¹ Farɛzhɛɛbá ǹdə Muyiisi nyə né byilnə bé jàlà shí Zhərəzàlɛmɛ bəbə dwã yó Yezu sono. ⁴ Bə nə ń kwã-lyì bí jàlà ǹdə n'ê jí kùjú ǹdə bə yə jὲsέ sàm yé. ³ Farɛzhɛɛbá ǹdə Zhwǐfubá y'à t'â jí kùjú ǹdə bə yə jὲrὲ bə sə bə jὲsέ ǹdə bə da-bá lùl-epúrí y gə n'ê byili ní yé. ² Bə gə shí lyì-zhǎ w bə túwə, bə n'ê jὲrὲ bə zhέrhέ nὲέ bə yó w ǹdə bə gə myὲrhὲ nέ. ⁵ Farɛzhɛɛbá ǹdə Muyiisi nyə né byilnə bé zὲ bə bwərh Yezu bə wɔ; wɔ byè yil ǹ kwã lyì bí t'â zwẽ lùl-epúrí y nyə né? bə t'â sàm bə jὲsέ bə m'ê jí kùjú ǹdə bə lù-epúrí y nyə né gə n'ê byili ní? ⁶ Yezu zὲ n wɔ bέ; á wɔ myìnù cìnə, kɔn dὲbέ Yi nyì-zwennə Esayi zɔm á shò-kwã nέ mɔ wɔ zhənà. Ń yò wə; lyì bí byὲbέ èta mɔ wɔ nyú w dúdú bə cèrhé mo né sə bə wun ní nyɛ ǹdə nɛ. ⁷ Wɔ bə nyə né dúdú wẽ bə n'ê cèrhé ne né, bə còrhó j'à bə kùr zhe yé. Tὲbέ bə n'ê cèrhè lyì bí ni mú,wɔ numbyinsi nyə. ⁸ Ámyὲέ y'ẽ Yi nyə ne, á zὲ á n'á tó numbyinsi nyə. ⁹ N kə wɔ; á n'á yẽ Yi nyə né ne, á zὲ á n'á tó á səpwà lul-epúrí y nyə né ne. ¹⁰ Muyiisi yò wə; nyám ǹ da ǹdə ǹ ná, n súlí n wɔ; lò gə bwəl lwɛlɛ n pə ń da ráá ń ná nɛ, bə mə sə bə gu mu. ¹¹ Sə ámyὲέ n'á ywələ; lò gə yò ń da ráá ń na nɛ, à zhe kɔn à n'â yǎl a pɔ, sə wɔ Yi ni a la rɛ pɔ. ¹² Á k'á t'á ywẽ lò mó sɛ ń da ráá ń ná nɛ yé. ¹³ Á tə á lùl- epúrí y èta mɔ yil á ce Yi zɔmὲ rέ jǐrh kɔn nánfò. Á n'á wὲrhέ wẽ dwã nánzhəzhɔ rəmyɛ wɔ èta. ¹⁴ Yezu zὲ n byẽ lyì-zhǎ bέ bə bə ń sono, n zὲ n wɔ bɛ; á gakó cilinə s'á lwar: È də kɔn dὲbέ rə n'ê zwì numbyini y wẽ mó rə n'ê pɛ y jìndì yé. ¹⁵ Wɔ tὲbέ rə n'ê shí numbyili y wẽ rə du è nyú w mú, rə n'ê pɛ y jìmdì. ¹⁶ Lò gə zhe zhǎ ǹ la culu, sə cili. ¹⁷ Ń gə tú n yí kὲlέ w n yẽ lyì-zhǎ bέ nɛ, ń kwã lyì bí zὲ bə yí ń nyí ni bə n'ê bwərh səswalá kùrə. ¹⁸ N zὲ n wɔ bɛ; á surhə né gwẽ yə pul nà? á yəl b'è də kɔn dὲbέ rə n'ê shí pwẽn nè rə zwì numbyíní y wẽ mó rə n'ê pɛ y jìmdì nà? ¹⁹ bə rəmyέ t'â zwì wu w wẽ, wɔ sùlú wẽ rə n'ê zwì ní rə tárh rə zù yala nέ wa. ²⁰ Ń kə n wɔ; wɔ tὲbέ rə n'ê shí numbyí wẽ rə dwi mú rə n'ê pɛ y jìmdì. ²¹ Lwarna bə wɔ numbyíní wu w wẽ bùlə náməlwàálsɛ dwí gakó n'ê shí ni. Fwəl tumə, yàà yàà tùntwəə, ǹdə lyì-guuri n'ê shí ní. ²² ŋwɔlɛ, dõ kɔn yǎl, wu-kùlù, myùnù, wàr-cìn-ǹ-pyέnέ tùntwəə, nyǔ námməlwὲlέ, dwã zhɔ, cìn-dὲέ-zhõ, ǹdə nyənyààrɛ tumə. ²³ Tumə né námməlwǎlsέ səmyέ gakó n'ê shí numbyini y wẽ rə pɛ y jìmdì. ²⁴ Yezu zhǐr gàà n lyẽ ń la Tiiri ǹdə Sədɔm tənèsé wa. N yí n zù kὲlέ èdù wẽ, ń yà ń tá ń yǎl sə lò lwar ń nyí ni gàà yé, sə yə ŋwὲnέ n shèè yé. ²⁵ Kɛ mədù nəcílí y'a zhe ń bəkɔ nyὲὲ bə n'ê zɔm Yezu yò, n zὲ n bə ń sono, n tu ń nədwənə yó, n wùlì ń yé né. ²⁶ kɛ mɔ ńmyɛ yà ń wɔ gərɛkɛ, Siri tənà y lyì kɛ. N lwəl Yezu bə ń jǐ nəcílí y e du ń bəkɔ mɔ wẽ. ²⁷ Yezu zὲ n wɔ mɔ; yẽ bəsɔná bέ jὲrὲ bə jí bə sú. Kɔn bə mə mǎ bə bə kwě bəsɔná kùjú w bə pə kùlbwálsɛ nɛ yé. ²⁸ Kɛ mɔ lyár mɔ n wɔ; rəmyέ wɔ zhən yó-cəbal, sə kùlbwálsέ myɛ y'à jí kùjú yəywaalɛ rə n'ê lwé tέ bəsɔná bέ kùr w mó. ²⁹ N wɔ kɛ mɔ nɛ, ǹ gə zhí ni mú ce, zhəl bə nəcílí y du ǹ bəkɔ mɔ wẽ e ywẽ mo. ³⁰ Ń gə yú jè, n pwírí ń bəkɔ mɔ pyě pyònò wẽ, bə nəcílí y du e yẽ mo. ³¹ Yezu zhǐr Tiiri tənà y w ń ká n vò Sədɔm, Galilee mwəə y vɔ nὲ, n lyẽ n tó Dəkapole cɔ w wa. ³² Bə zə səbɔrhɔ òdù bə bə ń sõ ò wàr ò n'ô zɔm yé. Bə zὲ bə lwəl mò bə ń cĩ jὲrh ò yó ³⁵ Yezu zə mɔ n kɔl n vò kwã nɛ, n yẽ lyì-zhǎ bέ nɛ, n zὲ n ce ń jəfɔlέ ò zhã nɛ wa, n zə ń tətàr n mə n dwərh ò məjòlò wə. ³⁴ N zὲ n nyǐ dὲέ, n shǐrh fwàà. n wɔ; "Efɔrata" rə kùr wɔ, púr ǹ cìnə. ³³ Rəmyέ yó cìcì, ń zhã nɛ j'a púr, ń məjòlò w bwèlé n zὲ ń nə ń zɔm wárhέ wárhέ, ³⁶ Yezu zὲ n wɔ bɛ; á bək'á zɔm ǹdə lòlò yé. Ń gə bwəl be nyí gakó, bə ŋwὲnέ bə pyέnέ yé, bə y'a bwəl w bə byili lyì bí gakó ne. ³⁷ Kɔn jàr lyì bí gakó, bə zὲ bə n'ê ywələ; Ń tumə né gakó càn, ń nə ń ce səbwàarhὲ zhã nyὲὲ,nyì-bədããrɛ ŋwὲnέ rə n'ê zɔmà.