Chapter 2
1
. అన్నలోరే,ఇంకా యేసుక్రీస్తు వాదాని దాని గురించి,మనాడంతా ఒరో సోట కూడాని దానీ గురించి ఒరో గద్దింపు.
2
క్రీస్తు వాదానాది జరిగత్తే ఇంజో బే ఆత్మ కెత్కన్న గాని,మాటతే వల్ల గాని,లేకపోతే మమ్మ రాస్తాటుగా బేదన్న ఉత్తరంతే గాని మీకు తెలియ్కు మీ మనసుకీను కలవర పర్దోద్దు ఇంజో భయ పరదొద్దు ఇంజో మీమీను బతిమాలాడో మిందాము.
3
బే రకంగన్నబేనోరు మీమీను మోసం తున్గకుండా ఊడాటి.మున్నె తిరుగుబాటు జరగవాలి.అశాన్తీత్కు,అల్లకల్లోలంత్కు కారణం అత్తే అక్రమ మనసుండు వాదావాలి.ఈన్డే నాశనం తున్గాని మర్రి.ఈన్డు బయ్దే అరదాని దాంక ఆ రోజు వర్రో.
4
ఈన్డు దేవునికి సంబదిస్తే దానీను,ఇల్లుపోతే పూజ అందుకున్డాని పతి దానీను ఒప్పుకున్నోండు దానికంతటికి పొర్రో ఓనీను ఓండు గొప్ప తుంగు కుంటోoడు .నన్నే దేవుటీను ఇంజో తోపిస్సోరు దేవుటే గుడిదాగా మకాం వాటితోండు.
5
మీయగ నన్న మత్తస్కే ఈ విషయాకీను గురించి మీకు కెత్తాది గుర్తు ఇల్లా? .
6
ఓండు సరి అత్తే సమయాతే బయద్కు అరిదితోండు .ఒనీను ఇంజే బయద్కు అరదకుండా అడ్డగిస్సనాది బేదో మీకు తెలుసు. .
7
అక్రమం తున్గాని మనిసీను తెలియకుండా జరగాని పని ఇంజేటికే జరగోరేమిందే. ఇంజేటి దాంక దానీను అడ్డుకున్దాని వానీను దేవుడు తీసేసాను దాన్కే అడ్డగిస్సితోండు.
8
.అస్కె ఆ అక్రమం తున్గాని మనసుండు బయద్కు అరిదితోండు. పెభు యేసు ఒని పౌటే గాలితే తోటే ఒనీను ఔకి తోండు.ఒండు వాదాని వెనేల్ తోటే నాశనం తున్గితోండు.
9
దెయ్యంతే బలం మొత్తం,ఓని గొప్ప పనుంగు,అబద్దమత్తే అద్బుతాకీను తోటే అక్రమ మనుసుండు బయద్కు అరిదితోండు.నశించి దాయనోరు మజ్జేతే చెడ్డ మోసకీను తోటే బయద్కు అరిసిదాతోండు. .
10
బారిత్కు ఓరు రచ్చన పొందనాటే నిజమత్తే ప్రేమతే గురించి నమ్మిల్ల్లోరు.
11
. దీని వల్ల నిజంతీను నమ్మకుంట అక్రమంతే సంతోష పరసో మత్తోరీను శిక్షించానాంకి
12
ఓరు మజ్జేతే అబద్దంతీను నమ్మనాల మోసం తున్గాని శక్తితీను దేవుడు రోచోమిందోoడు.
13
. పెబువు ప్రేమిస్తే అన్నలోరే,మమ్మ మీ కోసం బెస్కేటికి దేవునికి వందనాకు కెత్తవాలి.బారిత్కు నిజంతీను నమ్మనాంకి,పరిసుద్దాత్మ తున్గాను పరిశుభ్రతాతే రచ్చనత్కు దేవుడు మీమీను తొలి పంటతే లెక్కాను తాస్తోండు.
14
.మమ్మ ప్రకటిస్తే కుషేల్ కబుర్తే వల్ల యేసు క్రీస్తు మహిమతే మీరు మందనాటే మీమీను కరింగి మిన్దొండు . .
15
కాబట్టి అన్నలోరే,నిల్లి మన్నాటు.మా పౌటే మాటన్ తోటే,మమ్మ రాస్తే భోదాను పాటిస్సాటు.
16
. మన్నాను ప్రేమిస్సి బెస్కేటికి మందాని ఆదరణ,క్రుపతే వల్ల జరగాని వంటే విషయాతే పూర్తి ఆత్మ విశ్వాసం ఇత్తే
17
.మన ప్రభు యేసు క్రీస్తు,తప్పే అత్తే దేవుడు మీ హృదయకీను ఆదరించి పతి మెంచి పనితే,వాక్యంతే నిలిపిస్సితోండు గాక!