1
Azawa nsin ndi agbandang atam aghyang gu ghyā atanzwe a chubai. A gad gu ma aniniyan, awot ghughwo atsontsong si shio apio gu. Agie gube si li nang mam ani awot gbe-ai guzi li nang aya alam ndong ani
2
. Asi bang adadai tayada nang a khwuk ani awot asi chio takyak gu hu mā ghwui tak miyam guhu abin ke.
3
Azawa gu si nchio kum mang agbandang aghwuat nang Zaki a twuai ani, awot, gun-nchio kun ani, awot gun-nchio kun ani amiram nze anatat wu si lwi.
4
Nang amiram nze anatad wu ndwi ani an-nghye n-nan dwuru, awot nsin nfak aghwat ghyia atanzwe ka ghyio "yok tyai kyang amiram anatad wu khyio ani bah. Yok lyuru bah."
5
Awot, Atam Agwaze ndi gu yong mā aghwui mang swat-nte hu ani ntagham bwak yak guhu natanzwe,
6
awot asi shi da atie a-nshio tanat sangbat a-mad atanzwe mang kakab nkyang na nshio mā-hu ani, swat-nte hu mang kakab kyang hu-nshio mā hu ani, awot mang kyai aghwui mang kyang hu nshio mā hu ani: "Bzan jen bā nā nshio bah.
7
Awot, di mam atam Agwaze akanatad wu nchat khyab agwe gu ke ani, kyang Agwaze lab asak di niyad ani na bai da anu ke; mā nang gu ku-ntak mang akhwo gube ba yat ayaatam akwonu gu ke ani."
8
Aghwuat ke nfak ghyia atanzwe ani ba lyat mang anung: "Nat, kyat kwe ambwat a khwuk ani ku shio din nbwak atam Agwaze a yong māghwui ke mang abin ke ani."
9
Azawa n sin-nnad mang atam Agwaze n sin khyio mang ān-gu gu jong nung adadai kwe ambwat wu. Asi khyio mang a nung, "Kyak kwe ambwat hu a ghyie. Ana chio afe a ke gbazazai, awot abwonu a ke ana swan tontong nang nong ani."
10
N sin san adadai kwe ambwat wu mbwak atam Agwaze ke n sin ghyie. Asi swan tontong abwonu nung ke nang tong ani, awot nghyie ani afe nung ke si swan gbazazai.
11
Azawa nghwunghwat ghyang si ghyia mang anung "Ku yat te ha aba shai kyang ku chobai adanswon anibishi, mang akakarang, mang nghwob, mang aya-agwam."