¹ dwã nέ nəmyέ wẽ, lyì nánzhəzhɔ k'ê bə bə mù dwã, bə y'à bə kùjú zhe bə la jú yé. ² Yezu byẽ ń kwã lyì bí n wɔ bέ; Lyì-zhǎ bέ nɔnɔ zhe ne, bə gə ŋwέnέ à nyí ni mú zhe dwã nətɔ zà, e jà bə bə kaka zhe bə la jú yé. ³ Sə à gə k'â ce kwὲ ǹdə bə nɔrh bə bə zhəl jè, bə jàn b'à gə sɔmá yó, bə jàlà jààsέ j'à nyɛ. ⁴ Ń kw lyì bí lyá mɔ bə wɔ; yẽ nə nə m'ǎ nə búrú ni, nə pə bɛ bə dɔ bə sú, gɔ-elũ-èpòlò w kɔbɔ wẽ? ⁵ Yezu bwərh bè; á nə zhe búúri màngala? bə wɔ mɔ: tàlpyὲ. ⁶ N ce lyì lyí jòm tέ, n zwẽ búúrí tàlpyὲ y n ce Yi nəbáná, n zὲ n kə kə rɛ dwã w n pə ń kwã lyì bí ni bə bə zwẽ, bə m'e tə lyì bí. bə zwẽ re bə m'e tə lyì-zhǎ bɛ gakó. ⁷ Bə y'à zhe émɔ-bwǎlsɛ màngɛlέ myɛ. Yezu co Yi nəbán səmyɛ yilə, n ce bə zə sɛ bə m'e tə lyì bí. ⁸ Bə jí bə sú, bə pwà rə yəywaalέ rə dal mɔ bə sú jǐrh ni nyàlpyὲ. ⁹ E jà bə gakó y'a yú ǹdə lyì mɔɔrhὲ rəna ta. rəmyέ kwã Yezu ce bə kwὲ. ¹⁰ Rəmyɛ kwã cìcì Yezu ǹdə ń kwã lyì bí já zhízhílí bə zù bǔ-bwəl re w bə k'â la Dəlmənutə tənà y wa. ¹¹ Farɛzhέὲbá shí tέ bə zὲ bə n'ê mà nyə-pǎr ǹdə Yezu. bə la m'e dwẽ mo, bə lwəl mò bə ń wὲrhέ màmyɔ ò shí dὲέ yi w bə nyìwé. ¹² Yezu shǐrh fwàà n ló ń wẽ, n wɔ: byè yil lũ w kɔbɔ lyì bí n'ê yǎl b'à wὲrhέ mamyɔ? zhən zhən à n'â ywəl ába, lũ w kɔbɔ lyì bí t'â la màmyɔ nɔ yé. ¹³ N zhǐr n yẽ be n zù bǔ-bwəl ré n byɛrhɛ n vò bù-cùù w dõ mo ne. ¹⁴ Ń kwã lyì bí y'à swě bə yə búúri zal yé, búrú òdù sásbəby'à m'e zù bǔ-bwəl ré wə. ¹⁵ Yezu pə bɛ nyí n wɔ; dὲnna á cìn ǹdə Farɛzhɛɛbá sàn-nəbyẽ né, ǹdə Erɔɔdɛ myɛ sàn-nəbyẽ né. ¹⁶ Ń kwã lyì bí zὲ bə n'ê zɔm ǹdə dwã bə zhe; È nə zὲ è nə wɔ nəmyὲέ gə yə búúri zal mɔ è ce ń nə ń zɔm èta? ¹⁷ Yezu lwar kɔn dὲbέ bə bə n'ê zɔma nzὲ n wɔ bɛ: byè yil á n'á zɔm ámyὲέ gə yə búúri zal nə mɔ zɔmà? á gwẽ yəl nə kùrə? á bə nəkùrə myɛ nyὲέ? á wun kùl dέdέ èta? ¹⁸ Á zhe yírhə nə j'à bə kaka nɛ? á zhe zhã nəmyɛ j'à bə kaka nyὲέ? á t'á lyǐrh myɛ? ¹⁹ À gə kɔ kɔ búúrí rənu y a m' tə lyì mɔɔrhὲ rənu w mú,á pwà yə yə ywaalέ rə sú cǐrhni màngala?Bə lyár bə wɔ:shí ǹdə nəlyè, ²⁰ Sə à nə gə kɔ kɔ búúrí rəna y dwã w a m'a tə lyì mɔɔrhέ rəna y mɔ, à pwà yəywaalέ rə sú cǐrhni màngala? ²¹ Bə lyár mɔ bə: tàlpyɛ.N zɛ n wɔ bɛ: A nə gwẽ bə kaka kùr nyɛ? ²² Bə zhǐr bə vò Bətəsəyidi bə zə lyəlyǒ òdù bə m'e bə Yezu sono, bə lwəl mò bə ń dwərh wə. ²³ N lyì-lyǒ w jὲ n mə n vò cɔ w vɔ nὲ, n zə ń tətàr n fwàl n mə n fwàl ń yírhə né ne, n zὲ n cĩ jὲrh ń yó, n bwərh mò ǹdə ń gə nə kɔna. ²⁴ N nyǐ n wɔ; à yírhə nə lyì bí, sə bə nyὲέ ǹdə cèmé ta, bə j'à n'ê zhələ. ²⁵ Yezu kə n cĩ jὲ ń yírhə né yó, sə lyəlyǒ gə nyǐ mu shέshέ, n já n wárh, ń nə kɔn gakó pamparɛɛ. ²⁶ Rəmyέ yó Yezu ká n kwὲ mɔ, bə ń zhəl jè, sə ń bəká n zù cɔ w wẽ yé. ²⁷ Yezu ǹdə ń kwã lyì bí lyɛ bə la Səzare, Shilipu cɛmɛ nέ wẽ. N bwərh be bwərhə sɔmá y yó n wɔ; lyì bí n'ê bùl b'àmyέ wɔ mɔ? ²⁸ Bə lyár mɔ bə wɔ; Zhã-batiisi, bə dwã myɛ wɔ, bə wɔ Élyi, bə jàlà wɔ, wɔ Yi-nyì zwẽnnə mədù. ²⁹ N bwərh be n wɔ; s'ámyὲ n'á bùl b'à wɔ mɔ? Pyɛɛrɛ lyár mɔ n wɔ; "Ǹ wɔ Kristə". ³⁰ N p bɛ nyí bə bək'á zɔm yò w òmyέ lò nyὲὲ yé. ³¹ Rəmyέ yó ń ju kùr ń nə ń byili bi, bə numbyíní mà n nwὲnὲ dέdέ, dwã-gùlú w yé né cìnə, ǹdə vwì-zwəlnə bé náncɛsέ, e súlí Muyiisi nyə né byilnə bé b'a zhὲ mɔ, bə mɔ bə gu, sə ń mà n ká n bwìrhì dwã nətɔ yùwə ³² . Ń yà ń nə ń byili ywẽ nəmyέ pamparɛɛ. Pyɛɛrɛ zə mɔ n mə n vò kwã nέ, ń nə ń ji mu búlə. ³³ Yezu zhízhílí ń yé n zǎ ń kwã lyì bí ń mə ń nyǐ bi, n ji Pyɛɛrɛ búlə n wɔ mɔ; kwὲ à kwã nέ Shətana, ǹ tá ǹ bù Yi nyὲnέ yé, wɔ numbyínsi tɔrɔ n zhe. ³⁴ N byẽ lyì-zhǎ bɛ ǹdə ń kwã lyì bí n wɔ bέ; lò mɔbɔ ǹ nə ǹ yǎl ń tó àmyέ nɛ, sə zhὲ ǹ cìnə, ń zhĩ ǹ də-jɔrhɔ w n mə tó à kùrə. ³⁵ Lò mɔbɔ ǹ nə ǹ yǎl shili ǹ myəl ré, rə m'a sá, sə lò mɔbɔ ǹ shὲnέ ǹ myəl ré jər àmyέ ǹdə yò-ècɔnɔ nyí rí yilə ǹ m'ǎ k'á nə rɛ. ³⁶ Numbyíni gə nɔ lũ w kɔn gakó, ń j'ǎ dwĩ ǹ cìnə, ǹ nərέ y zhe kùrə? ³⁷ Wɔ bəkɔn numbyíní wɔ è m'à pə e m'e lyər è myəl ré? ³⁸ Numbyíní kὲbέ gakó è gə dùr àmyέ ǹdə à zɔmà nέ cə-zhìl zàzà lũ w kɔbɔ nəfwəəlé ǹdə ò yə-bəlwàálέ cìnə bé cəcəl wə. Numbyíní byǐ gə ká ń bàn ń da zùwə y wẽ, ǹdə ń màlέkabá náàcὲnà bέ yini, ńmyɛ ma n dùr cə-zhìl ǹdə ǹmyɛ.