=======
1 TESALONIKI ɲin
======= 4
1
N' krɔmέɛ̂ŋ, yíi fáa múun tó à tosháaŋ ŋmέὲ se, tekɔ́ŋl yíi gbɔ ké Jɔnɔsɔ tya tɛn yíi fù fáhlɔ̀ múnnɔ. yíi fɔn fu mun klɛɛn yin, ń fɔn Jɔnɔsɔ tonyέɛŋl yíi kúun sé tekέɛŋl yíi ki doon tòmɔ̀-tòmɔ Jɔnɔsɔ ɲɛ̂li ta.
2
Yíi à shi kyan mɔ ń kɛɛlnî múun tènnὲ yíi to ki li n̂ tɔ́rɔ Yesu se.
3
Jɔnɔsɔ muun ɲέɛn, fú kí yíi kúun to fénébée rɔ yíi k'à byéen ja téln k'árn gbɔ́ɛ̂ tó.
4
N' muun ɲέɛn yíi se, yíi k'à gbέɛ̂ mar fénébé nì teln be mɔ.
5
Yíi be tɛn á tya gbɔ́ὲ to bó ari Jɔnɔsɔ hlɔkarn twaŋl klantéê fáa múun to à klɛɛn.
6
fú faa tó, dóobɛ wo á krɔma fléen ya mɔ bo fúnì teln kárn gbɔ́ɛ̂ mɔ bo, kɛ̂ Jɔnɔsɔ faŋ ŋmɔɔ́n fù gbɔ́ɛ̂ mɔ ári à wúɲὲ fáa múun to ki to kpέlja.
7
Jɔnɔsɔ wo ŋmέὲn fɛnnɛ núkwa gbɔ to bó, fóró gbɔ toféné sɔ́ɔ̂.
8
Tɔnni mun ni fu kὲɛlnî fɛɛ, à woo dó fɛɛbo ári Jɔnɔsɔ fɛɛ, fù múun án tɛl fénéê tennὲ n̂ to.
9
Mún kí tɔbinbé náarɔ do wo yaɲɛ ki fù ɲúr yíi sé kanbo, yíi gbɔɔ kaɲὲ ki yíi tyatɛn árí yíi fàa mun to à kɛɛln Jɔnɔsɔ se.
10
fù fáa to yíi sáaŋ mano à klɛɛn á krɔmέɛ̂ wɔse, mέὲ múun tɛnnɛ Maseduwani ń sáan a ɲέɛn yíi se yíi k'á to kpárja fú gbɔtya mɔ kí tɛn kɔ́nkárn gbɔ.
11
Yíi kí án wodáal shíi kwo ɲɔɔnsɔ, yìnar mɔ yíi bé á byéen búr telnkar gbɔ́ɛ̂ tobó, kὲ yíi ki klɛwɔ kwo á kpɛŋnɔ árí á fáa múun to wuɲὲ yíi se.
12
fúra yɛɛn dé yíi wo á byéen ɲɛɛn telnbé mɔ á wo fέὲ wɔse yíi be á nyɔɔn ɲɛn dó se bo.
13
yíi be tɛn gbɔhlɔkarn téè fa to bó, árí mέὲ múun dŋéndέɛnὲ yíi bé tɛn árí mέὲ múun Jɔnɔsɔ gbɔto kpɛnjanὲ bo.
14
Fù fáa to n̂ nà tokpɛnja de Yesu kué k'á sɛ ɲìnɛn, n̂ kí à tokpɛnja dé Jɔnɔsɔ bè à sɛ búrbɛa jimin klomέὲ wɔse.
15
n̂ mɔɔn kɛɛla Jɔnɔsɔ lo fáa to fù rɛ: ŋmέὲ jirlɛɛ múun tala tɔ́nrɔ kpɛnlɛɛ ɔ ŋmέὲ yaɲɛ n̂ ki búr á jimin klomέɛ̂ ɲɛbo.
16
fù fáa to tɔ́nrɔ fú tɛɛlo bréen wónî tὲnnὲ fù mún bè kwoa Jɔnɔsɔ ǹ búrsɔ́ɔ̂ myɛɛŋlî to kí kyɛɛlbέɛ ɲáanta mέὲ múun kwué Jɔnɔsɔ ɲɛ̂lî ta fέὲ kyὲŋl bè ɲinɛna.
17
Fu jìrɛ múun kwɔn, ŋmέὲ jirlɛɛ mún tɛnta n̂ be tona yíi se jɔnɔɲɛn, n̂ kí t́ɔ́nrɔ ŋmelhlúké, n̂ kí tɛn à wɔse tòmɔ́-tòmɔ́.
18
Yíi wo àní gbukalî ɔ yíi nìryɛɛn ɲínέɛn yíi tyémɔ.