²³ Epafra, mghenji wangu hena kichungo hena Kristo Yesu, akukezia, ²⁴ na Mariko, na Aristarko, na Dema, na Luka, bhahiri ndima bhagheji. ²⁵ Na mvono Mzuri Yesu Kristo uoke na ngoro yako. Esae. ¹ Paulo, ibusu lake Yesu Kristo, na mdwabho Timotheo hakwe Filemoni, mbuyaa mkundwa na mhiri ndima mghenji, ² na hakwe Afia dada wetu, na hakwe Arkipo askari mghenji, hena ikanisa la kaa handu tunatorania: ³ Mvono henu na lubhoro lwake Izubha Apa wetu na Mzuri Yesu Kristo. ⁴ Mari mose ninamshukuru Izubha. Ninakuranga hena itasi langu. ⁵ Nasikija lukundo lwako na lubhoro lula uhete hakwe Mzuri Yesu na bhaumini bhose. ⁶ Nabhatasia hena bhumwe bhwa lubhoro lwakoiidima kuoka ya manufaa hako hena kila kindu chedi kila choho hamwezi naswi hena Kristo. ⁷ Amu neokie naizirihiwa pada na kuisejwa wanga ya lukundo lwako, amu ngoro ja bhaumini jasobhoka nawe, mdwetu. ⁸ Kwa hubho, hata kicha nokie nina ng'iria hakwe Kristo kukuazerija kuhira kila kikundikane kuhirwa, ⁹ kake wanga ya lukundo, nakusemba sa bhundu nioho - Mi, Paulo, mghosi, na iki ibusu lake Kristo Yesu. ¹⁰ Nabhujanya wanga ya mwanangu Onesimo, eokie mwanangu nkioka hena kichungo changu. ¹¹ Amu kae osokie walughenjo hako, kake iki ni wa lughenjo hako na hangu. ¹² Namuazerija ye- eye ni ngoro yangu mno- kuhunduka hako. ¹³ Natamani nikimbhika ye nami, esa aidime kunighenja mi hena Isanga lenyu, kake nireho hena kichungo , kwa ajili ya injili. ¹⁴ Kake nisikundie kuhira chochose bila idhini yenyu. Nahira hubhu esa bhindu bhedi bhisize bhikahirika wanga ya kubhalazimisha, kake amu mwekundie kuhira. ¹⁵ Kake hena sababu ya kushighana nae hena igheri ili, neesa hengi umpate tendarasi. ¹⁶ Esa asioke mhiri ndima kake aoke wedi kuliko mhiri ndima saa mdwetu mkundwa- ena mbucha hangu na hako mno, hena bhose mwiri na hakwe Mzuri. ¹⁷ Na ukanitisibha mi sa mghenji, muuhie ye sa bhundu uneniuhia mi. ¹⁸ Kake kacha hena bhundu ateshanya hose, kana kumuabha chochose, tara wanga yangu. ¹⁹ Mi, Paulo, natama na ighaza langu: mi ninekuiha Nisikurangie we iti uniabha mi maisha mako. ²⁰ Oe, mdwetu, shigha mi nioke msha hake Mzuri kufuma hako; izihija ngoro yangu hakwe Kristo. ²¹ Ng'iria wanga ya nganyi yako, nakutamia we, nimaije iti unehira bhingi mno kukela bhundu naghamba. ²² Mati amo amo, niarehie chumba cha bhagheni, iti nina lusilingi kufuma hena itasi lako ninepata kiabhia cha kukuselia nguangu.