¹ adan en da a daɣ təlas tamattay tagget tiddawt fəl ɣaysa. tamattay en wər təla a tətša. iɣra ɣaysa inəttulab-net,inn-asan: ² aytedəm a təh-i təhanint-nasan. karad adan a ɣur-i əgan,amaran ab'as t-illa a ətšan. ³ as tan-əssoka iɣawnatan-nasan wər əreman arat,a tan-aggadlu gələk daɣ tarrayt, id wiyyad daɣ-san igəg a d-əgmadan. ⁴ Ǝnnan-as nəttulab-net: məni du-z-igrəw awedəm daɣ əsuf a šigəlwen siyyawannen tamattay togdât d awa? ⁵ issəstan-tan ɣaysa,inn-asan: mənəket təgəlwen təlam? Ǝnnan-as: Ǝssayat. ⁶ omar ɣaysa tamattay s ad təɣrəd təɣimit.idkal-du əssayat təgəlwen šin,iga igodan i məššina,i karamkaram-tanat,ikf-enat i nəttulab-net y a tanat-uzanan i tamattay en. Ǝzunan-asan-tanat. ¹⁰ Ǝlân deɣ arat ən kifitan win madrornen. iga ɣaysa igodan i məššina inna i nəttulab-net, a tan-uzanan əntanay da y aytedəm. ⁸ aytedan en əyyəwanan əglazan-du, har as əssa əzmaman win zawwarnen a du-tawadkarnen daɣ karammutan win d-əglazan. ⁹ Ǝddukad n əkkoz gim n aləs a ətšanen den. as tətša tamattay, issəllam-tat ɣaysa. ⁷ tamazayt ten da a daɣ iggaz aɣlal n aman ənta əd nəttulab-net, ikka akal ən dalmanuta. ¹³ osan-du arat daɣ farisaytan, mašawalan dər-əs, gammayan daɣ-as təlməɣjujat təmosat alɣalamat a du-təfâlat məššina, imosan awen jarraba-net. ¹² iga ɣaysa təhənəffet zagret, inna: mafəl gammayan aytedəm n azzaman win təlməɣjujat a du-təfâlat məšsina? Ǝggəyyeɣ əsilakanaɣ-awan as, wər ilkem a dawan-tətiwagga təlməɣjujat waliyyat. ¹¹ təzzar ifal-tan, ilas iguz n əɣlal n aman, ikka əsəlim wa hadan n egarew. ¹⁴ Ǝttəwan-in nəttulab a d-awəyan allaw ən təgəlla. tagəlla iyyadda ɣas a təhat aɣlal-nasan. ¹⁵ isammatar-tan ɣaysa, inn-asan: Ǝnkədat wəllen i xamira ən farisaytan əd wa n əmənokal herod! ¹⁶ ad tinəmənnin nəttulab-net gar-essan : awa wər t-inna ar fəlas wər t-illa tagəlla. ¹⁷ issan ɣaysa daɣ awen,inn-asan: mafəl teššewalam daɣ iban təla-nawan tagəlla? awak əgərri a wər təgem harwa da? awak iwallan-nawan a əganen taɤart tas ab'as təgarrim? ¹⁸ awak šittawen a wər təlem əs tənayam,wala deɣ šiməzzugen əs təslam ?awak tatawt a din-təgam iket n əzmaman a du-tədnayam daɣ karammutan win du-təglaz tamattay ¹⁹ assaɣa wad əzunaɣ səmmosat təgəlwen i səmmos gim n əlas ? nəkittəw as maraw əzmaman d əššin a du-nədnay. ²¹ Šigəlwen šin əssayat za , šin əzuna y əkkoz gim n əlas, mənəket əzmaman a du-tədnayam daɣ karammutan win du-tawaglaznen ? Ǝnnan-as: ²⁰ Ǝssa. amaran inn-asan: eges harwa da wər təgrem wala ? ²² os-in ɣaysa ənta əd nəttulab-net taɣrəmt ən betsayda. Ǝlwayan-du sər-əs aytedan aləs n əmədderɤəl, onsayan-tu ad t-idəs izzuzəy-tu. ²³ ibaz ɣaysa əfus n əmədderɣəl en, ilway-tu har dər-es igmad taɣrəmt. issəwar imətman-net šittawen-net, issəwar-tu ifassan-net, inn-as: awak təhannayaɣ arat meɣ ? ²⁴ idkal əmədderɣəl eɣaf-net, inna: hannayaɣ aytedəm, mišan olân-i d eškan jiwankatnen. ²⁵ ilas ɣaysa əsəwər ən fassan-net šittawen n əmədderɣəl en. iqqal-t-id asawad-net ketnet, izzay, innəflay daɣ arat kul. ²⁶ issəlləm-tu ɣaysa inn-as: ad wər təqqəla taɣrəmt ten, aglu akku aɣaywan-nak. ²⁷ dəffər awen iddew ɣaysa əd nəttulab-net əkkan šiɣarmaten əhanen amadal as itawannu qaysarəya wa n əmuzar filibus. Ǝglan as tan-issəstan ɣaysa, inn-asan: ak daɤ iduf n aytedəm ma əmosa ? ²⁸ Ǝnnan-as: wiyyad a gannin yaxya wa isalmaɣan aytedəm daɣ aman a təmosa, wiyyad a gannin ənnəbi ilyas,wiyyad deɣ a gannin iyyan daɣ ənnəbitan. ²⁹ kawanay za, ma tənnam ma əmosa ? inn-as butros: kay a imosan Ǝiməsix. issənkad-tan ɣaysa inn-asan : ³⁰ tidət a imos adi mišan a tu-wər-təməlam y awedan waliyyan. ³¹ den da ad issənta ɣaysa əsəssəɣri ən nəttulab-net, inn-asan: nak ag aggadəm, kundaba ənaya alɤazab aggen,unkaran-i muzaran ən kəl-Ǝlyəhud əd musanan n Ǝttawret, təwəggin man-in, ənkara-du deɣ daɣ təmattant əzəl wa n karad. ³² ig-asan i batu en igi isisagran wəllen. təzzar iwat-tu butros s ahal, iššewal fall-as fəl awa inna den. ³³ mišan inalallay fall-as ɣaysa,iswad daɤ nəttulab-net win hadatnen, iharaššat butros, inn-as: Ǝfəl dəffər-i aššaytan,fəlas imedranen-nak,wərgeɣ miššina a d-əfalan,kalar imedranan n aggadəm ɤas a əmosan. ³⁴ dəffər awen iɤra-du ɣaysa tamattay əd nəttulab-net, inn-asan : wa iran a di-ilkəm, wədi igmədet tara ən man-net, agu imateran-net, idkəl təgəttawt-net, ilkəm-i. ³⁶ Ǝssənat as awedan wa wər nəgəmməy ar aggaz ən man-net, wədi ad t-əgmədan,mišan wa iqbalan ad t-əgmədan fəl əddəlil n Ǝlinjil,wədi ad iɤles. ³⁵ ma z'aknu y awedan ad igrəw əddənet ketnet,ənta amaran temsay a ikka ? ³⁷ awak mas ifrag awedan tehakkay-net y a sər-əs agəz iman-net daɣ temsay ?