¹ Yesu sí tak ma mbe, nshyi ma nyien ātsak àliyat, āghyang ba yong āzè na kwui ba sáái nāng tyok Āgwaze bái mān chad. ² Nāng mam ātae ne n swang ani, Yesu sī kyak Bituru, Yakubu, ma Yoona ma ngu nyi-yak ágangang āfān. Li gu hu sì shaí āzaghyi be. ³ Āya turo gu be sí tyiak sáái ma kyenkyai, ba kwui āghyi ma myammyat. ān bzie kyang kuna kwui be nya ma swante hi ba. ⁴ Āwot Iliya ma Musa sí tad ā ghwut da ākanyiung āzaghyi be nāng Yesu shí ma liyat ma be. ⁵ Bituru shim gu nyi ma Yesu, ātio tyiet, ku mím zit tat āsuswak tad. Ā nyiung da nyian ah, a nyiung da niyan Musa, a nyiung da niyian Iliya. ⁶ Āwoun tabat Bituru ma ākum mman tam ne, ā sī shì kyang gu sang khyai hu. ⁷ Āniniain sí kub be, ānghwat sí ghwut ma āninian bye ka nyi, nyi myai afufuo nyi fak ke, nggwon níng kya. ⁸ Mí dí yong ahai, ba bwan ba sí nwuan ba lyie ayin ba, Yesu āh yong ma be āyien gu. ⁹ Nāng bān kpé chirop da fan ke ani, Yesu kam be bā yok tak ma āyien kyang nāng ba li ani sáái nāng nggwon ātibishi duruk da liyak hu. ¹⁰ Kyang ba li ani ma ā sí nē nāng gu liyat ani na swan anya gum. ¹¹ Ba lyip Yesu ī hwa nbziè nāng ā chāchēt āniet tyiet tyok nyi Iliya a yet atie kwag āsōn? ¹² Āsi tak ma be nyie, Iliya hwa yet ātie kwag āsōn ke da niyan gu na jyi nkyang jyang. Nāng an liru ani , Nggwon atibishi na sūō ābung āwot ālāk ke. ¹³ N tak ma anyien ,Iliya kān bái, aniet sí nyi kyang ba chāt din ngu ani. ma nāng kwe nbwat hu n hyi ani. ¹⁴ Nan ban bwok bai da avwo ke akum mman tam Yesu nshie ani, akpe ba li ani yet kyang awoun. Achachat nyie doka be yong fuwang ha mā ākpe ke. ¹⁵ Ākpe ke ndi Yesu ani, ba si fak āgāde di bai gu hu. Ba si durok di jhen juong din chung da nat byziet gu. ¹⁶ Āsí liyip mman tām ne, ihwa yeet kyang fwang hu ma nyien? ¹⁷ Ā yien ma ākpe ke sí shim gu do, ātie li, nbái ma āfài níng ā bzie ābwonbwon tswè ā tyei gu nwāi liyāt ani. ¹⁸ Ā tyei gu kwuii long chan āwot ā jip gu ābin , jafuk ātampyie zi ghwut ābwonu gu, āfāt ānyieyiung. Nliyat ma mman tam aniet ba vuong be ku sí khāt be. ¹⁹ Ā si shim be dōu, kwot tsye ku nwai nwad āchuchuk. Dāng jen za nāng ana gyí ā sōn ma āghyang. Nyi bāi ma nggwon ke azi. ²⁰ Ba sí bái mā nggwon ke mā ngu. Ābwonbwon tswè wi ndi Yesu ani, mí dí jen jzai, ba jyip nggwon ke ābin mā chād, ja fuk ātāmpyie sí ghwut ābwonu gu. ²¹ Yesu sí lyip āti nggwon, kyang yet dāng jen jza na ngu nswou ābung káái? āti nggwon nyi niét gu yet ādādāi. ²² Dín jen ka nìn kyag gu tye mun long, jen jyang ma āsakhwot kà chāt bwūk mā gu. awot káá sí shim, nyi sakut fak kunak zit ā biyang zit. ²³ Yesu sí nyi mā gu, kan na ānāng nyi kyang? kudang kyang na tyie mā āvwou atie dá niyan nāng a nwak āchuchuk ani. ²⁴ Mi dí jen jzái, ātie nggwon hwu sí tie kun gu nyi, nwak āchuchuk biyang níng. ²⁵ Yesu ndi ākpe ke tyong niyeet mā gu ani, ā si kam ābwonbwon tswé āwai gu tī nyinyiung. Nshyie ma nwuān, ghwut dí vam gu āyock bōu bwok nwō ba. ²⁶ Ābwonbwon tswé tyie kun ma chad, ā sí jyip nggwon ke māng chad ābin, ā sí ghwut ma ke. Nggwon ke myie nāng kwom ha ani, āghyang aniet ngye ka hwu a. ²⁷ Āwot Yesu sí tabat gu dí bwak gu nyi mān gu, tagham yong ākātsak. Nggwon ke sí tagham. ²⁸ Yesu n byai āmali ke ani, ā sí yurong mman ne dí kyung. ²⁹ Gu nyi ma be, ī hwa ha n bzyie nyin nwai vuong be? Ā sí lyip be. Ku mai ntyie ba sāāi mū nāāi. ³⁰ Yesu chat aniet ba liyen āvwo ke āyien bōn shíe ani ba, ba sí bwak ghwut mā karang Galili. ³¹ Ā sí tabat miyam be, gu nyi, jen chabāi nāng nggwon ātibishi nān swou abung ani a hwu a shiyip ka nāng mam tat swak ani. ³² Ba fuk kyang nang gu fe ani ba. ba fwong awun di lyip gu. ³³ Bān nwou Kafanahum ani āmali āghyang, ā sí lyip mman tam gu ne kyang hu ku yet kyang fwang mā be ā nyie ? ³⁴ Āwot ba sí swan nyiuang. Fwang zi yet da niyan da ātie na yet āgbandang mā be ani ah. ³⁵ Yesu sí swan ābin, ā sí yirong mman tam ngu ne swak mā fiyang ndung. Ā sí nyi mā be, āti a chat a yet āgbandang tanzwe ani, māi a yet ākum ke ahwu. ³⁶ Yesu sí kyak ādādāi nggwon mū gu, gu nyi; ³⁷ Ātie ā san nggwon kāāi ani, ā san níng. kā nā nyi san níng, nyi san ātie a tam níng ani. ³⁸ Yoona nyie mā ngu, ātyi li, āghyang aniet vuong ātenyirang dá yirok ah zit sí vuong be dá niyan nāng bwan nwai yet ani chong dundung ma zit. ³⁹ Yesu sí kam be, gu nyie, ātyie ā shī mā níng ani na nyiee tsak kyang nāng nyin ani. ⁴⁰ Mā ātyie ā nwai nyie nān vān ma nzit, āshíe mā nzit ah. ⁴¹ Ātyie nāng asakhwot swuo ani dá niyan níng āni, āna shie zang. ⁴² Ká āyin nái na nwuak fwuo dín níng ani, na nyi ākātuk, kuna lān alyau ānyuu nan kwang dín fwuo a te gu ma kwai āsakhwot. ⁴³ Āwot ka bwak ahu na tià ā nyi ākātuk, tyat hu jip. kuna lān ā shi a swuan sangbap ji mung bwak nyiung nan anan mang bwak fiyang ani. Awot din long ku nwai nyirip ani. ^{44 45} Āwot kaa nang tak ahu na yeet kyang kuna tyia an kwe ani, tyiet hu jip. ku mai a nwou ali tanzwe shamsham nāng ana nwou āli long ma bwak fiyang. ⁴⁶ long a hai nyirip ba tah nat sanbgap. ⁴⁷ Káá nāng tswè ā zi zà na yet kyang na tyie à ā nwou ali lōng a nywai tyok ātanzwe hu, tī ālie kyai ⁴⁸ A vwuo nang shuod nshio aniba, mbyang lung si lak kai. ⁴⁹ Koyan ana mak ngu mīng long. ⁵⁰ nfak byzie nyinyang ma yak, awot kaa nang sang nyinyang hu tyak, na bo yet nfak? Nyie suwan nyinyang ma aghyie yien.