2 ¹ ಮಾರ್ ಪ್ರೀತಿನಾ ಸೋಕ್ರವ್ , ತಮೆ ಪಾಪಂ ಕರೆನಾಂ ಅ ವಾತ್ ತ೦ನೆ ಲಕ್ ಹು. ಚೋತೆಬೀ ಪಾಪಂ ಕಾರ್ಯೋಕ್ಲ್ ಬಪೂನು ಪಾಯ್ ನಿತಿವಂತ್ ತೈಲೊ ಯೇಸು ಕ್ರಿಸ್ತೋ ಅಂಕೆತೆ ಸಹಾಯಂಕರ್ನರೋ ಹಂನೆಸೆ . ² ಎ ಹಮರು ಪಾಪಂ ನಿರ್ವನಂ ಕರೇತೆ ಯಜ್ಞಮ್ ತೈಲೋಸೆ ; ಹಮರು ಪಾಪಂ ಮಾತ್ರಂ ನೊಯ್ ತೇ , ಸಮಸ್ತ ಲೋಕಮ್ನು ಪಾಪಂ ಬೀ ನಿರ್ವನಂಕರೆ . ³ ಹಮೆ ಇನು ಅಜ್ಞ್ ಲಿಲಿನೆ ಸಾಲ್ಯ ಕ್ಲೆ ಎ ತಿದ್ ಇನೆ ಮಾಲಮ್ ಕರ್ಲಿದೆಲಾಸಿದ್ಯೆಕೀನೆ ಹಮ್ದಿಲಿದ್ಯೇ. ⁴ ಇನೆ ಮಾಲಂಕೀನೆ ಕೀನೆ ಇನು ಆಜ್ಞೆ ಹಂದೆನಾಂ ಸಾಲವ್ಯೋ ದುಟ್ಟು ಕೆನಾರೋ ತೈಲೋಸೆ ,ಸತ್ಯಂ ಅಂಕೆತೆ ಇನುಮೆ ಕೈಮರೆ . ⁵ ಚುನ್ ತೇ ಬೀ ಇನು ವಾಕ್ಯಂ ಹಮ್ದಿನೆ ಇನುಮೆ ಕ್ಹರಿತಿ ದೇವ್ನು ವುಪರ್ನು ಪ್ರೀತಿ ಪರಿಪುರ್ನಂ ತೈಲುಸೆ . ಆನುವಾಲ್ತಿದ್ ಅನುಮೆ ಸಿದ್ಯೆ ಅಂಕಿನೆ ಹಮ್ದಿಲಿದಿಯೆ . ⁶ ಇನುಮೆ ಬೆರೈಲೋ ಸೇತೆ ಅಂಕಿನೆ ಕೆವ್ಯೋ ಕ್ರಿಸ್ತೋ ಸೆಲೇಮದ್ ಎ ಬೀ ಸಲೋನೆ ಬದ್ಹೋ ತೈಲೋಸೆ . ⁷ ಪ್ರೀಯರೆ , ಹೂ ತಮ್ನೆ ಲಕುತೆ ನವು ಅಪ್ ಣೆ ನೊಯ್ , ಫಸ್ಟ್ ತಿಬೀ ತಮ್ನೆ ವೂತೆಲು ದುನು ಅಪ್ ಣೆ ತೈಲೋಸೆ ;ಅ ,ದುನು ಅಪ್ ಣೆ ತಮೆ ಹಂದೆಲು ವಾಕ್ಯಂ ಮದ್. ⁸ ತೇಬಿ ಹೂ ತಮ್ನೆ ಲಕುತೆ ನವು ಅಪ್ ಣೆದ್ ;ಅ ಇನು ಮೇಬೀ ತಮರು ಮೆಬೀ ಸತ್ಯಂ ತೈಲೂಸೆ ; ಕಂಕೆಕ್ ಲೆ ರಾತ್ ಚೀದತೂರೆ , ಖರೀ ಅದ್ ವಾರು ಪ್ರಕಾಶೀಸೇರು ⁹ ಅದ್ ವಾರು ಮೆ ಸೇಮ್ ಕೀನೆ ಕೀಲಿನೆ ಇನು ಸಹೋದರ್ ನೆ ದ್ವೇಷೀಸೇತೆ ಅದು ತೋಡೀ ಅಂದಾರು ಮೆ ಸೇ ¹⁰ ಇನು ಸಹೋದರನೆ ಪ್ರೀತ್ ಸೇತೆ ಅದ್ ವಾರು ಮೆ ನಲೆಗೊಂಡೆಲೋ ಸೇ, ವೂರೀ ಇನು ಮೆ ಚು ಬೀ ಬೇದಾ ಭಾವಂ ಕೈಮರೆ ¹¹ ಇನು ಸಹೋದರ್ನೆ ದ್ವೇಷೀಸೇತೆ ಅಂದಾರು ಮೇಸೇ ಅಂದಾರು ಮೆ ಸಾಲೆ ಅಂದಾರು ಇನು ಅಚೋ ದಖಯ್ ನಾಮ್ ಕರಿಯೋ ತಾರ್ ಎಚಾ ದಾಯ್ ಕಿ ಇನೆ ಮಾಲಂ ಕೈಮರೆ. ¹² ಪ್ರೀಯೊ ತೈಲ ಸೊಕ್ರವ್ , ಕ್ರಿಸ್ತೋನು ನಾಮ್ ನು ನಿಮಿತಂ ತಮರು ಪಾಪಂ ಕ್ಷಮೀಸೆಲು ಸೆತಾರ್ ತಮ್ನೆ ಲಕೂ. ¹³ ಓಫವ್, ಆದಿತಿ ಸೇತಿನೆ ತಮೆ ಮಾಲಂ ಕರ್ಲಿದೆಲಾ ಸೇತಾರ್ ತಮ್ನೆ ಲಕೂ ಯೌವನಸ್ತವ್‌ , ತಮೆ ಖರಬ್ ಕರ್ ನಾರೋನೆ ಜಯೀಸ್ಯತಾರ್ ತಮ್ನೆ ಲಕೂ . ¹⁴ ಸೊಕ್ರವ್ , ತಮೆ ಬಾಪ್ನೆ ಮಾಲಂ ಕರ್ಲಿದೆಲ ಸೇತಾರ್ ತಮ್ನೆ ಲಕೂ ಬಪಾವ್ ಅದಿತಿಸೇತಿನೆ ತಮ್ಮೆ ಮಾಲಂ ಕರ್ಲಿದೇಲ ಸೇತಾರ್ ತಮ್ನೆ ಲಕೂ ಯೌವನಸ್ತವ್ ,ತಮೆ ಶಕ್ತ ತೈಲಸೇತಾರ್ ಬೀ ದೇವ್ ನು ವಾಕ್ಯಂ ತಮರುಮೇ ನೆಳೆಗೊಂಡೆಲು ಸೇತಾರ್ಬೀ ತಮೆ ಖರಾಬ್ ಕರ್ನರೋನೆ ಜಯೀಸ್ ಯತಾರ್ ಬೀ ತಮ್ನೆ ಲಕೂ. ¹⁵ ಲೋಕಂ ತಾವೊದೆ ಲೋಕಂಮೆಸೇತೆ ತಾವೋದೆ ಪ್ರೀತ್ ಸಮೋವ್ . ಚುನ್ ತೇಬೀ ಲೋಕಮ್ ಪ್ರೀತಿಸ್ ಯೋಕ್ಲ್ ಬಾಪ್ ನು ವುಪರ್ ನು ಪ್ರೀತಿ ಇನುಮೆ ಕೈಮರೆ . ¹⁶ ಲೋಕಂಮೆ ಸೇತೆ ಶರೀರಾಮ್ ಆಶ್ ಆಚ್ ನು ಆಸ್ ವಾಸೆತೆ ಬಾಳ್ ನು ಡoಬಂ ಆ ಫಸ್ಟ್ ತೈಲು ಹಂದು ಬಾಪ್ ತಿ ವುಬ್ ದೆನಾಂ ಲೋಕಂತಿ ವುಬ್ ದೇಳು ತೈಲುಸೆ . ¹⁷ ಲೋಕಂ ಇನು ಆಸ್ ಗತಿಸಿನೆ ದಾಯ್ ; ತೇ ದೇವ್ ನು ಚಿತಂ ನೆರವೆರ್ ಸೇತೆ ಚಾಗ್ಡೆ ಬಿ ರೇ. ¹⁸ ಸೋಕ್ರಾವ್ ,ಆ ಲಾಸ್ಟ್ ಟೈಮ್ ತೈಲೂಸೇ ;ಕ್ರಿಸ್ತೋ ವಿರೋದಿ ಆವೇಕಿನೆ ಪೂಸೆಲ ಸೇವ್ ಅಕ್ಲೂದ್ ;ಹಮ್ ನಾಬಿ ಕ್ರಿಸ್ತೋ ವಿರೋದಿ ಘನ್ನ ಬಾಂಡು ಉಟೆಲಾಸೆ ಆನ್ವಲ್ತಿ ಆ ಲಾಸ್ಟ್ ಟೈಮ್ ತೈಲೂಸೆ ಅಮ್ಕೀನೆ ಹಮ್ದೀಲಿದ್ಯೇ . ¹⁹ ಎ ಅಮ್ನೆ ಮೇಲಿನೆ ದತರಾ, ತೇ ಬೀ ಎಅಮರಾ ಚಾತಿ ಎ ಅಮರ್ ತೈಲರೆಕ್ಲೆ ಅಮರ್ ದೋಡ್ ಮೆದ್ ರೇತ್ತ್ವೋತಾ,ತೆ ಎ ಅಮ್ನೆ ಮೇಲಿನೆ ಜಾತರ್ ಕ್ರೈಸ್ತ ಅಂಕಿನೆ ಕೇವ್ರಾವಿಲೆತೆ ಅನ್ದಾಬೀ ಅಮರಾ ನೊಯ್ ಕೀನೆ ಸ್ರೂಷ್ಟoತಿ ದಕಾಡಿ ನಾಯೋ . ²⁰ ತಮೇ ಪಾವಿತ್ರತ್ಮ ತೈಲೋತಿ ಅಬೀಷೆಕಂ ಹೊಂದೆಲೋ ತೈನೆ ಹಂದಾಬೀ ಮಾಲಂ ಕರ್ಲಿದೆಲಾ ತೈಲೋಸೇವ್ . ²¹ ತಮೆ ಸತ್ಯಂ ಮಾಲಂ ಕರ್ಲಿದೆಲಾ ಬವಾನೆ ತಿ ನೊಯ್ , ತಮೆ ಎ ಮಾಲಂ ಕರ್ಲಿದೆಲಾ ತೈನೆಬೀ ದುಟೂ ಸತ್ಯಂ ತಿ ವುಬ್ ದಿನೇಅವ್ -ತುತಿ ಅಂಕೆತೆ ತಮೆ ಮಾಲಂ ಕರ್ಲಿದೆಲಾ ಸೇವ್ ತಾರ್ ಬೀ ತಮ್ನೆ ಲಚೋ. ²² ಯೇಸುಸ್ವಾಮಿ ಕ್ರಿಸ್ತೋ ನೊಯ್ ಅಂಕಿವ್ ಯೋ ದುಟೂ ನೊಯ್ ತೇ ದುಟೂ ಕಿವ್ ಯೋ ಬೀಸ್ ರೊ ಚಾಸೇ ? ಚುನ್ ತೆಬೀ ಹೂ ಬಾಪ್ ನೆಬೀ ದಿಕ್ರೋನೆ ಬೀ ಮಾಲಂ ಕರ್ಲಿದೆಲಾ ತಿ ಅಂಕಿನೆ ಕೆಕ್ ಲೆ ಎದ್ ಕ್ರಿಸ್ತ ವಿರೋದಿ . ²³ ಹೂ ದೇವ್ ನು ದಿಕ್ರೋನೆ ಬೆರೈಲೋ ನೊಯ್ ಅಂಕೆತೆ ಬಾಪ್ ನೆ ಬೀ ಬೆರೈಲೋ ನೊಯ್; ಹೂ ದಿಕ್ರೋನೆ ಬೆರೈಲೋ ಕೀನೆ ಓಪಿಲೇತೆ ಬಾಪ್ ಬೀ ಬೆರೈಲೋಸೆ . ²⁴ ತಮೆ ತೆಬೀಚು ಭೋದ್ ನೆ ಫಸ್ಟ್ ತಿ ಹಂದೆಲಾ ಸೇವ್ ಕೀ ಎ ತಮರು ಮೆ ನೆಳೆಗೊಂಡೆಲೂರೆವಾದೆ ಮೆ . ಫಸ್ಟ್ ತಮೆ ಹಂದೆಲು ಭೋದ್ ನೆ ತಮರು ಮೆ ನೆಲೆಗೊಂಡೆಲು ರೆಕ್ ಲೆ ತಮೆ ಬೀ ದಿಕ್ರೋಮೆಬೀ ಬಾಪ್ ಮೇ ಬೀ ನೆಲೆಗೊಂಡೆಲಾ ರೆವ್. ²⁵ ಕ್ರಿಸ್ತೋ ಎ ಅಲೂ ಕೀನೆ ಅಂನೆ ವಾಗ್ದನಂ ಕಾರೆಲೂ ನಿತ್ಯಾ ಜೀವಂ !. ²⁶ ತಮೆ ಸನ್ಮಾರ್ಗoತಿ ತಪ್ ಸೋನೂಕಿನೆ ಸೇ ತಿವ್ಯ್ ನು ವಿಷಯಂ ತೈನೆ ಅ ವಿಷಯಂ ತಮೆ ಲಚೆಲೋಸೆ . ²⁷ ತೇ ಎ ತಿ ತಮೇ ಹೊಂದೆಲು ಅಭಿಷೆಕಂ ತಮರು ಮೆ ನೆಲೆಗೊಂಡೆಲು ಸೇತಾರ್ ಚುನ್ ತೇ ಬೀ ತಮೆ ಉಪದೆಶಂ ಕರೋನು ಪ್ರಯೋಜನಂ ಕೈಮರೆ ಎ ಕರೇಲು ಅಭಿಷೆಕಂ ಹಂದಾ ವಿಷಯಂಮೆ ತಮೆ ಉಪದೆಶಂ ಕರೋನು ತೈನೆ ಸತ್ಯಂ ತೈಲೋಸೆ , ದುಟೂ ನೊಯ್ ಎ ತಮೆ ಉಪದೆಶಂ ಕರೆಲೂ ಪ್ರಕಾರಂ ಇ ನು ಮೆ ನೆಲೆಗೊಂಡೆಲಾ ರೆವ್. ²⁸ ಪ್ರೀಯೋ ತೈಲಾ ಸೋಕ್ರಾವ್ ಎ ಪಾತ್ಯಕ್ಷಂ ತಾಯ್ ತಗ್ಡೆ ಹಮೆ ಇನು ಅಗಾಮನಂಮೆ ಇನು ಮೊಗ್ಹ ರ್ ವುಬೋರೆವಾನೆ ಸಿವ್ ಡೋ ಕರೆನಾಂ ಧರ್ಯಂ ತಿ ರೆವೋನು ಗ್ಹೋಡೆ ಇನು ಮೆ ನೆಳೆಗೊಂಡೆಲಾ ಸಿದೀಯೆ ²⁹ ಎ ನಿತಿವನ್ತೋ ತೈಲೋಸೆಕೀನೆ ತಮೆ ಮಾಲಂ ತೈಲೋ ರೆಕ್ ಲೆ ನೀತಿ ಅನುಸರಿಸೇತೆ ಪ್ರತಿಯೆಕ್ ಲೊ ಎ ತಿ ವುಬ್ದೆಲೋಕಿನೆ ತಮೆ ಅರ್ಥಂ ಕರ್ಲಿದೆಲಾ ಸೇವ್.