¹ In si di tatswe shuwai mang abin afai tatswe shuwi ji mang abin afai keh, ba si shuwak, agwui ke ba in shio ba. ² In si di gbandang a zazarak a kyrang, afai Urushalima nang gu jirub a bin mami tatswe daa vwo a Agwaze nang a abziak afai da afuwong atiyik gu ani. ³ In si vak agbandang a wuwat ma vwo tiyok ke nyio. Nwuwang! Avwo shuwat Āgwaze shio mang ayio bishi, ana shuwan mang be. Ba na yet aniyet gu bya, Āgwaze mang apio gu, na shio mang an be, ana yet Āgwaze be. ⁴ Ana liyang be kudang agyi ma lili ba be Ahu bana in shio ba, byan fwo bana shio ba, ko anak ko vak vam. Ngyang gbang-gbang ne shuwak. ⁵ In gu a shuwan tatswe tyok ke ani gu yio, Ye wuwan. In yio kudan kyan fai, a si hyio. Luru ingyan nai, ayawa song aliyat yet atan ā, ayawa na yet a chuchuk. ⁶ A si yio mang anung. Ngyan nai aka yio ne, nun gu wa yet Alpha mang Omega. Nuguwa yet atin ke, Nuguwa ba si yet in yiyen wu. A chio wu a fuwong mashi ani, In na nang gu a sahuwot a shuwo, ba sai nan gu tan ba, mu nang asahuwot swan. ⁷ A chio wu a kuwang gu wa na gye gado nkyan nai, in na gyet Āgwaze gu, in gu a yet nguwon nung. ⁸ Ma'anyawa, a buk, mang ji wai wuwak fwuo, ayio hyi anet, ayio chat ayiok barakate, sarai mang ayio buwai ala, avwo be ke na shio mu dung. Si hwa ha yet ahu akafiyan ke. ⁹ Achio ntam Āgwaze kanatad wu si bai da avwo nung, a chio wu a bang kwan roba anatad mang in kyang tsot anatad, a si yio mang anung bai a ji. In na hyio mang awang atiyok afai wu, apiyiok a ti san wu. ¹⁰ A si kyak nung mami a zazarak tswe wu, a si nat mang anung ma gangang a fan a si ta tak nung zazarak gbandang akyrang Urushalima, a churup niyet a tatswe tabai abin da vwo Āgwaze. ¹¹ Urushalima byio shi Āgwaze a si byio mumuwang nang a tsatsak lalah, nang afang ke ka li ma mimiyat ani. ¹² A byio a gangan ba mung a vwo wuwai shuwak mang afiyang mang anyio tam Āgwaze shuwak mang afiyang ba yong ma vwo inwuwai ne. Ma vwo inwuwai ne an luru yuyurok uwap nman shuwak mang afiyang si Isra'ila. ¹³ Di kyung a tin hu, a vwo wuwai atad in shio, di kyung aajeh hu, avwo nwuwai a tad in shio, di kyung Atak hu, a vwo wuwai a tad in shio, di kyung kyuak a vwo wuwai a tad in shio. ¹⁴ Bat, a gbandang a kyaran hu byio āchan nok suwak mang afiyang atatswe an luru yuyuron nman tam Yesu in be shuwak mang afiyang. ¹⁵ A chi wu aliyat mang anung ani, a bang tsuwam mai, nang a ji mang a mamiyat afang a si in mak ne, mang bat hu. ¹⁶ Agbandang akarang wu, a ji ye gu tsazarak a shuwap gu ke shio tasazarak mang a kpai ke. A si mak agbandang akarang man zwam mai a ji kafa 12,000 a shuwap ke mang kpai ke mang ajeh ke ba shio tsazarak. ¹⁷ A si ba mak bat hi, ku si yet kafa 144 a pyit ke di mak a Tibishi, ku bin a yet mak Ajitam Āgwaze. ¹⁸ Bat hu a nok hu mang nfan, agbandang akaran wu man zinariya nan a li nan kyan wuwan avwo ani. ¹⁹ Afang nok bat ke a yio ke mang a tan fang. Ayuyon a gyai ke, Yasfa, afiyang Saffir, atad Agat, anai Zumurrrudu, ²⁰ afuwon Onis,atea Yakutu, natat Kirisolat, arinai Beril, akubuyang Tofaz, suwak Kirisofaras, suwak nan ayung Yakinta, mang nbyang suwak man fiyang Ametis. ²¹ Avwo wuwai shuwak mang afiyang ne, kudang avwo pyio lu'ulu'u kudang ke an yio ke mang lu'ulu'u. Nvak mami agbandang akarang ne, an yio ne mang Zinariya, ali nang gyan yuwan avwo ani. ²² In si wuwan, in shi di avwo nai Āgwaze in shio mami agbandang akarang wu ba, Āgwaze gu wa yet a agwam, Yesu ā yet avwo nai ke. ²³ Agbandang akarang wu, chat mam ba, ko chuwat ba, nang ku na chio avwo ke kan sāi ani shei Āgwaze hu shio tatswe gu. Yesu a yet Yesu. ²⁴ Abin ke na chong mami haske agbandang akarang wu. Ya Gwam mā tachio be na bai mu shyit be hu. ²⁵ Ana nyim avwo wuwai ke a tamam ba, ātyiotuk na nshio ba. ²⁶ Ana bai mūsie abin hu mami ke. Ababuwon gyan na wuwo mami ba, ²⁷ ko a tyio wu ayio akatuk kyang ani, ana wuo ba, sai atyio wu nang a luru a wurung gu ke mami kwe abuwat Yesu ku yet suwan ani.