¹ Fιnə ma tιsə-na, ma raal-na, ι ñankə Aci-rə, ntrə ka carʋ-m sə ma tasə mι wontə ma tənkə maaʋ na nʋ ta kin tɨam ,"ʋ wasʋ mιɔ na. ² " Ι kpa- mι tι nən wompa lakə təñɔŋ na.Ι kpa mι tι nən tan sartə təmər laɖa. ι kpa- mι tι nən wompa tιkʋ sə apial wa apaltə na. ³ N wa pial wa apaltə ka tʋfələm, wona-na wa sι Ashia na nə ra ha wɔrtə ka yesu Ashia ren-ɖə ra sʋkʋ ra hɔɔr sə ra rə wontə kristʋ Yesu lapa na, nə ra-rə ra hɔya ka ra tətrə ra ren-rə. ⁴ Nən sə, ι rιι hɔɔr ka nampar-rə. N nιr mɔsʋ sə ι wιn hɔɔr ka nιr, ι hiku sʋ kələn-mι. ⁵ A pial m'apaltə ka ayʋkʋn ləɖə nən nasɨnaʋtɨsɨ rɔna ma lin Israɛl yəmpa rə, pɛnsamɛ fakɔta ,Hepər ñι a ləlι Hepər na, wontə ka ki rιrtə na, ma ki farisə tι kəna. ⁶ Ι wal nʋ lin coci rə nə ι rə nə wa tənkʋ sartə yəntə ka rətər ⁷ .Ama wontə tən maa lakə wa na, ma hʋsə sartə yəntə nən kristʋ. ⁸ Ka nʋ kasə sə, wontə ma wι na-na n-ma ñəlʋ-tə fala, wontə rə na ma sən sə aci kristʋ Yesu. Nən ι wʋrtə ka na ma səm-ι nʋ kələn tə tən, N ñι rɔn-mnə ma yel tətən fιnə ma hiu kristʋ. ⁹ Nə nkɔhɔ ñι ma-nι ra la kʋɖəm, ma ra pιsə sə ma sʋ-ma tι sə rəyuyu ci sə ma ñɔŋ ι rertə. Ama ι sʋ-m sə rəyuyu tι wontə rəna ma tɨsɨ kristʋ-rə. ¹⁰ Wontə ma ci-tə na, nt'ɔlι sə, ma pιsa ma sən ι wontə mʋ yawʋ ka wona. ¹¹ Fιnə yər kɔn nə pəsən asəɖa taa. ¹² Ma ta kal-sə ma ta hiu tətən ñι ma citə na, nə ma tan rəyuyu. Ama ma wι ma carʋ-tə rə fιnə ma hiu kristʋ Yesu wι na-na. ¹³ Ma raal na, ma mɔsʋ sə ma n'tentə hiu. Ama wontə ma mɔsʋ na, nt-ɔlι sə m'Ashia wara yəntə nə ma carʋ yəsa ta yəntə rɔna. ¹⁴ Ma carʋ ma tι sə ma walʋ-n yəsa ta nən ma hiu yawɔ k'Ashia rιrtə sə ra mʋtə nʋ tənkən kristʋ Yesu rəna. ¹⁵ Ʋ mɔna sə, wona-na ra pɔl tə ta na, ra mɔsʋ səmpə.Nən mɔsəm ka trə, Ashia kʋŋ-sə yel nə ι sən wontə ci tʋfələm-na ¹⁶ . Awɔr-nɖə tən ra talʋ-na,ra carʋ sə ra walʋ-n yəsata tɔna nən tənkətə rə. ¹⁷ Ma raal-na, ι tasə ma-rə nə-ι tənkəm nən wa tasən ra wona-na ra walʋ-na. ¹⁸ Ma kalʋ-mι nʋ tənkʋn sə, nə ma wι ma wʋlʋ-mι nən wulɨm, sə yəra kpatrə wι wa lakə tasarəm yəntə nʋ tənkʋn kristʋ rə. ¹⁹ Wa waarə wkəra wontə na wa hilɨn kin w'Ashia nəwa wʋrtə wι kʋrmatə. wa mɔsʋ wontə wι tιtəntə rəna tə rəcel r ɔna. ²⁰ Ʋ yel ra-na, ra mʋsʋ ayʋkʋ-ŋkʋ ra hiku tiastə nɔna ka Yesu kristʋ kʋŋ-na. ²¹ Ι kʋ-sə ι kɔn n'ι pəsən ra tianən ka sartə, ka tianʋ ta nʋ ñələn ι mɔmɔ ι tianʋ ka-tə tən re.