1
. Ātse nkwe āmbwat nang a luru da yirok Yesu ngwon Āgwaze ke āni hwahu.
2
Nang ākun duru mi kwe āmbwat ntam Ishaya hu āni. Di, ntam ming ātam āzagyi'a ātuu āna jzi vak akhu āni.
3
Āngwat āyin kya yai ma kwot āvwuo "jzi vak Āchie, nyep vak guhu tsatsak.
4
Yoona ku bai āsi nyie gu Baptisiman ntswe āyit, āsi gyie āswon ming shai ālyat Baptisiman shi shai nfwo ming kwii ākatuk.
5
Kakap ākirang Juda ming ānyet Urushalima si twong ākirang guu. Āsi nyie be Baptisiman min gwii nang ān gyei agwii Jodan āni, ki konyan hyie katuk guhu.
6
Yoona ku kup āturo nang ā twai ming nkwe ālakumi ha āni, āsi lap gyapywan ndyang, ágau mbiyang tong ha si yet kyayak guhu.
7
. Āku shai ālyat AĀgwaze ne, ngyie "Āgyang ānyet chabai āmalim ning a swak ning āni, ning ma nmai mbiyak nbyik ywan ākwetag gube ba.
8
Ning nyiā Paptisiman mang āsakwot, ngu ma āna nyiā nyin dio mang āzazirak ntwe mang long.
9
. Mi mam ne nang Yesu kun nghuut ma kirang Nezeret mabin Galili āni, Yoona si nyie gu Baptisman mi ghwii Joda.
10
Janzi Yesu nghuut ma sakwot ne āni, āsi li tanzwezi khuuk, āzazirak ntswe si chwok nang ābwa āni ātan āpsie gu.
11
Āngwat si gwut ātanzwe ngyie "Nwan'a yet ngwon nang nchat āni." Nfwong nyinyang da nwan."
12
Āzawa āzazirak ntswe si kyak gu ānat dio mi ntswe āyit.
13
Āsi swan mi ntswe ayit āzai mmam nswak nai, āzawa ātangyirang si bai mai gu. Āku swan ming nyam āyit za nang maleku ngwat gu nkyang ne gu chat āni.
14
Jan ākun tabat Yoona āni Yesu si ngwo āmami Galili mang ālyat Āgwaze ne.
15
Āsi shai nyiā "janzi nyiā, twok Āgwaze hu bai kpankpyen, yi shai ākatuk nfwo yi shim ālyat Āgwaze ne."
16
. Nang gu surap ābiyem āghwi Galili, āsi li Siman mang Andirawud ānanywuk Siman nang ba kwot tyang ma gwui dī yet ānyet bwoi fan. Tam kurum nang ba nyiā āni hu hwa yet ābam ming liyai fan.
17
Yesu si kīrak mang āmbe "nyiā ba hwui gu achie be ba yet ānyet ābam ānibishii.
18
Da kamim ākyai basi hwon ābam'u basi hwui gu.
19
. Ba shirok ma dadai Yesu si shie Yakubu āfai Zebedi ming Yoona ānangyuk gu nang ba swan āmami kukwon āwak ābwoi fan ājzii tyang bwoi fan be.
20
Mi di li be hu āsi yurong be, basi hwon āchie be'u Zebedi mi kukwon hu basi hwui gu mbiyang mman ntam ne ba kywak āni basi nkat.
21
Ātuk Āsabat nang ba tabat vak āniyet Capanaum āsi tiyep ānwo mi tutu hwui.
22
Ānyet hwui be si nyiā ādidam ming myiam guhu nang gu nyiā da ngwat tyok āni. Myiam gu hu si vwuon ming si hu nang āyaa gwag myiam be nyiā āni.
23
. Din jan āzai āmami tutu naai ke, āgyáng ānyet ba byiā adundwúng ntswe ātangyirang āni si shie āmami beke.
24
Gusi hyat kuun "Ihwaha nang á chat ánhyiā mang ānzit Yesu Banazàret? Abai a tyak mang ānzit wa? Ndyen ātwu nang ayet āni. Ngwana yet āzazirak ngwon Āgwaze'u.
25
Yesu si kham ātangyirang ke, nyiā ka ci nyonyang ka ghwut āmangu.
26
Janzi ākatuk ntswe'u nkwuak gu āme ābin āni, zisi chiā kun mi chat zisi gwut.
27
. Ānyet be si kyak ādidiam basi tabat lirim āghyang be, "Ihwaha lili hwui? Myiam fai ha da ngwat tyok" Āsi nghai mang katuk ntswe nang ba fwong guu.
28
Dijan jhyung ālyat ne si kai ākīrang kakap mang ābin Galili ke.
29
. Da chak ke ban ghwon tutu naai hu āni, basi nat āmali Siman mang Andirawud mbyang Yakubu mang Yoona.
30
. Jan āzai nang ākwang Siman myan din zwan. Āngang basi tak mi Yesu.
31
. Yesu si nat āsi ta tabat gu din bwak āsi tagham gwu, zwanzi sikin chirok āsi tabat biyang be ntam.
32
. Ājanshiyung di kwe mam basi bai mang ānyet nzwan mbiyang ānyet ntswe ātangyirang.
33
Ākirang ke si tung ndúng āzakanghio āli ke.
34
Āsi chirok ānyet nzwan zi vwuon āni ma didit, āsi turúng ākatúk ntswe mi nvam be basi shim, ba si lyat ba mat yad nang ban dyen gu āni.
35
. Yesu si tagham mi shúng ātsotswon tat āsi nat da yogyang avwuo āzawa gu sin tabat naai.
36
Siman mbiyang ākum ānyet kashiā dundùng mang āngun āni si tabat chat gu.
37
Bai tan shie gu ani, iwaha ban nyiā mang āngu "kudang āyin shi di chat'a".
38
. Āsi bo hyiā mang embe, "zina kai kudang āvwuo makīrang ke zi shai mang ānyet be ālyat hwui ne. Kyang hu nang gubai nyiā hu āni'a.
39
Āsi kai mang āmbe ma kāvwuo kwui makirang Galili ne á myam be ālyat kwui ātse turung ādundyun ntswe ātangyīrang.
40
. Ātyie gbap si nyet ābai ami kpirak akhukhuit āzagyie Yesu ānyie "nnaai wa a shiim ning."
41
. Yesu si fak kunak gu āsi niyep bwak ā sin legu, gu nyiā mang āngu, "Nfak in si shim, churok".
42
. Mi din jan āzai, gbap hu si churok.
43
. Yesu si lyat mang āngu da gbandang ānghuat a si chie gu si nkat.
44
Gu nyiā mang āngu da gu yok tak mang āyin ba, gu kyak āpio gu ānat da vwuo Frist gu ānbiyang nwan gu. Gu ta tan zang nang Musa ku chie ānyet gu shiim ming gbap si tan āni. Kyang hu na yet nyan zi na tak mang ānyet be nang an shim gu ani za zai.
45
. Āsi nyiā lakfwong āsi tabat shai mang ānyet. Āsi shai ākīrak avwuo ke, husi chie Yesu si bo tabat chong aniyet āmami ākīrang ke ba, āsita takup ma yongyang āvwuo, ānyet bibya si chat gu āta shie āza.