Titi
=======
Lyélé
======= 3
12
À m'a twì Arətəmaasɛ ǹdə Tishiki n sono, bə gə túwə, sə bə làlà n jəl ne Nəkopoli ní, bə wɔ gàà à n'a yǎl a yə nέ a m'a dὲ wàrέ lyɔ.
13
cili Zənaasɛ n cèrhè nyə né náàcὲnέ mɔ ǹdə Apɔlɔsɛ sõ, mùnì kaka bək'a mùrì bì yé.
14
Nə cìcì Kristə lyì bí mə sə bə cèrhè tùm-ècànà, bə nə kɔn dὲbέ bə n'ê yàlá, nə tum rí bək'a yə nánfò yé.
15
Byὲbέ bə ŋwέnέ ǹdə nəba mɔ gakó n'ê ce mó. Ce byὲbέ gakó bə só nəba bùlə né wẽ mó. Yi nəbán rέ b'a jòm á gakó yó wə.
1
Byili Kristə lyì bí ni bə bə shὲnέ cɔ w yé né cìnə, ǹdə lyì byὲbέ gakó bə zhe ŋwɔnɔ mɔ nyí ni. bə bə mə sə bə shὲnέ kɔn dὲbέ bə n'ê byili mú, sə bə twĩ tumə nyὲbέ nə càn dɛ gakó.
2
Cín-bi bə bə bə mə sə bə zɔm lò yil námməlwὲlέ, bə bək'á bú dwã yé, sə bə yə wu-bɔnɔ cìnə, bə wὲrhέ cὲnὲ dɛ gakó ǹdə lyì bí.
4
Sə Yi nə Zwennə mó byili n wu-bɔnɔ w bə n só nəba dέdέ, n vwǎrh nəba,
5
è də nə tùm-ècànà, ráá nə wɔ cángá yil yé, wɔ n gə zhe nɔnɔ-dǔr ndə nəba mɔ yil n tó Eshirhə dɛnnɛ n shàrh nə yə-bəlwàálέ nə nə lul ndə nyǔ nándùl.
6
Yi yẽ rə ywələ só nə yó w dέdέ nə zwennə Yezu Kristə jàn yilə,
7
mùnì n kwɛrhɛ nə yò, n pɛnέ y nánfò w wẽ mó ce, nə yě bə nə twər ŋwέnέ nyǔ mə t'a la zhɔ mɔ wẽ.
9
Bək'á ce n cìn nyə-pǎr mǎ, ǹdə búlə nambala ǹdə Muyiisi nyə nyəná shò kwã nέ mɔ wẽ yé.
10
Bə rə wɔ nánfò, rə bə kùr zhe yé. Lò gə nə n lwe Kristə lyì bí dwã nɛ, sə byili mu twər rədù ráá rəlyè, n gə yə cili, rəmyέ kwã, sə vùr mò.
11
Lwar bə lò mɔbɔ ń nə ń wὲrhέ rəmyέ nə ń twì yə-bəlɔlɔ, bə ń tum bə càn yé, ń dóó n'ô mɛ ń cìcì yó wə.