¹ పూర్వకాలాతె అనేక సమయకీను అనేక రకాకు ప్రవక్తకీన్ తోటే దేవుడు మన పుర్వతోర్ తోటే తిరియ్తోండు. ² ఇంజెట్ కాలాతే ఓండు ఓన్ మర్రీన్ తోటే మన్తోటే తిరియ్తోండు. ఓండు ఆ మర్రీను సమాస్తంత్కి మర్రీన్ గ నియమిస్తోండు. ఆ మర్రిన్ తోటే ఓండు విశ్వంతినంత తుంగ్తోండు. ³ దేవుట్కి మయిమ ప్రభావంతే గొప్ప వెన్నెలు ఓండే. దేవుటే పోలికత్కి అర్ధం మొత్తం ఓండే.చాలా శేక్తి అత్త ఓని మాటాత్ తోటే ఓండు సమాస్తంతి నడిపిస్సోమిన్నోండు. మన పాపకీన్ విసియాతే ఓండే మెంచీగా తుంగి,గొప్ప ఘనత తచ్చి గొప్ప దేశాతే వెదజల్లాను దేవుటే తిన పక్కాతే కుద్దిమిన్నోండు. ⁴ దేవదూతకి కన్నా బెచ్చో శ్రేష్టమత్త పేర్దీన్ ఓండు మర్రీన్ దిస్తే పొంద్తోండు కాబట్టి ఓండు ఓర్కన్నాబెచ్చో శ్రేష్టుడత్తోండు. ⁵ బారిత్కు దేవుడు "నిమ్మ నా మర్రీను.నేండేనన్న నీకు ఇయ్యనత్తాను." ఇంజో గోని "నన్న ఓనికి ఇయ్యాన్ దిస్తే మంతాను,ఓండు నాకు మర్రీన్ తీస్తే మంతోండు."ఇంజో గోని ఓను దూతనౌటే బెనోన్ సెంకన్నా కేత్తోండా? ⁶ ఓండు సుస్టీత్కి మొదోట్వాని భుమితే పొర్రో జరుడ్డి తీసితత్తస్కే "దేవదూతకందోరు ఓనీను పూజిస్సవాలు"ఇత్తోండు . ⁷ ఓన్ దూతకీన్ సెంకె కెత్తస్కే ఓండు"ఓరీనుఆత్మకి తీస్తే ఓనిసేవకుర్కీను కిస్సు గుండందిస్తే తుంగితోండు"ఇంజో కేత్తోండు. ⁸ అత్కాడు ఓని మర్రీను సెంకె ఇలా కేత్తోండు. "దేవా,నీ సింహాసనం బెస్కేటికత్కాను మంజోందే.నీ రాజదండం న్యాయదండం. ⁹ నిమ్మ నీతితిన్ ప్రేమిస్సి అక్రమంతి చీదరించుకుట్టీను. కాబట్టి దేవా,నీ దేవుడు నీ తోటే కలియి నడదనోరు కన్నా ఎక్కవ ఆనందం ఇందాన్ నియ్దేతోటే నీనీను అభిషెకిస్తోండు. ¹⁰ మొదోల్వాటనస్కే నిమ్మ భూమిత్కి పునాది వాట్తిను. ¹¹ కైక్కీన్ తోటే ఆకాశితిన్ తుంగ్తీను.అవ్వు పాడాసంతాకు. కాని నిమ్మ బెస్కేట్కి నిల్లీ మంతీను. గుడ్డాకు బేల జూరంతాకో ఆలాకే అవ్వు గూడా జూరంతాకు. ¹² వాన్టీనుపోర్రోట్ పంచేత్ తీస్తే మలిసీతీను.గుడ్డాను మార్సతాటే వాన్టీను మార్సీతీను.కాని నిమ్మ ఒర్దిస్తే మంతీను.నీ సంస్రాకు ముగిసన్నో" ¹³ నన్న నీ పగవారిన్ నీ పాదకీన్ ఇడొపో పీటాత్ తీస్తే తుంగన్ వరికి నా తినపక్కాతే కుద్దా"ఇంజో దేవుడు ఓను దూతానౌటే బెనోతోటన్నాబెస్కన్నా కేత్తోండా?" ¹⁴ ఈ దూతాకంత రక్షణతి మర్రీన్ తీస్తే పొందనోరికి సేవ తుంగనాంకి రోత్తసేవాతే ఆత్మాకే గదా?