¹ Nsin di yam zi ghwut nmin chen hu achogai. Zi bzya titam swak mang pipyia anatat. Nmi titam gu an bzyia bung tyok swak, nmi pipya gu hu a sin bzyia yuyurok nang ku tsiyen Agwaze ani. ² Yam zi ndi ani, zi si tai chiyo. Gpai ntak gu zi si tai sin sok, awot anu ka tai á sin zaki. Akatuk nzwuo wu si nwak gu chet gu hu mang tyian swat tyok gu zi mang aghandang tyok gu wu. ³ Apyia anyiung di pipya nan yam zi bzyia ani si shia kun nan kuna yet sin āhu zi ani, awot kun ahai si shiyim, ⁴ kakap atachia ka si khwuk gu ntong da niyan kā gun nwat nyam zi ntong mang dyep nyia, "Yana li nang nyam zi ani? awot ayana na mai a kwan mang anzi" ⁵ A si nwat yam zi anu ka na sai alyiat mayi ayin mang atsiyen. A si jong gu jen gu nan nyia tyok zwat nswaknai mang afiyang. ⁶ Da niyan aya kya yam zi sin khwuk gu ka an jiyat alyiat atsiyen da Agwaze, gun tsiyen ayurok gu ka, avwuo ka gun swan ani, mang aniet be ba shia atanzwe ka ani. ⁷ Á si nwak yam zi chet zinan nyia zwang mang azazarak aniet khwi agyia ba ani. Ayawa asi bon nwak gu tyok tanzwe kudan kudang kwai, aliyen mang abin. ⁸ Kakap aniet ba shia ma tachia ka ani na diyep gu, koyan nang anwai liuru ayurok gu ka ma kwe nbwank nswan hu ani, tabat nmin jen zi an nyia atachia ka ani nang ba yet asin anfwut be ani, nang aku fiyet ani. ⁹ Ka ayin bziya fufwuo, yok gu afak. ¹⁰ Kanan ana tabat ayin anat khwo, chwo a whai ha gu na nat. Kanan ayin na khu akhu ntswat, mang tswat za anan hyat gu. Suwhi yurong yet si gbang aliyā mang nyap fwuo mang nwat a chuchuk da niet ba li zazarat ani. ¹¹ Azawa nsi bon di yam jiyang zi ghwut matachia a chobai. Zi bzia atitam afiyang nang anfwuk ani awot asi lyiat nang akatuk nzwuo ani. ¹² A si nyia kakap ntam Ayok ne nang yam azason nyia ani magyi zi, zi si chia atachia ka mang aniet ba shia manka ani dyep yam ason zi si nang kun zi hu ku shiyim ani. ¹³ A si achachet agade, mang tyai long ku choyok atanzwe abai matachia ka zason aniet ka. ¹⁴ A si lai aniet ba shia matachia ka ani din kyang ne a jong ambe ba nok nkyang anan dyep a nwak yam azai shi nang a buwo kun hu mang tswat zi a si shiyim ani. ¹⁵ A si jong gu chet hu gunan chya swan din kyang ne a nok yam zi do ani na ka lyiat awat na chia kap atyu alak khwuak gu ntong ani a hyiat gu. ¹⁶ Mang chet tyok gu hu, a si chia koyan si chiyat zunzhu adadai mang agbandang, atyu-nzwe mang atyu-sang, atyu nwai yet akhwuo mang akhwuo. ¹⁷ Manang kun ngyet te ha koyan a san awot alyat ani, se nang abzyia nyan azai, ku ayurok ke, ku nyan zi.