನೆ ಇವ್ನ ಕೀರಿಟ ಬೀ ಸಿಂಹಾಸನoನು ಮೊಗರ್ ನಾವಿನೇ - ¹¹ ಕರ್ತನೇ .ಹಮ್ಮರೋ ಸೇವ್ ತೂ ಪ್ರಭಾವ ಮಾನಂ ಬಲಂ ಹೊಂದಿಲೇವನೆ ಯೋಗ್ಯಂ ತೈಲೋಸೇವ್ ;ಸಮಸ್ತಂ ಬೀ ಸೃಷ್ಟ ಕರೆಲೋ ತೂದ್ ;ಹಂದು ಬೀ ತಾರು ಚಿತ್ತಂತ್ತಿ ಸೆತೆ .ತಾರು ಚಿತ್ತಂತ್ತಿದಿ ನಿರ್ಮಿತಂ ತೈಲುಸೇ ಅಮ್ಕಿನೆ ಕೆತಾನೇ ಹೋರ್ ಹೋರ್ ಮೇ ಬಿ ವಾಸವ್ಯಾನೇ ಆರಾಧಾನೆ ಕರ್ಯೋ .