4
1
2
క్రీస్తు జీవేమా దుఃఖ్పాయొ.జేర్వాసే తమ్ సదా తమార్ దల్లేవూనే .కస్నెకతో జీవేమా దుఃఖ్పాయేవాళో పాపేమా హుబ్రేనీ.|
2.జేర్వాసే అబేతీ తమ్ ఆవజే దాడూమా దేవేర్ ఖాతరేనే నవన్ బంచ్ణో.పణ్ నరేర్ గొణేర్నై చాలోమత్.|
3
4
5
6
3. కస్నెకతో గోజేదాడూమా పరల్ జన్ కీదేజు , తమ్ సదా కరేనే జాదా దాడ్ దగర్ గే . తమార్ జేవనేమా తమ్ ఖరాఫ్ కామేమా , ఛనాళేమా , నిస్సామా , గల్లె ఛట్టామా రమ్తే ,పియాఖోరేతీ తేవార్ కర్తే, పూజకరేర్ ఛెనిజే మురతేవూనే ధోక్దేరే.|
4. అబె తమ్ అగ్డీర్నై ఉచ్చిలి కామేమా ఉందేతీ భళే కొని జేర్కార్ణే, ఓ అప్సోస్వేన్ తమేనె హిజ్జతేర్గాళీ భాండ్రేఛె.|
5.పణ్, బంచ్రేజేనన్, నేవ్ కరేనే తయ్యార్ చజే దేవేనే ఓ లేకో దేణో.|
6. ఏర్ కార్ణేజ్ మర్గేజేనే సదా ఆచ్ ఖబర్ ప్రచార్కీదే . ఓ బంచన్ రేజనాజ్ ఉందేనే నేవ్ వో. పణ్ దేవ్ కుంతోజు , ఉందేర్ ఆత్మార్ జీవ్ణో బంచేనే ఉందేనే ఆచ్ఖబర్ ప్రచార్ కీదె.|
7
8
9
7. జేర్వాసే స్వగ్లీ బుడేనే దాడ్ డై ఆవ్గే. జనా తమ్ అక్కలేతీ రేన్ , అరజ్ కరేనే జాగన్ రో .|
8. ప్రేమ్ డోగ్లా పాపేనే బూర్దఛె. జేర్వాసే సేతీ జాదా ఏకీనే ఏక్ప్రేమ్ కరో.|
9.గుణ్సోనజు ఏకీనే ఏక్ డై కర్లో.|
10
11
10. దేవేర్ హర్యేక్ రకమేర్ వరమేనే ఆచో వాడకమ్ కర్సకేవాళేర్ నై, దేవ్ తమామా హర్యేకేనే దీనోజకో నాళీ, నాళీ వరమేనే సేర్ మేలేవాసె పూరో కరో.|
11. బోద్ కేసకేవాళో దేవేర్ వాతేవూనే బోద్ కర్ణో. సేవ కరేవాళో యేసుక్రీస్తుతీ సేమా దేవేనే మహిమ వేజు, దేవ్ ఓనె దీనో జే జోరేతీ సేవా కర్ణో, హమేషా మహిమాన్ , జోర్ , ఓనజ్ వేజా , ఆమేన్. |
12
13
14
12. మార్ దోస్తీదారో , అబె తమ్ పారేజే భావేటీర్ పరీచో కార్ణే తమేనే కాయికో నవో కామ్ మళఛె కన్ విచిత్తర్ పడోమత్.|
13.క్రీస్తూర్ మహిమా బారె పదేజనా , తమేనే జాదా ఖుషీవజు, అబె ఓర్ భావేటీమా హాసో లేరేచకన్ ఖుషీకరో.|
14. తమ్ క్రీస్తూవాళ్కన్ తమార్ హిజ్జత్ కాడేజనా తమ్ నసీబ్దార్. కస్నెకతో మహిమా రూపేరో కజకో ,దేవేర్ ఆత్మ తమాపర్ ఆయొకన్ ఓర్ అరద్.|
15
16
15.తమామా కుణీతీ మాణాస్ మార్నాకెవాళేర్ నై కె, చోరేర్నై కె, తపుకీదోజేర్నైకె, ఏకీర్ ఛేడ్ జాయెవాళేర్నైకె, రేన్ భావేటీపడ్సకేర్ ఛేని.|
16.పణ్ తు కిరస్తాన్వో జేర్కార్ణే భావేటీపడస్తో . తు లాజ్కర్మత్ . లపణ్ క్రీస్తూర్ నామ్ తోనె పాడేజేర్వాసే దేవేనే వందనం కర్.|
17
18
19
17. దేవేర్ ఘరేడై నేవ్ సరూవేర్ దాడ్దగరీయాయె.ఉ నేవ్ అపణేతీ సరూవతో దేవేర్ ఆచ్ఖబర్ మానే కోని జేర్ గతి కాయివేణో?|
18. ఉజ్జీ నీయత్దారజ్ రక్షణ్ పాయోరో భావేటీవతో, భక్తి ఛెనిజేరన్ , పాపీవాళేర్ హలత్ కాయివేణో?|
19. జేర్వాసే దేవేర్ ఖాతరేర్నై భావేటీ కరేవాళ్ ఆచో కామ్ కర్తే అపణేనే పేద కిదోజకో భరోసోదారేనే పూరో నమ్ణో.|