¹ Bə tú bə n'ê bwəlse Zhəruzalɛm, Bətəfaazɛ ǹdə Bətani nyí ni, olyívyəəré pyɔ səta yó né ² , Yezu zɛ n twĩ ń kwã-lyì bí bəlyè, n wɔ bɛ : zhəl-na ɔc w ò ŋwέnέ à yé né wə ; à gə tú à n'á zwì ò wẽ ; à b'ǎ nə bənə nyὲ è lyẽ tɛ, lòlò gwẽ yə ń kùr è yó cĩ yé ; s'a lwər y á m'à bà ³ . Lò gə bwərh àba n wɔ : bəkɔn à n'á wὲrhέ èta mɔ? s'a lyár mɔ á wɔ : cǐn-nə mó zhe è tum. Rəmyέ cìcì ń mà n yẽ à zə y á bə nyɔnɔ ⁴ Ń kwã-lyì bí gə zhələ, bə yí bə nə bənə nyὲ y è lyẽ tɛ pwèn nè bwərə èdù nyí ni sɔmá vɔ nɛ, bə lwər yə. ⁵ Lyì bí byὲbέ bə y'à zhǐ gàà mɔ jàlà zɛ bə bwərh be bə wɔ : etər á n'á wὲrhέ nέ ; bəkɔn yil á n'á lwer bənə nyέ nyὲ yá ? ⁶ bə lyár bɛ ǹdə Yezu gə byili ní, bə ye be bə vò ⁷ Bə zə bənə nyὲ y bə bə pə Yezu ni, bə zɛ bə lὲlὲ bə gàndɛ è yó Yezu jòm. ⁸ Lyì jàlà lὲlὲ bə gàndέ tɛ sɔmá yó, bə dwã kà cèmé vɔr bə lὲlὲ è yó. ⁹ Byὲbέ bə y'à ŋwέnέ Yezu yé né ǹdə ń kwã nέ mɔ ga zɛ bə n'ê kǎrh bə zhe : Ozana, bə mɔbɔ ń bàn Cǐn-mó yil ré yil mó nə còrhó. ¹⁰ nə Da, Davyidi, dɛ pyɛlὲ rέ, pyὲlὲ rέ tὲbέ rə bàn mɔ nə còrhó, Ozana, dɛ Arəzana wa ¹² Yezu yí Zhəruzalɛm n zù Yi jì wa, nyǐ kɔn gakó n'ê wὲrhέ nέ è we, rəmyέ yó ǹdə cɛ y yìì, n lyɛ n vò Bətani ńmyɛ ǹdə ń kwã-lyì bí shí-ǹdə bəlye ye ¹¹ . È cɛ zɛ nəkɔkɔlέ yá, ń du Bətani ní kwâ nέ nɔrh zɛ mə zhe mo. ¹³ Yezu zɛ ńla nyǔ n pwírí cǒ òdù ò y'à zhe vɔr, ò wɔ yéné yéné, n vò n yí ò nyí ni, n nyǐ n pwírí wɔ vɔr dúdú rə wɔ ò yó, bə è y'à də cṍ òmyέ byǎ co yi yé. ¹⁴ Yezu zɛ n zɔmǹdə cǒ n wɔ : lwar bə numbyíní dwí-byǐ k'ê t'â la ǹ byǐ è nyú w co gaga yé, sə ń kwã-lyì bí nyὲὲ ń gə zɔm nέ. ¹⁵ Bə yí zhəruzalɛm, Yezu zù Yi jì y wə, n zɛ ń nə ń jì dɔl-na bέ ǹdə wò-yər-nə bé Yi jì y wə, ń nə ń yìrh wársɛ lyər ǹdə byὲbέ bə n'ê yè épwěnsé mo wẽ ré ń lwé tɛ ¹⁶ , ń yə lò mədù ga yẽ n zə ku òdù ga n du yé ¹⁷ N zɛ ń nə ń cèrhè Yi zɔmὲ rέ ń zhe : bə yə kɛ Yi zɔmὲ rέ sέbέ rέ wẽ bə wɔ nà : bə b'a byẽ à jì y bə Yi-co jì , lyì dwí gakó yil nà ? ámyɛ zɛ á zə y á m'á wὲrhέ ŋwɔlà jàà. ¹⁸ Rəmyέ yó vwĩ-zwəl-nə bé yé né cìnə bé ǹdə Yi nyə né byil-nə bé gə nyὲὲ ń zɔmà nέ, bə zɛ bə n'ê pyà bə gə m'a tó né bə gu mu; bə bə y'à kwàl m yé, bə Yi zɔmὲ rέ ń yà ń nə cèrhè mó y'à dwèrh lyì-zhǎ bέ gakó. ¹⁹ Dədὲnέ y yi gə tú e yí, Yezu zɛ n du cə-fɔlɔ wcɔ wa ²⁰ E zɛ nəkɔkɔlέ yá, ń kwã-lyì bí bə bə n'ê lyɛ bə pwírí cǒ w gakó cù o zhí ò nèsé ne. ²¹ Pyɛɛrɛ zɛ n lyǐrh kɔn dὲbέ Yezu yà ń zɔm mɔ, n wɔ Yezu ni : Yó-cəbal, nyǐ cǒ ǹ yà ǹ bwəl ń pə w mɔ ò cù o kù ²² Rəmyέ yó Yezu zɛ ń nə ń zɔm ǹdə bɛ ń zhe : zhí-na Yi ni. n súlí ń zhe : ²³ zhənà, à n'â wəl àba, lò ń wò pyɔ w kɔbɔ nɛ bə ò zhǐr ò gàà w o vò o tu nə-fɔlɔ w wa, ń tá ń ce tətɔna, ń nə ń zwẽ nyí bə dὲbέ ń zɔm mɔ b'a yí, ń mà n nə rɛ rə pyìrh ²⁴ Wɔ rəmyέ è ce à n'â wəl ába, kɔn dὲbέ gakó á n'á lwəl á Yi-co wẽ, zwẽ nyí b'ǎ nɔ rɛ, èta á b'ǎ nə rɛ rə pyìrh. ²⁵ Á gə zɛ á zhǐ dɛ á n'á ce yi, á pwírí ámyɛ ǹdə lò zhe zɔmὲ, pəna sǔbri, mùnì ga á Da mɔ ń ŋwέnέ ²⁶ Arəzana w mɔ pə ámyɛ sǔbri. Sə á gə t'á pɛ sǔbri, á Da mɔ ń ŋwέnέ aArəzana w mɔ tá ń la sǔbri àmyɛ nɛ pɔ yé ²⁷ Rəmyέ yó bə k'a vò Zhəruzalɛm, rəmyέ yó Yezu vò n zù Yi jì y wẽ ń nə ń byɛlέ, rəmyέ yi ní, vwĩ-zwəl-nə bé yé né cìnə bé ǹdə cɔ w náncɛsέ ǹdə Yi nyə né byil-nə bé yí ń nyí ni ²⁸ bə bwərh mo bə wɔ : yẽ ǹ sɔmá nέ ǹ mə ǹ wὲrhέ wẽ ré tὲbέ, mɔ ń pɔ mɔ sɔmá y èmyέ? ³⁰ Yezu zɛ n lyár bɛ n wɔ : àmyɛ la ába zɔmὲ bwərh ; sə á lyár nɛ , èta àmyɛ a byili ába à gə nɔ sɔmá məgǎ à m'ǎ wὲrhέ wẽ ré rəmyέ. Zhã nὲ-mɔlɔ y'à wɔ Yi sõ mə shí ráá numbyínsi sõ mə shí ní. ²⁹ Rəmyέ yó bə zɛ bə n'ê zɔm ǹdə dã bə zhe : nə gə lyár bə wɔ Yi sõ ; ń mà n wɔ : è nə wɔ byè yil á yə shὲnέ á zwẽ Zhã nyí, nə gə k'é lyár bə wɔ numbyínsi sõ, bə y'à n'ê dùr lyì-zhǎ bέ ywẽ, bə lyì bí gakó y'à n'ê bùl bə Zhã wɔ Yi nyì-zwennə zhən zhəna ³¹ Rəmyέ bə n'ê zɔm ǹdə dwã bə zhe : nə gə lyár bə wɔ Yi sõ, ń mà n wɔ : è nə wɔ byè yil á yə shὲnέ á shὲnέ á zwẽ Zhã nyí , ³² nə gə k'é lyár bə wɔ numbyínsi sõ, bə y'à n'ê dùr lyì-zhǎ bέ ywẽ, bə lyí gakó y'à n'ê bù bə wɔ Yi nyí-zwennə zhən zhəna. ³³ Rəmyέ yó bə zɛ lyár Yezu bə wɔ : nə yəl yé ; Yezu myɛ wɔ bɛ : àmyɛ t'â la ába à gə sɔmá nɔ à m'â wέὲrhέ wẽ ré tὲbέ yé.