1
Di ngaag hu aniet khwi Yesu be nang nchad ani, zit chad nyi naai Āgwaze da niyan zit, nang aliyad Āgwaze ne nan teak á kai avwuo ke mā anggang ani, awot aniet be ba san nee, ba chyin ba khwi nee ma nang nyi ku nsan nyi si khwi ne ani.
2
Nyi bo naai Āgwaze da niyan ākan san zid nbwuak ākatuk aniet mang asi be nyie akakpat ani. Mat aniet mā adidit ba kan nwuak achuchuk da liyad Āgwaze ne bah.
3
Āwot Ātyi li Yesu yet atsotswat we.A na tyie nyin gbagbak nyi yong ming ched. Ā bo tin nyin Nbwak ākatuk ayin awa, ngu wa yet atanyirang ke.
4
Zit byia gbang aliyad nang Atyili Yesu na ntyie nyi khwi tyiet nzit hu, awot nyi bo gye āson mang khwi hu.
5
Yok Atyili Yesu, gu tyai nyin kpasai, din si-sag zi nang Āgwaze nchad nyin ani, abo biyang nyin nyi gbang aliyie, nyi nyap nfwuo nyi yong ming ched ma nang ngu Yesu kristi kun nyie ani.
6
Ananyiuk nzit be mi khwi Yesu nang zi chad ani, zi kam nyin mami ayirok Ātyi li Yesu kristi, nyi ghwut vak atyi khwi a yet abuk ayin a lak nyie tam ani, āwot asi lak khwi tyiet hu nang zi ku tyiet be ani.
7
Mat nyin, nyi lyen si-sag zi nang kun miyim nyi miyet zit ani. Jen zi nang zi kun shyi mang ā nyin ani, zi ku nyie buk bah.
8
Da nzit, zi ku gye kyayak ayin da mi nwai tan bah. Da akwonu akkyai zi ku nyie tam ataman mang atyetuk. Zi si nyie tam nkan alahyie,mat zi ku chad ze yet kpat da avwuo ayin bah.
9
Zi ku nyia tam hu ani, ku nang zi nbyie awat zam nyi biyang zit ani .Awot zi ku nyia ntam anai, da niyan zi ka yet nyin kadee za nang nyi na khwi ani.
10
Niyet din jen nang zi kun shyi mang ā nyin ani, zi ku kam nyin,nyie ka āyin lak nyie tam, gu yok gye kyayak bah.
11
Angbam mang anya, zi liyiad nai, mat zi fak nyie aghyang aniet ma nyin nyie bwuk hwa, nyie da ba chat tam bah, ba yet aniet nwuai mi zwuai byia.
12
Zi kam aniet abyie mami ayirok Ātyi li Yesu kristi, zi si bo fat be asakut zi chat be ba swan din tyan thyung, ba nyi ntam ba gye nkyayak ápyie be.
16
Di yong hwi,zi naai Ātyi li Yesu ā nwuad swat nyin yang āni, ā nang nyin swat nyinyang kuzang jen din kuzang nvak. Yok Ātyi li Yesu a shyi dundúng mā anyin angbam.
17
Ning Bulud, nung gwa liru byiad hwi min bwak nung. I hwa yet ātāma wu a tak nang wosika zi niyet da avwuo nung ani.
18
Yok Ātyi li nzit wu Yesu kristi āfak shok nyin āngbam.