¹ Lo na mu, mu poru, numarale wa na taam piye Yezu Krista na. ² A ni di logo wol na serɛ nɛnɛ ɲena, tikan naam pe dari ni gronle bel pe ya ba ya ti yɛ jo bel ni yɛma. ³ Kan nini, ma jo Yezu Krista kasikucon wi. ⁴ Wi wa kasiku wi wi wa ya duru yan kere na, wa wa ni gɔn be vɔl wi wi ye wu yɛn ma wo fagale. ⁵ Ani tafɛfɛ ya jo lɔrota wa be numarale mata tafari kere na yɛ. ⁶ Tefɔl lɔ ma ya be fuɲi si na yɛl ni yaliri lani. ⁷ Ni cɛn li jole , makita kafɔ ya sigib kan yaga tona. ⁸ Sɔngɔn ma ta Yezu Krista na wi yili Daouda ɲabie, kulo yirige Kolocɔliɔ sɛrɛ ma. ⁹ Lo ka na mu dɔrɔ fɔ ma si wa bɔ ma jo ni kapi bio ce Kolocɔliɔ sɛrɛ taru bu yɛ. ¹⁰ Loru kalana mu fɔl tumu ma bele Kolocɔliɔ sɔrɔ wol le, sɔngɔn porumu si ja dazion Yezu Krista na, ni lurɔ di ti bɔyɛ. ¹¹ Dere ye sɛrɛ: wa gu ni wi ni wo mun ya yiri ni wi ni mun. ¹² Wa ga wagale ni wi ni wo mun ya si dɛnɛ ni wi ni, wo ga jie wuna wo mun ya jie wona. ¹³ Wo ga be siin, wo na siin ya ni, makita wo yɛrɛ ja jie wa na yɛ. ¹⁵ Futirege farula, ma kali Kolocɔliɔ ye ma, na vol be kasigi kere ya gi ki loyofɛl ku. ¹⁴ Nimarale wa naa ma ja ma yeri Kolocɔliɔ ye ma, ma jo nɔn wi wi ja wa na le, falpio wi wi fia yɛ, Kolocɔliɔ sɛrɛ jo ni kaɲi ni. ¹⁶ Ye sɛrɛ lalari ya ani nafan fu sere ya, makita bele pe litio na ni dari la latɔna ni Kolocɔliɔ kolo kagi, a ni pe sɛrɛ ya ni pe kali ma jo nɔnka ki. ¹⁷ Po sɛnɛ nigela mimene ani pileti ya. ¹⁸ A pe tie kaɲin na, na ni gɔn kuma yiri lɛlɛ ma nin ani bele fanni ma laga taam man. ¹⁹ Loni ni mun ni, Kolocɔliɔ ma yeri ɲon, ani toru serɛ ye wu ma kɔn ɲonlɔn, Kolocɔliɔ ma wi sɛnɛ tien a ni sɔn wo son ya Kolocɔliɔ mie yeri kapigel ma liili wu na. ²⁰ Pobɔ na sanu kuduri ani waru yɛ wo ya, tari kadielege ya mun, bele ye mugɔri kuduri a bele ye ɲugɔ fu. ²¹ Son wo son ga wa jo ɲon na fol toru sɛrɛ na, wi ya bie sanu kuduro, be gie ani be bie nafan wi yema wo ma ani be wa ya fol cɔn ma. ²² Fin ceraga kere yɛna ani ma dazin mɔgɔl, taagari, kɔ gan ni yɛgɛɲi mɔgɔl bele wo bel pe Kolocɔliɔ yiri ni fubil cenɛni. ²³ Nafan fu sɛrɛ pilke ya di na kayu jolo wale, ma ti cɛn timan ban ni kasigini. ²⁴ Makita Kolocɔliɔ falpio be ni kasigi no yɛ, wa yali be dinli son fɔni ani be ga kali pie fuɲi na. ²⁵ Wa yali be wi tun yɛ ɲin sii fuɲi na ti cɛ Kolocɔliɔ ya be kapiegel figi si ja nɛ kaɲin na. ²⁶ A ni pe si ban ɲon, pe yali li sutana kerege na gi pe yili pe linɛgɛ si zie Kolocɔliɔ koloko na.