¹ Yesu man jio man nigeyelu:nman ti jio man kagniɛngniin nan,ye niginnan siiinniɛne bele ye nan nini pe ya gouille,ni pa pe gniɛne masaya gnin a wuninan ni fanniye. ² ciiengwari,lo ka dogo man,Yesu man la wori ni Piɛri,Zaki ani Zan,a wu ni se ni peni gnangodopngon yugonna,wu yalen be piye gwimɛn pe yiɛman wu ³ yaleri beni Zan,lonan wo da zannu ya da takoroke nanye ⁴ Eli ani Musa be pa diɛ pe nan,pe beni falu pi ni Yesu ni. ⁵ A Piɛri,siɛre la,na ti jio Yesu man:wo ka fɔl,la yɛle wo si gori waman nan mɛn;wo si gogwagale tavi pɔn nanni mɛn,ni bi si biye nwole,sine wole si biye Musa wole ani tari wole si biye Eli wole. ⁶ Baa siɛjioro gaa biye wu manye a tifiare lege wu nan. ⁷ Afang pan man pape tɔn,ko fanfang fiɔnnan a dajio wa yila:wo ni gɔn ye we ntaman wo:ye wu logo ye gnɔn ⁸ .Lo lɛnnan kapigele be welev ni gɛle,ani Yesu yiɛ pe be ni gnani. ⁹ pe be yiri gnangoye yugɔnan,Yesu ti jio pe man na jo pe ga fiɛ yaga jio siɔn figin manye be gare li pe gninlee,fo ma si nɛn lɛnan a siɔn jia yiri kuo ni nigɛnnan. ¹⁰ A pe niɛgwan to siɛre man,ape paa yrge yagi ki ki tiɛ wa yiri kuo nigɛnnan. ¹¹ Kapike ni ka yegeli nan jo:gnanna a kagan jo ni Eli si ban geɛn? ¹² Pe piye jo man mun Eli ya ban gwɛn,ani wi ya ka niɛnɛn tiɛ.Ani gnanan a pe ti sɛbɛ na jo sion jia ya ba gaan nivanganan.Ani wu kala ya ba dɛnni siɛnnanye; ¹³ nga na ti jio ye man ni Eli man pan,ani pa u piye baaa pe gon lee paa ti sɛbɛ wo gwokonan. ¹⁴ Lɛriu nan pe ja ka pikele nan lee,a siɛre file man pe kiori,ani sɛbɛsɛbɛ be ni yu ni pe ni. ¹⁵ Lɛnan siɛne Yesu gnɛn ali bari pe nan,ani a pe fin mankare wu kuruko. ¹⁶ A wu pe yege:gnan wolo nan ye ni yu ni peni? ¹⁷ Siɛne nigɛnnan nɔn wa yile nan jo:yiɛwo nman pan ninjia nman wi nan bobo finan yele. ¹⁸ Wa wila tiɛg ginan wuman wila wa tɛri nan,a wo peni wa gɛrɛg,a wu ni nmanni gangan kure ani lo kodogo man wu man gni yani.Man ti jio kapikele man pe si gniɛne gniɛri wo pi man po ginin si ja be gare,ani pe ja lo piye. ¹⁹ Sia wi wi makare sionnan le,Yesu man ti jin pe man,fo be ba nɛn lɛlenan nnan gore ni ye ni?fo be nɛn lɛlelinan si ja be ye kanme ku wa nan?ye man ni wu ni man. ²⁰ Pa kare ni u ni Yesu man ani lɛnan bawi gnanpikele ta Yesu nan a wi tu finan pigele wu gningnin,ɔla tu tɛrinan,u be ni golo tɛre nan. ²¹ A Yesu wu tu yege yiɛ jiori to gwefure piye kɔ wu nan?wu la sigele lɛrɛ nan. ²² A ni wati wa nan finan pikele be nu wila ni jani nang fiɔn nan,ani log fionnan be ja be wu hwo nga kgɛ ja kalapiye,man ba kɔle loman man o fugo ta. ²⁴ Yesu man ti jio ngɛ ja?kala tiɔ man ja siɔn o siɔn wi taga ki nan le: ²³ lolɛnan a o pi tu sɔn gwon :ni wo man ttaga kinan,man ba ndɛnmɛn. ²⁵ Yesu yiɛng ta pe nan lee a wi siɛne wile wa nan ani yani lo baye ²⁶ W yile,ni sɔnni pi nan.A pi kɛre man jo ni ku wi,a siɔn tiɔ ni gon ni pi man ku . ²⁷ A Yesu wi la wi kɔg nan a wi yire.A wi yire yeri ²⁸ Ba Yesu wi jiye gwonan lee, a wi kapigele ni wi yekeleg ni bi ni bi:gnannan ɔ ja finan pile nɛnle lee? ²⁹ A wi ti jio pe man:nge yag ya yile yaga ka fala naye ni fidinkɛ nan biye. ³⁰ ɔ yile ba nan tori galile nan,Yesu be ni gon sion ga ti ciɛnye ³¹ ka ma sɔrɔwi ka pikele kale nan bi jio pe man:jafɔn ya yire. ³² Nga kapikele ya nde siɛre famuye a pe ni viɛ be wu yeke. ³³ Baa pe si nɛn ca pernaiim a Yesu pe yege ni gnan wolonan pe beni paa gɛbɛle koke nan? ³⁴ A pe Piɛre kaman sɔrɔ pe beni paa yekeli kokenan ni poo nigɛnnan wii wi liɛ? ³⁵ W tinne nan wi kapigele kɛ ni sine yiɛre nan jo wii wi gon wo ye wilɔnle wo wi ya babiye pe muun nɔpile ani pe muun fapiye niɔpile. ³⁶ A wi nɔpile la man tiɛ pe muun niginnan,naan wila kɔnnan naan ti jio pe man. ³⁷ Wi ga vole niɔpikele man yele nmiɛknan nyɛrɛ man bon wu folleye nga wi wu tun wo sion man wi folle sion wii wi ntuun nan lee. ³⁸ A Zan wi piye ni wo man nɔn wa gnɛn wiwi ginɛn ying nmiɛng nan lee.A wo wi yerege baa wu gaa daa wokurokoye. ³⁹ ye gan wi yre geye Yesu man jo ni sion o sion wi kogweli pi ni nmiɛgni wi man baa nkoloko jio kadogo man. ⁴⁰ Sion o sion wi yire wo miɛn nan wi yeni woni. ⁴¹ Sion o sion ga liɔn cɛngniinnan wo sion ya von wu liɔn nan gniɛne manye. ⁴² Sion o sion ga kapile piye nniɔpile lanan nnan kadɛngwɔ taga sion yatiginnan suu wa mugwɔk liɔ nan. ⁴³ Nkɔk ga biye sababu be nlarakalile ɲiɛnan,ki ceɛri manwale man pɔre nsi biye ni kɔsine nsi ya ɲiɛnan tayed. ⁴⁴ Nsi gwiye nang gi ki ja ni viri lee. ⁴⁵ Ntɔg g biye kobile man be laraka lile ɲiɛnan ki ceri man wa man jiɛni tɔg ni bi gniɛne masaya nan. ⁴⁶ lo man pɔri nsi jiɛni tɔli sini naan gwɔg ki viri lee. ⁴⁷ Ngnanpile ya biye kologo man be nlarakalile ɲiɛnan,liwole man wa lo man pɔre nsi jiye ni gnanpikje sine naan gwɔg fuɔnnan. ⁴⁸ Tiag ki nan ka fung goliye ani naang sion tiɔ ya naag goliye. ⁴⁹ kamasɔrɔ sion tiɔ ya naang nugɔn nurɔ.Yasiɔke ye yacɛngɛn,sitaman ya be piye ya siɔg gi naye ke man wa, ⁵⁰ yasiɔn man yɛle be da wo kuruko,wo sion tiɔ fun dar si gori ni wo ni.