¹ Mala nutini isaani wiliini hujih mid'aasinu, isani kad'anah, dada Waak'a ah hadiyoh himfed'etinah. ² Malyenani wah iniini yed'u, " Wogah k'it'ooche ana hah sih d'egeh, amaleh guyah jireenah hah sih k'ak'aare." Ilaali guyah jireenah guyah kanah. ³ Itisituh wunih nutini hiinteinah, suniini hujih teena aalantih hind'ak'awinioh. ⁴ Urgi ishiah, dubih t'uut'umah kesa faaruh daansah ufiiti nuu nkanah. Omsah gudah kesa, hanshaara kesah, fara kesah, naartih kesah, ⁵ d'aanicha kesah, hid'aansa kesah, hushusheh kesah, hujih jabduh kesah, barisiisa kesah, beela kesah, ⁶ k'uk'ulooma kesah, beekinah kesah, omsah kesah, daansuma kesah, Hara k'uk'uloh kesah, fed'ih d'ugaa kesa. ⁷ Nutini ergatuh isaati dubih d'ugaa kesa, jaweena Waak'a ah kesa. Nutini waraani d'ugaa k'amna harka miidah tifi kah bitah ah. ⁸ Nutini hiila afi hiila d'ewiinsa kesa hujih mid'aasina, hama afi faaruh kesa. Nuh aalatini aka nutini dega d'arah amoh nutini dega kah d'ugaati. ⁹ Nutini hujih mid'aasina aka silah namuh nuh himbeenyeh amoh gudah nuh beekani. Nutini aka silah nama duu hujih mid'aasina amoh amaleh-hind'egera!- amaleh hinuuma jira. Nutini aka dega tochiafi adaawanuh hujih mid'aasina amoh dega adaawa nih ijeesanimuh. ¹⁰ Nutini aka dega yuulah hujih mid'aasina, amoh guyah t'uut'umah hingamana. Nutini aka deegah hujih mid'aasina, amoh dega gudah halak'oomsina. Nuti aka silah wih hink'amneh hujih mid'aasina amoh abootih wunih t'uut'umah ati. ¹¹ Nutini hah d'uguma t'uut'umah dubane isaanti, isani kah dega Koriintoh ah, amaleh onateena akuma aadah diigamte. ¹² Nutini ona teesani hih itisineh, amoh moma keesaniti isani itise. ¹³ Teemtana deewisah daansah kesa- ana aka silah isani ajooleh isaniini dubad'a-ona teesani diigad'ah. ¹⁴ Dega abdih hink'amneeni wilti isani hid'inah. Malyenani jaaloma maaliti jira jiduh d'ugah afi d'arah? Amaleh wild'ak'abdih maaliti jira jiduh Kristoh afi Beliaarih ah? Yoh kah abdate jifuh malih k'awa kah hiabdaneeni wiliini? ¹⁵ Amaleh wili d'ak'abdih maaliti jira jiduh hekaaluh Waak'a atifi talagah? ¹⁶ Malyenani nutini hekaaluh Waak'a jiruuti, akuma Waak'a ini dubate, "Isaani kesa taae amaleh jiduh isaanih kesa ideema. Ana Waak'a isaanih itah, amaleh isaani anamah kinkih itaani. " ¹⁷ Suniifi, Aaboh ni wah iniini yed'e, "Jiduh isaanih kasah yaa, amaleh k'ofah isani kaayanuh." "Wunih k'uk'uloh hiinteini hintuk'inah, aaleni isani d'iyeesifad'ah. ¹⁸ Aaboh deneechaa wah iniini yed'u, ana abeesani itah, amaleh isani ajooleh tintih tah d'iirah tifi tah durfah itaatani."