¹ Yesu sí wot afyiem Yahudiya, ā si chong bwak da aghyui Urdu. Aniet ma didit sí khui ngu, ā sí miyam be. ² Āfarisiwa āghyang baai da niyan mak ngu. Ba nyi, kyang Musa k liru da niyan kam (tyat) nyirang hu ani, ku yet ah? ³ Ā sí nyi mā be ī hwa yet kyang Musa hyie ma doka zit? ⁴ Ba nyi, Musa ku shim nyi ā liru kwe tyat nyirang. ⁵ Yesu sí nyi ma be, lak fwong nyien ha kun byzie Musa nyi anya. ⁶ Āwot níyet dī tsé swante hu, Agwaze mat be ātiok ma ābyīk. ⁷ Da nian ā kyai kya, ātiok nan ghwon ā tyie nggu ma āyang ngu, ⁸ ā biyeet da ābyīk gu. Nbe a fiyang na yeet vam nyiung ha. ⁹ Kyang nang Agwaze lap ani, ayien gu yok tyat hu. ¹⁰ Din jen zi na ban nshie ā nyien be ā mali ke ani, Mman tam ngu ne sí lyip, ¹¹ Ā sí nyi, ātie vwoug ābyīk ngu ā sí bwou aghyang ani, katneen kya gu nyi ma ngu. ¹² ma anya wa ābyīk ā tyat nyirang ngu ani, katneen kya ngu nyie. ¹³ Mman tam ngu ne ndi āchuwang mman chung da āvwo Yesu gu sáái be bwak āpiah ā sí ani awot ngun fwon be ani, mman tam ngu ne nfwo be ne si vwout. Ba sin vwong be. ¹⁴ Yesu sí nyi ma be, tyok Agwaze hu yeet sín be ha. nyi yok be. ¹⁵ Ā tsaktsak nshyai ma nyien, atyie a nwai san tyok Agwaze nang a ban nggwon ani, a bzyie āvwo nwo ba. ¹⁶ Ā sí kyag achuwang mman a sí fuwon be. ¹⁷ Ātyok āghyang sí ni yet dí chung ma kpurak akkhukhut azaghyi yesu di jhen nang gun tabat vak nyeet chiyeet ani. Gu nyie ma ngu, da ihwa na n na nyie nshyi swan sangbap astakstak atie tiyed? Yesu nyie ma ngu, yihwa n byie an gyei ning a tsaktsak? ¹⁸ Agwaze ma nyien ngu wa yeet a tsak. ¹⁹ Yesu nyie ma ngu yok hyat a yien, yok nyie a katneen, yok nyien tsang, yok shyi alaa da niyien a yien ba, yok shyok ayien. Nwuak atie ah ma a ma ayang a shii. ²⁰ Ātie Ali, fung áhai nyie ma ngu, kyang a naii an nyie nee nang yet nggown . ²¹ Yesu nwan gu ma chat ma fwou, kyang nyiung ha bwat a. gu nyie, lyap zwe ā zi ā kau ā kunak, kyang tyok Agwaze chat ani wa hai, ā wot a baì a hyi níng. ²² Ā sí bud mun fwou, Fwou gu hu sí bzyan a sí ńkat. Da nyian gun tung zwe ani. ²³ Yesu sí nwan mman tam ngu ni kraag. Ngu nyie, kuna bzie ahu a tyie zwé a shié nwūo tyok Agwaze hu. ²⁴ agade sí tabat mman tam gu ne. A sí bo tak be, achuwang mman,tyok Agwaze hu, ngwo hu na bzie a hu. ²⁵ Yesu nyie, kana láái lan alakumi a ngwo kraag dí zwoyí ayiop nang atie bzie zwe nang ngwo tyok Agwaze ani. ²⁶ Agade sí tabat mman tam gu ne, awot ba bwan nwan aghyang. Ba nyi awot ka anya wa, a nyan na shie san hu? ²⁷ Yesu bwak ali ae ani, gu nyi da avwou atibishi, kuna tyie ba, ma avwou Agawze ku tyie. ²⁸ Bituru nyi zit wot kudang kyang jit zit hwui a. ²⁹ Yesu nyi, A tsak-tsak ntag nyien, koyan a wot ali gun ani, kō anyiúng asam kō anab kō ayang kō atiē kō mman kō ābin da niyan shyíé aliyat níng ani, ³⁰ ana shīe zang kan chi kyang gū nýai ani manini ma swante hī. Akasē, ma anyiūng asam ma anab ma ayang mman ma bíbīn, ma swo abung, nbiyang swante kū chabaí ani, ma shīé swuan ta nat sangbap. ³¹ Āwot māng nyien, āghyang ba yet asōn kè ani afwun, byīa na yet līm hu. ³² Ban shíé dín vak níét urushelima, nang Yesu wa kwokk asōn ke, mman tam ne sí nyí agadē. akum aníét ban khwui ani sí fak awūn. Yesu sí yurong mman tam gu ne dín kwung a sí hyie mang abe kyang ku na shio gu ani, ³³ nyíí li zi na niyak nat urshelima. así bo yurong mman tam gune dín kwung así tak mang mbe nang anan tabat nggwon atibishi a ti ke bwak ati nwap mang aniyo lirū a yahudawa. Bah na bwuk mang ngu, fyet gu shiriya akhwu. Bah tyo gu bwak niyat da ba yet yahudawa ani ba. ³⁴ Ba na jwai gu. Atang gu atanpiao, a tswat gu, hyat gu, ka nang mam tat swak, ana drog. ³⁵ Yakubu mang Yoona afaí Zabedee byai ma gu, ba nyi ma gu, atie tyiet, zit chat a biyang zit a nyie zit kyang zi na liyip a ani. ³⁶ A nyi mang be, íhwa nyi chat īn nyi yien dyo? ³⁷ Ba nyi, yok zi swan mang nwan ma tyok a hu. atie nyiung dín kyung bwak yak, atie nyiung dín kyung miyan a hu. ³⁸ Azah a Yesu sí shim be dō nyi-liyien kyang nang nyi lirím ani ba, nyi ana swō ma kashi nang nna swō ani, ka nyi na bwang fwo ma baptisma nang ana nyi ń dō ani, ³⁹ ba sí nyi mang ngu zit na nyi. Yesu sí nyi mang mbe, a kashi nang ana swō ani, baptistma nang ana nyi nung dō ani, nyi na san ji mung fwo nyiung. ⁴⁰ atie ana swan dín bwak yak nung a ni kō bwak niyan yet sí níng ba, ku yet sí aniet nang a kan jí sak bē dō ani. ⁴¹ Jēn nang akum mman tam ngu ne swak nfak kyang Yakubu mang Yoona liyat ma Yesu ani, ba sí fak algye mang Yakubu mang Yoona. ⁴² Yesu si yirong be a si nyi mang ambe.Yi lyan a niyat be nang a khan jyong be tyok ma niyat da ba yet Yahudwa ani ba ba kan shwok chat chachat aniyat be nyiyo tiok a pyo be a ni. ⁴³ Anya wa kun nan dí mang anyi ba. Atie a chat shíè ma nyien ani ana yet atien tam nyien. Atie achat yet agbang ma nyien ani, ana yet ahkhu a kum aniet tam ké. ⁴⁴ Atie mang nien a chat yet akwag a son ma nyien ani, ku yet té ha a yet akhu nyien. ⁴⁵ Mat, ko ngwon atibishi bai a nyien ke akhu ha ba. Awot ka ku bai da nyian aghyang aniet bya khwo hu, awot ké ka nwuak swuan kke ji, jí yet zang da nyien san anient ma adidit. ⁴⁶ Ban bai yeriko, Así wot yeriko ani ma mman tam ngu ne, akpe aniet ma didit sí hwui be. Atie afifan aghyang an gyei Batimawud (ngwon Timawud) atiè naí a swan dín vak ani. ⁴⁷ Nan gu fak anyi Yesu ati Nazarat shi dín chabai ani, Así tagham anwat ke man chet así nyi Yesu ngwon Dauda, sakut nnaí a, fak kunak níng. ⁴⁸ Aniet ma didit sí gbyé gu mang anya tyí nyi-nyuang. Awot así bōn biyang anwuat ke níng chet bat b swak anya, ngwon Dauda sakut, fak kunat níng. ⁴⁹ Yesu sí yong , así nyi, nyi yirong gu a baí. Awot ba sí yirong atie afifan wu ba nyi, gbang ali,a yaí ah. ⁵⁰ Atie fifan sí tín agwodo nggū wu a tè, así tí kwak anat mí Yesu. ⁵¹ Yesu sí lyip angyie, ihwa a chat nyie a dō? Atie afifan sí nyi, atie tyiet níng, sakut "nchat nshi nwan avwou" ⁵² Yesu sí ma gu, achuchuk a wu shīm a. Mi di yong a haí, a sí shi nwan awvou, a sí khwui Yesu. Ba sí chong ndung.