DCS-Mirror-pungs6th16_sif_tit_text

Titi 1

¹ Pɔl, Jɔnɔsɔ klɛwɔ klɛtɔn, Yesu Krisita takpɛtɔn Jɔnɔsɔ jimiì mɔ́tɔŋnmɛɛ̀ fù nì hlɔ lɔ́têê fɛ̀ mun à kpɛŋnyɛŋnè Jɔnɔsɔ dɔ kaarn shi flɛ́ɛn. ² Fɛ̀ mun yɛŋn tɛ̀ɲɛ̀n tagbal ɔ. Fù mun à gbukalî toja à wóon to. ³ Fù gbukalî mun lo ɲɛ́l tè mún to, ki li Jɔnɔsɔ se, ŋmɛ́ɛn Kɛltɔnî (Ɲɔnlɛtɔnî) ɛ̀. ⁴ Tite to, mún tikel dye Jɔnɔsɔ ɲɛ̂l ta, ń nɔ̀kurn ta mún ló nɛn fù nɔnkɔŋ. Jɔsɔ fyar nì gbɛ gbâl mún lɛ̀ Jɔnɔsɔ se ki tè á to Yesu Krisa yin ɔ. ⁵ Ń n'á talta Crête dyɛ mɔ, à ki à gbɛ bur mɔ́n tityɛ́ɛnn, a ki à klɔrê ɲínɛ́ɛn à dyɛ nɔnkurn mɔ. ⁶ À dyɛ mɔ, jɛn telnmun ki yanɲɛ̀n ki mél mɔ́n byéen gbɔ̀n, ki bisháɛ̀ŋ ɲɔn sɔ́ɔ ŋmɔ́n, yì bè telnnè. Yì wo ɲɛnkɛŋl bo, yì b'à kwɔŋmɛ̀ lona tè. ⁷ À Jɔnɔsɔ lɔ́ɔ ɲɛro tɔ́niîn yánɲɛ̀ ki tɛŋn jimin tɛlnmun árí àn kpɛ̂ŋl máar tɔn, à niìr bè gbaɲɛ̀ à wo jáarbo, flɛ́ɛ b'à jaa, à wo à bwéen tɛɛ̀ŋn tyɛɛ́ŋ to bo, à ɲɛ̀lo wóo kɔ́ɔŋn bo. Mɔ́n wo hlɔ kaarn mɔ tèkél mɛ́ɛ̀ ɲɛ́ɛn bo. ⁸ À sáaŋ yanɲɛ̀n ki jimiì nùkurn ŋmel hlúu, ŋmel hlúu fáâ ɲɔn mɔ́n Jɔnɔsɔ ǹ ɲɛ́ɛlíî ta, niìr yɛɛŋ ɲɔn ɔ. ⁹ Káa tyɔɔ táa Jɔnɔsɔ gbukɛlî to fù mun ki hlɔɔ̂, à n'à ŋmɔ́ɔn ár'á fúu mún tá wúɲɛ̀n nɔnkɔŋl ki lo ki jimiì toteln yiì ka ɲɛ́l ɲɔnî ja, jimin mun jimin mɔkɛɛŋl á tèkel tɛ́ɛl lɔ́. ¹⁰ À tɔntɔn ɲínɛ́ntêê tyémɔ, jimin tyɛɛ́ŋ gbɔ loo náan bo. Yì b'à byéen gbɔɔ̂ jimiì tìyà tɛŋn. Máɛ̀ mun kɛŋn lo, hlɔ jiìrn. ¹¹ Yíi fɛ̀ɛ̀ kɔŋn kpɛ́, yì jiminbeê nɔnɔnkur mɔkɛŋl. Yì bè jimiì kɛɛln flɛ́ɛ ǹ jakaarn, nìn klɛkaarn gbɔɛ̀ ɔ nɔnkɔŋl yì ki nòfòl ŋmɔ́n. ¹² Yì tyémɔ jir byéen, yì ǹ kèkɛ̂l Jɔnɔsɔ ǹ tɔŋrɔnî à ló dé Krɛti yinî ki kɛŋnlótêê ɔ, yì bè jaar, yì bè tùtwɛltêê, fù nì yì be kɛɛŋl. ¹³ Fù gbukɛlî ki hlɔ ɔ, fù se kwo yíi se kɛln to kpɛŋlsɔ́ɔ, gbɔ mɔ́n à jeela yíi ki Jɔnɔsɔ ɲɛ́l kél à fá to. ¹⁴ Fù nì yì b'à taa Juda yinî kɛɛ̀ŋɛ̂ to bo, fù nì yì takɛltêê mɔ à burjirn hlɔ kɛnɛn. ¹⁵ Gbɔ nɔnkurn gbijirnɛn à jimin gbijirmɛ̀ kpɛŋ, ki bólo gbijirmɛ̀ a jimin won tumɛ̀, ń n'á nurjaal , yì tɛlî nɔkurn nukwaɲɛ̀n. ¹⁶ Y'à nɔ Jɔnsɔ hlɔtê jiìrn, yì b'à káa á se à klɛ gbɔɛ̀ rɔ, yì bè nyɛnkɛŋl, y'à nɔ lonakaarntê jirn, fù nì yì wo gbɔ ɲɔn bóló kwo shi bo.