¹ Dín jen āzai ākpe āniet ma dīdīt sí tung. Nāng bān mbang kyang gyi ani bah. Yesu sí yirong mman tam nggu ne a sí nyi ma be. ² Nfwong kunak āniet bài ba shìe má níng ani, mam tad nya náí. ³ Kà nāng n tī be zwōng nyi bāng nkat āmali, āghyang āniet na furang dí vak. Āghyang māng be niyét gbang. ⁴ Mman tam nggu ne sí lyip gu, āzi ah nāng zit nan shie ākōnkōn nan máái āniet bai? ⁵ Ā sí lyip be, Ākōnkōn Āmang ah nāng nyie bzyi? Ban nyi anatad. ⁶ Ā sí nyi māng ākpe ke ka swuan. Asi kyag Ākōnkōn ā sí gwai āti, Ā sí kpuram nwak āniet tam gu bah sí kau ākpe ke. ⁷ Ba bgāng fān dādāi, ā sí kyag ā sí gwai ātí, Gu nyi māng āniet tam ngu be ba kāu shamsham. ⁸ Ba gyie ba sí swue, ākātirang anatad si bwat. ⁹ Āniet chikwop nyai byia ku ghyi. Yesu si tīn be, ba sí kaam. ¹⁰ .Mí dí yong āhai, Yesu sí ngwon kukwon āwak māng Mman tam gu, ba sí byak nat kyung Dalmanutha. ¹¹ Nāng afarisiyawa āghyang nfak kyang nang Yesu nyie ani, Ba sí tabat fuwang ma ngu. Ba chat kyang āgāde ku niet tanzwe ani, ku yet ālama tak tyok nggu hu ani. ¹² Ā sí khwat ājūnjūng swan, gu nyie kaat! ihwa byie nang che hi nchat kyang āgāde ku yet ālāmā? N shyai nyien ātsak, ālyat che ca-byai hu ma na li kyang a hwyai ba. ¹³ Āwot ā sí wot be, ā sí ngwo kukwōn āwak ā sí bzak ā manyi chān kyau. ¹⁴ Mman tam nggu ne bwung bāng ākokong ma be. Ba bzie ākōkōng a nyiung a ma kukwon awak. ¹⁵ Ā sí hwāt be āfufu gu nyi ma be, koyan gu cham ā wot ā chok apyia gu da niyan farisiyawa be nbiyang Hiridud. ¹⁶ Mman tam sí nyi ādidām ma āghyang be, sang ākokong hu gu lyat anya? ¹⁷ Yesu liyen ādidam be hu āwot ā sí nyi mā be ī hwa nbzyie nang nyie dam da nyian sang ākokong? Nyi fak a? Nyi shi lyen ba? Nfwuo nyi ne tyie gbapdok ah? ¹⁸ Nyie byzie aghyi be, nyi nwuan ba? nyi byzie āfufwo, nyi fuwong ba? ¹⁹ Nyi bō jhyung kyang ba? Jen ji nāng n-kau ākokong afwon da āniet chikwop tsewon ani, ka tsirang āmang nya bwat? Ba nyie swak ma fiyang. ²⁰ Āwot n-sí kperam ākokong ānatad da āniet chikwop nghyai, a ka-tsirang māng nya bwat? Ba nyie anatad. ²¹ Gu nyie ma nbe shi lyen hu lat ma nyien ah? ²² Ba sí bái Bethsaida, āniet sí bái māng nggu ā tie āfufan ma ātie shurang, ā sí shyim be. ²³ Yesu bāng ātie āfufan dìn bwang, ā sí ghuut ma gu ma ākarang kwyai. Ā sak gu bwak apyia, ā sí shiyub gu ātan-pioh, ā sí lyip gu, a li kyang ah? ²⁴ Ā sí nwan tanzwe ā sí tak, ndi āniet nāng ākakwon ba chong. ²⁵ Āwot ā sí sak ngu bwak ma āghyie, āsí shiè nwan avwou hu shasham. ²⁶ Yesu sí tyio gu kaat āmali gu nyie ma gu nyie ma gu yok káái amami ākarang ba. ²⁷ Yesu ma mman tam gu hwu tirang kaseriya filipi. Dín vak, āsí lyip mman tam gu ne, Āniet nyi ī hwa ha ngyet? ²⁸ Ba shim ba nyie, Yoona àtí zub āniet ma āsakhwut, āghyang Iliya, āghyang ya ākonu Agwaze. ²⁹ Ā sí lyip be, ma nyie ihwa nyien nyi nghyet? Kristi Nggwon Agwaze kya ayeet. ³⁰ Yesu sí khwat be āfufuo ba yok tak ma āyien ba. ³¹ Ā sí tiyed be gu nyi, Nggwon ātibishi na swo ābung ma kyang ma dídīt, āwot āneit khwop āniet, āchatchet pris, ma āniet tyi hwu na lak níng. Ba na hyet níng a niyat níng. Su huyai yet āzāzārāk ha. ³² Bituru sí khuwat gu dín kyung ā sí kam gu. ³³ Yesu bwak ā sí nwuan ākum mman tam nggu ne āwot ā sí kam Bituru gu nyi "shiyie maliyiem níng ātenyirang! nbiyang ābwōnbwon fuo ma kyang Agwaze byzie da niyan āniet gu ani. ³⁴ Ā sí yirong ākpe ke ma mman tam gu ne ndung, gu nyi , ka āyien na khwui níng, ana lak apyiah gu , ana akyak atiyiem ahu a khwui níng. ³⁵ Ātie ā chat swuan gu ani, ana nyai zi. āwot ātie a nyai zí ma da niyan ning ani n biyang aliyat níng ne, ana shie swuan. 36. ³⁶ Ī hwa yet kyang nyi-nygang a shie swante hi a nyai swuan ah? ³⁷ Ī hwa yet kyang ātibishi nan nwuak da niyan swuan gu? ³⁸ Ātie fak nswum níng ma āliyat níng ne ma ākatuk swante hi ani, Nggwon atibishi na fak swum gu meang nāng ka nan bái mami ākyenkyai shi Ātie ma āzāzāràk āyaatam tswè Agwaze ani.