V 1 Lokadogoma, Yesu kari cialile mug liyɛgɛ gina Tiberiyade na. ² Siɲɔn niɲɛnɛ be ta wi kurugo Sabu pa be Yesu ɲɛ ba wi kakanni pi mani yali Cologi. ³ Yesu manugu ɲagogi na, na si tɛni ni wu kalpigel ni ba. ⁴ Mata , paki be nɛkɔ, yahutuyel Seri. ⁵ A Yesu yirige maweli, na Siyɔn niɲɛnɛ ɲɛ a be ni ma wu tiyɛ na. A Yesu Filipi piyo : Cee woyasi buru siyɔ be kan siɲɛni ma beli pe si li? ⁶ A wi be nigɔn be Filipi piye weli, Mata wu be jɛn li woya bi ye le. ⁷ A Filipi wu piye : buru wo ya siyɔ kajɛnpigel toloye Sinni na wi ya ja yaa siɲɔn tiyɔ si Ciyɛri ta ye. ⁸ Wu kalpile la, Andee, Simon piyiri ceborinɔn wa piye : ⁹ Nikuhɔ wa ye na we ni burukan kakulo ani, Fiyapigel toloye Sinni. ɲa kori ya ɲɔn Sini ma beli. ¹⁰ A Yesu co : ye siɲɛni piye pe tɛenni. ɲanyi be niɲaa kori tiyɛgi na, a pe tɛnni pe be piye sinɲɛni kapuhɔli sinni ni kɛ. ¹¹ A Yesu burula, n'a kolotiolɔ siyari, ani na wulɔ, Siɲɛnni na be pebe tɛnnina awu fiyali kan pe ma muuni, apeli ba pe yɔn le. ¹² Lokna pe tinle, a Yesu wi kalpigel piye : ye tikor ti sɛrɛ jo Sangɔn ya fiɲɛ, ga galagiyɛ. ¹³ A pe tisɛrijo ma Siyɛgɛl kɛnisinniɲi ni tisɛri ti kori burukan kakulo na le, Siɲɛni daligɔ kadogoma. ¹⁴ por Siɲɛni kakanzani ɲɛ gel Yesu piye le, n'a co : wu we ye kaɲɛna Sudundun wi be yɛli be ban duruɲ na le. ¹⁵ Ani Yesu be jɛn pe ya ba woli be piye fang fɔ li awu yili kari wu pin nige ɲagogi yagɔna. ¹⁶ Ba yakɔɲɔn nɛ le, a wu kalpigel tigi mugɲɔg na. ¹⁷ Abe jiye kurufungɔn na, na ciya yili mug na ma kari Kapɛrinawum ma. Yibig be ni wuwɔlikɔ, ani Yesu raga nɛ pe tiyɛ na yɛ. ¹⁸ Kafagwɔ yiri ni vugi, a mug ni ɲiɲɛ. ¹⁹ A pe nɛ metirel tologo ni kakule lobɛnyɛ tegonicerege fege na, A pe Yesu ɲɛ wu dari mug ɲugɔna ma vileli pe na, ani a pe fiya. ²⁰ Ce a Yesu pe piyo : N mun wi ya fiya yɛ ! ²¹ Pe be nigɔn be wu la kuruna, Mata kuru be nɛ kɔhɔ wu yeregi na. ²² Siɲɔnkurug ki be kar liyɛgi na le, ba liwel ma baɲɛ kuru ninpin yɛ wu be piya, ani Yesu ka jiye wo kuruna ni kalpigel ni yɛ, ce ni wa be kari wu ninpin. ²³ ɲɛmuguri na, NIco kuru be be yiri tibeyade na tiyɛg na Yesu kolotiolɔ Siyari buru na wau kan pe ma a be lile, ²⁴ Sɲɔnkuru siɲɛni be kiɲɛ ni Yesu ni wu kalpigel wa ba yɛ, a pe jiye wo kuru funyɔn ma kari kapɛrinawumu ma be si Yesu mugɔli ²⁵ Ani a pe si wu ɲɛmug kadogoma, ape wu piyo : Rabbi ɲa lɛlna n nɛ nimin?