¹ Yesu funhɔn nɔn waɲɛ wi toli wu be si fuhɔrina. ² A wu kɛlpigel wuwe dayegu piye wu ma:Rabi wu wi punni ma kapili pioye,nwenɔn laa,lobɛnyɛ,wu sivɛli pel laa,a wu sifurɔnale? ³ A Yesu co:nɔn punniyɛ wu sivɛli mu punni ma kapile piye yɛ,ce sango kolocol falisiɲɛ wu na, ⁴ layɛli nsi falu piye canŋina,wi wu ntunvɔ falu;yibigi ninma ba wayaja falu pi yɛ le. ⁵ Man yaa dunuɲa funŋɔnna,nye dunuɲa gwɛn mɛ. ⁶ Ba wu darijokɔhɔ,a wu tiyɛri jan tɛrina,na buro tiɲɔ ni wu tiyɛlog ni,ani na tori tɛri taha funŋɔnnɔn ɲanpigel na. ⁷ Ani na wu wu piyo:ta se ma si wa jiye silowe logna(miɲɛg giki kitiyɛ dun)a wu kari si wa ɲiɲɛg jiye nakɔrikari awu ɲapigel mugu wu weliniɲani ⁸ Funhɔnnɔn tɛnni ɲɛni,ani bel pe be wu jɛn ni daɲɛru le,a pe co wu we nɔn bɛnwu beni ɲɛri la? ⁹ Bel be co:wo wi a pel co wo bɛnye a pe yili paa ma.A funhɔnnɔn pe piye:n mun wi. ¹⁰ A pe wu piye lona mɛni n ɲapigel mugu co? ¹¹ a wu co:nɔn pe yiri Yesu wo wi buro tiɲɔn ma muni nɲapigel na,ani nan piyeta se silowe na,ma wa jiye.n kari na si wa jiye nɲapigel mugu. ¹² a pe wu piye:ge wo nɔn ye ge/a wu pe piyo:njɛn yɛ. ¹³ A pe nɔn wiwu be funh gwɛn la kari sariya kafɛli tiyɛna, ¹⁴ ma ta canpiɲɔnni daala na Yesu be buri muuni na,na wu ɲapigel mugu. ¹⁵ Nige a sariyafɛl wu yege mɛni wu ɲapigeli be mugu co:ani wu pi piye:a wu buri muni nɲa pigeli na an si ¹⁶ lorna sayafɛl bel ciɔ:nwe nɔn yiri kolocolɔ mayɛ,mata wu canpiŋɔndali joli yɛ.Bel jo:mɛn kapipiyo ja ngelel kakanŋan piye co? ¹⁷ ani a pe cabari peni paa suyɔlina.Apeni funhɔn nɔn piyo dii n wo jiyo wu co sidundunhɔn wi. ¹⁸ Yahutuyel daga wuna ni wu be piye funhɔn yɛ ani a wu ɲagigel mugu yɛ,a pe wu sivɛli yiyeri ma pan. ¹⁹ A pe wu sivɛli yege:ye jiya wu ye wela,yecowa si fuhɔrɔ na le?mɛni wuj ye co nani weli niɲaani tiyɔruna? ²⁰ a wu sivɛl co:wo jiya wi,ani wa si fuhɔrɔ na; ²¹ ce ba wu ɲani nigon tiyɔruna,ani wu wi wa ɲapigel mugu le,wo wo jɛn yɛ.Ye wu yɛrɛ yege niɲɔnpile bɛnyɛ.Wu ya ja wa siyɛri yiyɛ jiyo yema ²² Wu sivɛl ma nde jiyo mata pe be viyɛ yahutu yel yiyɛ na.Mata yahutuyel be fɔlitina na co wi ga Yesu jɛn ni Krista wi wo siɲɔn ya nɛni yige kolocolɔ gwa na. ²³ Lona wu sivɛl co:niɲɔnpile bɛn yɛ ye wu yɛrɛ yege ²⁴ Sariyavɛl ni nɔn wu fungwɛn le yeri fɔzinwogina ani na wu piyo:sijsnmɛ ta kolocolɔ na.Wajɛn n we nɔn ye kapipiyo. ²⁵ a wu pe piyo:wa biye ka pipiyo n jɛn yɛ.Nma kala ninpinjɛn n be piye funhɔn,ani tiyɔru na nini weli ni ɲani. ²⁶ A pe wu piyo: ɲaa wu piye na? mɛni wu nɲa pigeli mugu co? ²⁷ A wu pe piye: n ma ti jiyo yema kɔhɔ ye si n logo yɛ; ɲaana ye gɔn be ni ti logo? a ye gɔn be piye wu kalpigel gel wɛ? ²⁸ A pe wu tiyɛli na co: n mun wu ye wu kal pil. Woli,woye Musa kalpigel. ²⁹ Wajɛn kolocolɔ ma jiyo na Musa ni, ce n we wojɛnge wu yiri yɛ. ³⁰ a wo nɔn co:la piye dafu yesi jɛn ge wu yirige yɛ, mata waa nɲapigel mugu. ³¹ Wa tijɛn kolocolɔ kapiyepiyel daɲɛri su yɛ. Ce waga wi gwɔgɔ na wu laha piye, wo wo daɲɛru wunna siyɔ. ³² Fiwu wo logo ni wama funhɔn ɲapigel Mugu yɛ, wi wu si fuhɔri na le yɛ. ³³ Nwe nɔn ga yiri kolocolɔ mayɛ,wu gaya ja ya fiɲɛ piye yɛ. ³⁴ A pe wu piyo; ma si kapigel niŋɛna wu muuni, ani nan ni ni wo kɛli ape wu nɛni. ³⁵ Yesu be logo ni wu nɛni ani a wu wi cirɛta na wu piyo; ma tɛgɛ kolocolɔ jia na na? ³⁶ a wu co: wi wu kafɔli sangon si tɛgɛ wu na? ³⁷ a Yesu co ma wu ɲɛ ani wi wu ɲu ni nni wo wi , ³⁸ ani a wu co: n ma taga,kafɔli ani awu kakuri jan wu ɲɛɛma. ³⁹ A ni Yesu co:nma pan nwe dnuɲa na siyɛrɛ tacege na, be pe gani welniɲani,pesi weɲani ani pel pe be wel niɲani porsi funhun, ⁴⁰ sariyafɛli pel be piya a pe nde siyɛri logo wima:a peco a wol wo muuni ye funhɔnni na ? ⁴¹ a Yesu pe piyo: yega be piye funhɔnni,kapigel gaya ni piye ye nayɛ.Ce tiyɔru na a ye co:woni wel niɲani. Lona ye kapigel saye ye na.