लिउ २
1
पेन्तिकोसकि ङिमाला तिबा तेरिग् क्षाज्यिक् हतुप् ठला
2
दे:वाच्येन् नेसुर अोरे गेर्पुज्यिक लेम्नि तिबा देनिवतुप् खाङ्बा ती टेक केङ्सुङ् ।
3
तेमे वुरिन् वतुप् मे तिबा लेसुङ्, ती थोङ्नि ते: वतुप् मितिबा तेरि तेसुर टो~बु छाल्सिनाङ् ति मेतिबा तिबा रे~रेकि खाला पाप्सुङ्
4
ते:मे: तिबा तेरि थु चेङिकि के:ङ्नि थुकि बिन्दुप् ताम्ङे राङ्सा राङ्सातिबा लापुप् स्युसुङ् ।
5
यरुस्लेमला दे:वाच्ये:न्कि हक्ला वतुप् तेरिग् मिरिग् नेसुर वबु कन्ज्यक्ला मोबा किरुप् यहुदितिबा देनिनक् ।
6
ती वोरु ती कोसिमा मि बाङि जोम्नि याम्छेन् लानि ल्हाँ~देसुङ् , च्यिले:सिसिन् तिबा रे~रेकि खप्रे ताम्ङेतिबा लापिन् नक् ।
7
ते:मे: तिबिकि "हुतुङ् राङ्, दि ताम्ङे लापुप् तिबा गालिलकि मितिबा मीन ?"
8
ति हिन्सियाङ् च्यिले तिबिकि अरे: ताम्ङेला राङ् ताम् क्याबु हिन्दाङ् ?
9
अोरुङ् दि दे: पार्थितिबा, मादितिबा, एलामितिबा तुक् क्यानिराङ् मेसोपोटामिया, यहुदिया, कापाडोकिया, पोन्टस्, एशिया,
10
फ्रिगिया, पाम्फिलिया, मिश्र, कुरेनि चाकि लिबियाकि मितिबा, रोम् नेसुर लेपुप्तिबा,
11
यहुदि ताङ् यहुदि हिन् सिरुप्तिबा, क्रेट ताङ् अरबला देतुप् तिबा वे । तिबिकि याङ् कन्ज्यक्कि लाका गेर्पु तिबि कला अरे: ताम्ङेला राङ् स्येक्यिनक् ।" सिनि सिक्यासुङ् ।
12
तिबा तेरिग् याम्छे:न् लानि च्यिगि च्यिग्ला "दिकि ते:न्दक ति खाङ् हिँदाङ् ?" सिनि सिक्यासुङ् ।
13
तेे:मे: ज्येःन्तिबि ति "दिबा याङ् क्षाङ थुनि जिनक ।" सिनि सिक्यासुङ् ।
14
ते:मे: पत्रुस् ती मेरा च्युच्यिक् तानि टाङि लानि चेःर् ग्याम्नि तिबाला दुक सिनि सिक्यासुङ्: "यहुदिया ताङ् यरुस्लेम्ला देतुप् तेरिग् मितिबा, दि ताम् ती खिरेकि क्षा ङेता क्यि गोक्यित , तिकि क्यिसाला लेःमु क्यानि ङ्येना ।
15
खिरे:कि नासाम् ताङ्गुप् दके: दि मितिबा जे:प् मे:त ।
16
लुङ्देन् लापुप् मि योएल्कि दुक् सिक्यानि वे:
17
'कन्ज्यककि "तिङ्गि ङिन्तिबाला दिन्दक डित, ङा ङेःकि थु मितिबि खाला पुङ्गित, खिरे: पुज्युङ-पुमतिबिकि लुङ्दे:न् लाप्क्यित, ते:मे: गाबागुबातिबिकि मिलाम्तिबा थोङ्गित ।
18
ती ङिन्तिबाला ङे: यक्पुयङ्मुतिबि खाला ङे:कि थु पुङ्गित ते:मे: तिबिकि लुङ्देन लाप्क्यित ।
19
ङा ते:ङ्ला दे:वाच्ये:न्ला याम्छे:न् लाङ्दे ता~म्तिबा ताङ् हक्ला जाम्बुलिङ्ला ठाक्, मे ताङ् थुताक्कि ता~तिबा क्षा देन्ग्यित ।
20
कन्ज्यक्कि तेरिग् सिनाङ् क्षे ताङ् त~ङ् तिङ्ला वुङ्गुप् ङिन् सिनाङ् राङ्सा ङिन् वुङ्गुप् सिनाङ् गमाला ङिमा ती नाक्तोमि ताङ् अाउला ती ठाक्ला ग्युर्क्यित ।
21
ते:मे: कन्ज्यक्कि मी~न् खानेसुर् देन्दुप् तेरिला थार्वा ङेक्यित ।
22
इस्राएलकि मितिबा, दि सुङ्तिबा ङ्येना: कन्ज्यककि खिरे पार्ला खरे क्याबु ङार्क्षे वतुप लाकातिबा, याम्छेन्कि लाकातिबा ताङ् ता~तिबा थ~नि कन्ज्यक्कि खिरे: चाला हिन्दुप् क्षा तेन्नि मि ती नासरत्कि येशु राङ् हिन् सिरुप् ती खिराङ्ला क्षा राङ् वे ।
23
कन्ज्यक्कि क्यिउ सिनि सिक्याबु ताङ् तङ्ला ङेतुप् च्यु~कि क्यिसा खोकि जुबु ति बिन्सुङ् ते:मे: मि दिक्षेन् तिबि लाक्ने ग्याङ्स्यिङ्ला काल्नि स्यिसुङ् ।
24
खोला स्यिवाकि दुक्पानेसुर् टाल्नि सेन्बु ला~ङ्सुङ् च्यिला सिसिन् खो ति तिकि अोङ्ला दे मोगोउ ।
25
च्यिला सिसिन् दाउदकि खोकि कला दुक् सिक्यानि वे:"चोवो कन्ज्यक्ला नाम्लाङ् ङे:कि दङ्ला थोङ्सुङ् । खो ङेःकि लाक्पा याबि थाकाला वे:, तिकि क्यिसाला सेम् फार्छुर् क्यि मोगोत ।
26
तिकि क्यिसाला ङे:कि सेम्ला अाला गागा टोटो क्याबिन् । ङेकि जुबु साङ् तगे देकित ।
27
च्यिला सिसिन् ख्यरे:कि ङे: मिछेला मिक्तुङ्ला क्युर्नि मज्यकु ते:मे: ख्यरे:कि मि चेङि तिबाला रुल् साङ् मिज्यिउ ।
28
ख्यरे:कि ङाला मिजिकि ला~म् तिबा क्षा तेन्सुङ् । ख्यरे:कि राङ्गि ङोतुङ् थ~नि ङाला गा~ लोङ्गु ।
29
उज्युनुक् तिबा, ङा अरे:कि पागाबा दाउद्कि कला ले:मु क्यानि स्येथुक्यु, खो स्यिनि मिक्तुङ्ला ग्याप्सुङ्, ते:मे: खोकि तुर्सा ती तान्दा साङ् अरे: चाला वे: ।
30
ती ताप्कि खो ती लुङ्ते:म्बा हिन् । कन्ज्यक्कि खोकि गिपातिबि पार्नेसुर् राङ् मे:रा च्यिग्ला खरे: ग्याल्ठिक्ला दे:कु सिनि खोकि तीला ना क्यालुप् ताम् ति तिला क्षा नक् ।
31
तिकि दि ताम् ती गमालाके: थोङ्सुङ् ते:मे: लोङ् सेन्बु लाङ्गुप् कला 'खोला मिक्तुङ् नाङ्ला ताङ्माज्याक् ते:मे: खोकि जुबु साङ् मारुल्।' सिनि सिक्यासुङ् ।
32
ति येशुला राङ् कन्ज्यक्कि सेन्बु ला~ङ्सुङ् , तिकि किदुक् ती ङिराङ् तेरिग् वे: ।
33
ती ताप्कि खोला कन्ज्यक्कि लाक्पा याबि थाकाला ते:क्सुङ् ते:मे: खिरे: हाक्कोतुप् ताङ् थोङ्गुप् , पापानेसुर् ना क्यालुप् थु चेङि ङेनि, खोकि दि पु~बु हिन् ।
34
दाउद् ती खोरुङ् राङ् दे:वाच्ये:न्ला मागाल् । तिकि 'चोवो कन्ज्यक्कि ङे:कि चोवोला "ख्यरे: डा• तिबाला ख्यरे: काङ्बा योप्सा माजोबा साक्
35
ङे:कि लाक्पा याबि थाकाला देत् ।" सिनि सिक्यासुङ् ।
36
ति ताप्कि इस्राएलकि तेरिग् गिपातिबि ति येशुला खिरे:कि ग्याङ्स्यिङ् ल~ला का~ल्सुङ् ते:मे: कन्ज्यक्कि खोला चोवो ताङ् ख्रिष्ट ङिकार् जोसुङ् सिनि स्ये~ स्यिता ।
37
ती ताम् दि तिबिकि हाक्कोसिमा तिबि सेम् ती अाला साराङ्सिरिङ् गाल्सुङ् ते:मे: तिबिकि पत्रुस् ताङ् ज्ये:न् तेरिग् लो~मातिबाला "नुक्तिबो अोरुङ् खाङ् क्यिरुप्जा ?"
38
सिनि सिक्यासुङ् । ते:मे: पत्रुस्कि तिबाला "सेम् ग्युर्नि खिराङ् रे~रेकि दिक्पा ता~ज्यितुप्ला येशु ख्रिष्ट्कि मि~न्ला बप्तिस्मा ल~ ते:मे: खिराङ्ला थु चेङिकि ङेम्बा ङेक्यित ।
39
दि ना क्यालुप् ति खिराङ् ताङ् खिरे: गिपातिबा , ते:मे: थारे:ला वतुप् तेरिग् ताङ् कन्ज्यक्कि कातोङ्गुप् मि तेर्ला हिन् " सिनि सिक्यासुङ् ।
40
ज्ये:न् सुङ्तिबा अाला थ~नि तिकि किदुक् स्येनि स्युवा ग्याप्सुङ् । तिकि "दि गिपा दुक्टे: नेसुर् खिरे:कि दाक्पुला र्हक् " सिनि सिक्यासुङ् ।
41
ते: मे: तिबिकि तिकि ताम् ती सेम्ला ला~नि बप्तिस्मा ला~सुङ् ते:मे: ती छेमु तो~ मिन्सिन् मिछे तङ्डा सुम् (३००) लेसुङ् ।
42
तिबा लो~मातिबिकि ये:दे:न् ताङ् डिक्जोम् , ते:मे: स्यिबाङ् च्यकुप् लाका ताङ् सँ~ताम्नि देसुङ् ।
43
मि तेर्ला ज्यिबा ला~सुङ् ते:मे: लोमातिबिकि अाला याम्छे:न् लाङ्गुप् ला~कातिबा ताङ् ता~तिबा क्षा ते~न्सुङ् ।
44
मो~बा क्यिरुप् मि तेरिग् क्षाज्यिक् देकिनक् ते:मे: तिबि सा~मातिबा तेर्कि थकिनक् ।
45
ते:मे: तिबिकि राङ्गि गिज्या ताङ् दाक्पि मि~न्ला वतुप् सा~मातिबा च~नि मोबा किरुप् मितिबासुसुला गो~क्यिबे: ल्हा~नि खप्रे: पार्ला गो~सुङ् ।
46
तुक् क्या~नि तिबा ङिमिटाङ् ते: न्दक् च्यिग् राङ् खुर्नि ल्हाङाङ्ला जोम्गिनक ते:मे: सेम् ज्यनपु ताङ् गा~गठा क्या~नि खप्रे पार्ला सामा गो~नि सेनक् ।
47
तिबिकि कन्ज्यक्ला सँवा देकिनक् ते:मे: तिबि पार्ला नावा ले:मु नक् । चोवोकि थार्वा ङेइँ वतुप् तिबाला ङिमा ङिन्छेःन् तिबि पार्ला टिँ~लेसुङ् ।