1
Ning Bulud, Sila, mang Timoti nzit bya liru nyin wosika zi. Zit byiad nyin aniet khwi ma akarang Ātasolonika be, ba yet āsí Āgwaze atyie nzit wu mang Ātyi li Yesu kristi ani.
2
Yok Āgwaze a yet Atyie ani mang Ātyia li Yesu kristi, ba fak shok nyin, ba bo nang nyin swat nyinyang.
3
Aniet khwi Yesu be nang nchad ani,ku yet te hwa miyim zi gwai Āgwaze kuzang jen da niyan nyin, mat nang nyi mbe di nwuak fwuo di Yesu,nyi si bo mbe di chat ághyang hu ani.
4
I hwa nbyie nang nzit ma apyie nzit ntam da nyin mami susod aniet khwi Āgwaze zi Kuzang jen mat nyi gbang alyie nyi si nyie tsotswad, angbam mang adidet yafak nang ābung ke nang nyi swuo ani.
5
Si hwi hwa tak zit nang atsotswad shiriya Āgwaze wu nat chachirak. Awot ku bo tak chok nang nyi maai swat mi Tyok Āgwaze hu, da niyan da hu hwa nang nyi nswuo ábung ke.
6
Agwaze yet achuchuk wa mat anya, aniet be ba yashuk nyin ani, Āgwaze ma na yashuk be.
7
Awot nyin aniet ba nang a yafak nyin di yong hwu ani, Āgwaze na nang nyin mā anzit avwuo fwung din jen nang Ātyi li nzit wu Yesu ban nbwuak niyet me Āgwaze tanzwe, gu ka tyai ápyie ngu kpasai ani. A na bwuok ábai mang achached ayaatam tswe Āgwaze mami āgbandang alirap ndong ka na tak ched ngu hu ani.
8
Din jen bwuok bai ngu ji aniet be ba lak liyen ngu hu ani, mang a si be ba lak khwi Asham Nkhang Atyili Yesu nzit ke ani, Āgwaze na nyie mbe sheriya.
9
Á byi khap be azaghyi Āgwaze a sak zan.Á na nyiak mbe ta nat sang sangbap.Da mbe,ba bye li āgbandang ākyenkyai shi mang ched Āgwaze hu mang aghyi bah.
10
Ātuk ke Ātyi li Yesu nan bwuok bai á nwuak gu ākyenkyai shi ngu hu ani,angbam āzazarak aniet khwi be ba nwuak fwuo din ngu ani,b a byie fak āgāde. Ba sak nbwak ābwonu. Nyin mayang, nyi byie fak āgāde, mat nyi ku tuk mang anyin ani.
11
Si hwa nbyie nang kuzang jen zi ngye ason din naai Āgwaze nzit wu, da niyan a ka tyie nyi swan tangkwai swat hu ku miyim di si-sag zi gu nyirog nyin āni. Zit bo naai gu bo nang nyin ched nyi nyia angbam ātan nkyang nang nyi nyie, mat nang nyi nwuak fwuo din ngu ani.
12
Zit bo naai Āgwaze, á ka dyep ayirok Atyili Yesu da niyan tangkai swat nyin hu,awot nyin miyang Āgwaze bo na dyep nyin, mat shok ngu zi da nzit mang asi Atyili nzit wu Yesu kristi.