¹ N kə n wɔ bέ kədò; zhənà, à n'â ywəl ába, lyì bí byὲbέ bə ŋwέnέ nyɔnɔ mɔ ga t'â la cu ǹdə bə yírhə yə Yi-pyὲlὲ rέ ŋwɔnɔ w nɛ yé. ² Dwã nyədù kwã nέ, N zə Pyɛɛrɛ ǹdə Zhakɛ ǹdə Zhã, n mə jì pyɔ òdù yó bə dúdú. ³ N lyər bə yírhə né wə, jǐrh námpwè pɔrɔtata, kɔn y'à tə cɛ yó rə pwè ré yú ri yé. ⁴ Bə púrí Elyi ǹdə Muyiisi bə n'ê zɔm ǹdə mɔ. ⁵ Pyɛɛrɛ já n zɔm ǹdə Yezu n wɔ; "Rəbyi" kɔn mə bə nə mɛ nyɔnɔ, nə pu kwəərhe rətɔ, ǹmyέ òdù, Elyi òdù, nəmyɛ jí òdù. ⁶ Ń y'à ń yəl ń gə m'a zɔm nέ yé, bə ywẽ y'à zhe ńmyɛ ǹdə ń tó dwã bɛ dέdέ. ⁷ Èbɔ bə o zhì bə yó w ò ywəl mó pyi bi,bə nyὲὲ cəl rə shí ébɔ w rə zɔm rə wɔ; mɔbɔ já ń wɔ à ywələ-byǐ; cilinə m. ⁸ Bə zὲ bə la nyǔ, bə púrí wɔ bəmyέ ǹdə Yezu dúdú bə zhǐ. ⁹ Bə gə zhǐr bə n'ê swé pyɔ wá, Yezu zὲ n pə bɛ nyí n wɔ; á bək'á shὲnέ lòlò lwar tὲbέ á nɔ èta mɔ yé. kɔn la m'e yí nubyíní byǐ gə ká ń bwìrhì n zὲ n du cùùrì wẽ. ¹⁰ Bə cĩ zɔmὲ rέ bə wẽ, bə m'ê bwərh dwã bùrhù e du cùùrì wẽ mɔ kùrə. ¹¹ Ń kwã-lyì bí bwərh mò; Bə wɔ byè yil Muyiisi nyə né byilnə bé byili bə wɔ nyɔɔ sə Elyi jὲrὲ bə mɔ? ¹² N zὲ n wɔ bɛ; Elyi mà n tó yé n bə n kwɛrhɛ kɔn gakó. Sə è nə wɔ byè yil bə kɛ Yi zɔmὲ rέ wẽ, bə wɔ nyɔɔ sə bə nwὲnὲ numbyíní byǐ dέdέ bə fulsi mu? ¹³ À n'â ywəl ába, bə Elyi túwə, bə wὲrhέ mɔ ǹdə bə gə n'ê yǎl nέ ǹdə rə gə y'à kɛ nέ ń ɛhò kwã nέ. ¹⁴ Bə gə k'á yí Ń kwã-lyì bí dwã bέ sono, bə nə lyì-zhǎ bέ ǹdə Muyiisi nyə né byilne bé jàlà bə kəkέlέ bɛ, bə n'ê mà nyə-pǎr ǹdə dwã. ¹⁵ Lyì-zhǎ bέ gə nɔ Yezu, kɔn jàr bὲ, bə dùr bə bə n'ê ce mo. ¹⁶ N bwərh bè n wɔ; bəkɔn nyə-pǎr á n'á mà ǹdə dwã? ¹⁷ Lò mədù zhì lyì-zhǎ bέ wẽ, n wɔ; Yó-cəbal, zə à byǐ mú a bə ǹ sono. nə-cílí zhe mo, e ce ń kə ń wàr ń nə ń zɔm yé. ¹⁸ È gə kwè má má, è y'ǎ ji mu tέ ń tətə-pùnú du, ń nə ń dɔm ń yələ dwã nɛ, n cì sámm. à lwəl ǹ kwã lyì bí ni bə bə jǐ y, sə bə yὲ y ŋwὲnέ bə jì yé. Yezu zὲ n wɔ bɛ; ámyὲέ lũ w kɔbɔ lyì bí yə Yi ni zhí yé. ¹⁹ À gwẽ m'a yənέ ǹdə ába kɔn m'é yí dǒ? à m'à pyέnέ a yənέ ǹd'ába kɔn m'e yi dǒ? Zəna bəsɔbwὲlέ y á m'á bə nyɔnɔ. ²⁰ Bə zə bəsɔbwὲlέ y bə bà. Nə-cílí y gə nɔ mɔ, e j'á vúvǔ bəsɔbwὲlέ e ji tέ è n'ê byíbyílí, è tətar-pũnũ w n'ô dwi. ²¹ Yezu bwərh ń da mɔ n wɔ; dǒ yi ní kɔn ju kùr è zhe mo? N lyar mɔ, ń bəsɔnέ yi ni ga. ²² Dədὲέnɛ, nəcìlí y'a kwè mò e ji myǐn wə,è kwè mó e ji nὲέ wa, è n'ê yǎl e zhìlì ń yò. Sɛ nəba, ń dǔr nə nɔnɔ ²³ Yezu wɔ mɔ; kɔn wɔ nàná ǹdə lò mɔbɔ ǹ bùlə zhí ni. ²⁴ Da mɔ,j'á n cǎrh n wɔ; à n'á zwẽ nyí , zwen ne à wu-kùlù w wẽ. ²⁵ Yezu gə nɔ lyì-zhǎ bέ bə bànà, n bú nə-cílí n wɔ; ǹmyέ wɔ nə-cílí kὲbέ ǹ nə ǹ shĩ zhã e j'à è n'ê dɛ lò nyí, à n'â pɛ mɔ nyí bə ǹ du ń yẽ mo. ²⁶ E zὲ e du, è m'ê càrhá e vɔvwa mɔ ǹdə jàn nánfɔlɔ. ²⁷ Yesu sə ń jὲ nὲ n ce n zhì dὲέ. ²⁸ Yezu gə zù jùwə, ń kwã-lyì bí bwərh mo ǹdə bə wɔ bə dúdú; wɔ byè yil nə yə ŋwὲnέ nə jì nə-cílí yə? ²⁹ N wɔ bɛ; kὲbέ dwí rí wàr è dwi, ǹdə è də Yi-co yé. ³⁰ Bə zhǐr gàà, bə tó Gəlilee bə lyẽ,ń yà ń tá ń yǎl bə bə lwar yé ³¹ . Ń yà ń nə ń cèrhè ń kwã-lyì bí, ń wɔ bɛ: numbyíní byǐ la zwini w zú. bə m'à zə mɔ bə gu, bə ce mo, sə dwã nətɔ kwã ń mà n ká n bwirhi. ³² Ń kwã-lyì bí y'à bə zɔmὲ rέ kùr nyὲέ yé, bə j'à kwàl sə bə bwərh mò yé. ³³ Bə gə yú kapərnaɔm, bə zù jùwə, Yezu bwərh bè; wɔ bəkɔn nyə-pǎr á y'ǎ n'á mà sɔmá y yó mó? ³⁴ Sə bə j'á zhĩ bə nyə, bə wɔ bwərh bə y'à n'ê bwərh dwã bə la m'e lwar mɔ ń mà n yə bə yé né. ³⁵ N zὲ n jòm tὲ, n byè ń kwã-lyì bí shí ǹdə bəlyè yə, n wɔ bέ; lò gə nə ń yǎl n yə nã-yéé, sə n yə nánkwãã á gakó wẽ. ³⁶ N zὲ n kwè bəsɔbwὲlέ námpɔlέ, n ce e zhì bə gakó cəcəl wə, n wɔ bɛ; Lò mɔbɔ ń zwẽ bəsɔbwὲlέ y èmyέ èdù zhəəle, wɔ àmyέ cìcì mú ǹ zwẽ. ³⁷ sə lò mɔbɔ ǹ zwẽ àmyέ, è də àmyέ dúdú ǹ zwẽ yé, wɔ ǹdə lò mó mɔbɔ ń twĩ nì mú. ³⁸ Zhã zὲ n wɔ mɔ; Yó-cəl, nə nɔ lò mədù ń nə ń jì nə-cúúlí ǹdə ǹmyέ yil ré, sə nə cər ń yé ne, ń gə tə ǹ kwã nέ mɔ yilə. ³⁹ Yezu lyár bɛ n wɔ; á bək'á cər mò yé; lò tὲnέ ń la màmaarhέ wɔrhɔ ǹdə àmyέ yil ré, n zὲ ń nə ń bwí ǹdə nɛ yé. ⁴⁰ Lò mɔbɔ ń tã ń pyà nə yò zhùlù, wɔ nəmyέ lò. ⁴¹ Lò mɔbɔ ń pɔ ába nὲέ kǎ-zɔm á nyɔ, àmyέ yilə, b'ǎ wɔ àmyέ lyì, à n'â ywəl ába zhən zhənà, rəná-cí mà n nə kwὲέdɛ. ⁴² Lò gə jìrh bəsɔbwὲlέ kὲbέ èdù n ji lwɛlɛ wẽ, kɔn y'à cɔ ńmyὲέ yilə, sə bə lyẽ nəmú byǐ ń byã nέ bə ji mu nə-fɔlɔ w wẽ. ⁴³ Ǹ jὲ gə la mɔ lwɛlɛ wẽ co, sə gõ ya. bə kɔn mà yə cὲnὲ ǹmyέ yilə sə nə nyǔ ǹdə jὲ èdù. ⁴⁴ Cɔ ǹ la zù myǐn mə t'â cì wẽ ǹdə jὲrh səlyè. ⁴⁵ Ǹ nà gə la ce ń twĩ lwɛlɛ, sə gõ y ń dwì, è càn ǹmyέ yil sə zù nyǔ wẽ ǹdə nà èdù. ⁴⁶ Cɔ ǹ zhe nèrh səlyè ń mə zù myǐn mə t'â cì wẽ. ⁴⁷ Ǹ yírh gə la ce ń twì lwɛlɛ, sə jàrh ń dwì, kɔn càn ǹmyέ yil sə zù nyǔ wẽ ǹdə yírh rədù, sə zə yírhə nəlyè ń mə zù wẽ. ⁴⁸ jàà kɛbέ zəzɔmέ nə t'â cì gaga, ǹdə myǐn mə t'â cì gaga wẽ. ⁴⁹ Bə m'à zə myǐn bə dwẽ lò gakó. ⁵⁰ Nəkwə wɔ kɔn dὲbέ rə càn, s'è gə tárh, wɔ bəkɔn wẽ è k'ê nyὲ nέ? Zəna nəkwə á cìcì wẽ, s'á jòm ǹdə dwã ǹdə yə-zùlə.