¹ Siɛn bel ma yil Zude na cebore piyo yɛ ga be kunyɛ ba Musa ma ti jo lee,yɛ yɛlini siɔgɔ ni yɛ. ² Poli ni baranabasini siɛre ma jiye pe siɔlini ni siɛn ni a pe Poli ni Baranabasi piyo ni pe sie Zeruzalemma pe ya si jol jo wuliɛ tanni. ³ Baa eglizi ma pe torogo kuɔ a pe kog la na ni sie fenisi ni samari na,a pe si sinnadɛgɛli siɛre jo cebore ma a pe fun tɛnni. ⁴ baa be nɛ Zejruzalem na pa pe co ɲion a pe gi kolocolɔ pye pe ma paa to siɛre jo eglizi wuliɛl ani Yesu sudurutun ma. ⁵ Lona a Farizien bel yiri na jo ni sinadɛgɛ be yɛl si waa kun janko Musa sarikya si dafa. ⁶ A Yesu sudurutun ni wuliɛ ma waa biɛn be ko kal weli . ⁷ A kakɛlɛli a Piɛri pe piyo cereboli yɛ li cɛn kabini lawalina ɲiɛn ma nwoli janko sinadɛrɛgɛli si vɔl ɲiɛn siɛrɛ na nɲiɔn na. ⁸ Ani kolocolɔ ma funyen cɛn maa ni pi siɛre jo ani be ɲiɛn funnana kan pe ma baa wa ta kan wo ma lee. ⁹ Wi daa jiɔre piye ni wo niye na pe funyen jiye da dɛgu bari kala ¹⁰ tiɔruna loo,ɲan na yɛ ma ciye kolocolɔ wo na na kaan can kalpiye man di wo tiye ni wi yɛrɛ wu ki piye lee. ¹¹ nga kafɔl Yesu nugɔru wolona wo muunni ma siɔgɔ ta ni bel ni. ¹³ Baa pe kuɔ siɛri na lee,a Zaki yiri na pe piye wo yɛ nurɔ n'ma,ceboreli. ¹⁴ Smon ma pe piye cogo wi kolocolɔ ma fundɛrɛgɛ ta wona na woli dinyɛ funɔngɔn na miɛn ta wona, ¹⁵ a lona ɲiɛn sududun siɛri, ¹⁶ ko kadogo ma nna Daouda pwog yirige ba wutun lee ani tiɛg gi ki kaagi na wu yɛgɛ ani be wu yirige yeri. ¹⁷ janko siɛn be Zan si kafɔl mugɔli ani n'miɛn ni yeri pe nigɛn na kafɔli ma to keregel piye le wo wi jo , ¹⁸ ani wo cɛn wi kuɔli lee. ¹⁹ lona ma jo yɛ gaa tɔru sinadɛgɛ pi ma vɔl kolocolɔ ma. ²⁰ Nga wo si pi piyo pi si ciye ya di ti niɔn,kaciɛngɛnni ani ya tɔrukuu kar daa gaw ni sisian. ²¹ Sabu siɛn bel ki tori wu yiyɛ ma,Mujsa be siɛn bel piye pi si ki kal ɲiɛn gwokg ma can tiɔ. ²⁴ Wo ma ti logo ni siɛn bel ma pana ye ma na ba yɛ fun wrige ni pi siɛrɛni,nga wo bɛin pe tun yɛ. ²⁵ wo ma waa ɲɛ na siɛn bel woli pe si piye yɛ yiɛwoli wo si pe tun ni Baranabasi ni Poli ni yɛ ma. ²⁶ Po siɛn ma waa funnana kan kafɔl Yesu Krista miɛn na. ²⁷ wo ma Jude ni Silasi tun yɛ ma pi ba ti ni jang jo yɛ ma. ²⁸ Wa ɲiɔn ɲiɛn funnana ma ani wo ma wo ya tugɔrɔ wa can yɛ ma di ti wa li jɛngɛn lee. ²⁹ yɛ bel yɛl be ciye sarika kare,yatɔre kuu ani yare di ti wani kolocolɔ wo lee. ³¹ Ba pi ki kal kuɔle a cebore fun tɛni ba pe na pe fang gwogɔ. ³² Jude ni Silasi pi be piye ɲiɛn sududun ni fang gwogɔ ni siɛre niɛnnɛni. ³³ ani paa lɛlɛ ciɛri piye ni pe ni na kokɛri. ³⁴ A Silasi ma ki ɲɛ wi gori, ³⁵ a Poli ni baranabasi kore Antiyɔsi na ni ni kal kan, na ni kafɔl siɛre yu. ³⁶ A cɛn yaa tori a Poli,Baranabasi piyo wo si kogɛri kul bel funɔnna wo ma siɛre jo lee wo si pe weli mɛin yaa. ³⁸ A Poli jo niyɛliyɛ wu si kare ni wo ni sabu wa ciye falu na. Poli ma Silasi la ma si li tiyɛ cebore na kafɔl miɛn na, ⁴¹ a wu si siri ni Silisi eglizi fang gwogɔ.