¹ Ν tɔn tιɔ lɨnlɨn,Ashia sιra ñuŋ ci shəshia nən coci ta shəshiampa nən Moisə ñasətə wʋləɖa nən lɨan tasəra, wa tən wa kpolə. N wa hʋa Yesu ni, wa rι nι wa cəl'ι Pιlatə ni ta. ² Pιlatə wɔsə'ι sə,"N ci Siufə yəmpa wuro ya?" ι pəsən'ι sə,"ña kalʋ na tə." ³ Ashia latə lara ta shəshiampa ka wι wa kalʋ tasarəmə yəntə ka kpatər ka Yesu rə. ⁴ Pιlatə tasə ι wɔsʋ sə," N cɨsən ntər ya? N' na tansarəm ntɨantə kpatər ñι wa wι wa kalʋ n'rι na?" ⁵ Ama, Yesu ta tasə nι kal ntər ka Pιlatə,nən tə la-ι rəyaʋ. ⁶ N nɔɔn Pιlatə lakəwa nι yekə sarka ci kʋrəm ñι yəra shɔla s' ι yel-ι ka wa tɨnkar aləwatə ta na. ⁷ N nɔɔn yər nιr ka wι sarka t ɔ a ya'ι sə Parapasə,ñιn-ι rana ka wa kʋ yər ka yɨʋ lapə ta. ⁸ Yəra kpatər kɔn Pιlatə cal n wa pasə wa wɔsə'ι s'ι la wa wontə ι lakəwa nι lakə antaʋŋ na. ⁹ Pιlatə cisən wa nι kal sə,"ι cisə ma yel mι Siufə yəmpa wʋro ya?" ¹⁰ Wontə na ι sən sə yəsəsιmər rɔ na Ashia sιra ta shəshempa masə Yesu ka ι ni ta. ¹¹ Ama, Ashia sιra ta shəshempa ka sιsʋ yəra pkatər sə wa ko na yəl Parapasə kəna. ¹⁴ Pιlatə kalwa sə,"ι la wontɔ tə ta sar?" Ama wa wι kəlʋ koʋ ka ren ka tən sə," Kam-ι." ¹⁵ Pι latə ciwa sə la wontə yəra kpatər ci tə na, nι yel wa Parapasə. ι yel na ma Yesu ka kpara, nι cəl'ι s'akamι akantəmər rə. ¹⁶ Sucana wa nι tɔnɖə (ka sucana tι), n wa ya sucana akpaya ka ya tən. ¹⁷ Wa si Yesu ka tɨaku cəsιmʋ nə wa pamι wurtə piku ka wa lʋkʋ nən kpakpashea. ¹⁸ Wa pasə ι sιʋ nən wa kalʋ sə,"Ra sιnə, Siufə yəmpa Wuro." ¹⁹ Wa ma ι ñuŋ ta nən rawir, wa wʋsə ι rιɔ mantalem, wa ninkə wa rəkpa rə ka ι tι n wa panə wa yəsa na atι. ²⁰ Wa kpər ι wonkʋ ka wontə na, wa ləsə ι tɨaku cəsιmʋ n wa pəsən ι mɔmɔ ι wontə wa si-ι nwa lin-ι awaranɖə sə wa kamι. ²¹ N wa kpa yər nιr nən ren ka ι linə sιʋ ta k'aya-ι sə Simɔŋ ñι ci Sirɛn tι. (Αlɨakəsantər nən Rifis wa ci), s'ι Yesu akantəmər. ²² Sucana wan Yesu ka awɔrə nɖə ta a ya sə Kɔlkota na,tə tɨɛlι sə yər ñuŋ yoŋ awɔr ta. ²³ Wa cəlι sələm cesιmpə k'a hʋtə pə nən mir, ama ι ta ño pə. ²⁴ Wa kamι nə wa tar ι wontə ka rəman n wa lakə pkasəkpasə sə wa na suca kʋɖəm pιsʋ s'ʋ wontɔ. ²⁵ Wa kamι n nɔɔn ñʋtə naʋtɨsə mapa. ²⁶ Wa ma wa wu ι ñuŋ tɔ ashia ta s'ʋ wʋlə wontə yepa n'akamι na: "SIUFE YEMPA WURO." ²⁷ Wa kam ñιn mιla ka naʋl, kʋɖəm ka mətə ni rə,kʋɖəm ka ι ñəwιtι rə. ^{28 29} Wompa tənkʋn rəna wa tι-ι,wa cutu wa ñin, nən wa kalʋ sə,"Aha! wo ña ciwa sə n yʋkʋ Ashia rɨɔ n pəsə n' maka ayʋkən nitɨsə rəna, ³⁰ tɨaləsə ntərnka ntι nən tɨʋ akantəmər rι. ³¹ Səmpɔna rərə ka Ashia latə lara ta shəshempa wonkʋι wa hɨaku ta,nʋ kpentən Moisə ñastə wʋlɖa, n wa kalʋ sə,"ι tɨalsə nampar, nι-ι ra pιsə s'ι tɨalsə ι tətər. ³² Kistu, Isəraɛl Yəmpa Wuro,tɨʋ kɔhən ñɔ akantəmər rə nι rə na rə tisə."Akam ñιn wompa na wal tι-ι rərə. ³³ Mιsə sənɖə tasə hιakʋ tɔ wontə na, ʋ la tawunɖə ka tιtə rιɔ tə tə tən kaka nʋ rι nʋ maʋ ran ɖə lɛya natɨsə. ³⁴ Ʋ ma lɛya natɨsə ka wontə na, Yesu ko ren ka tən sə,"Eloi, Eloi lama sapakətani?" Tə tɨeli sə," M'Ashia, m'Ashia, arlapa n'n wɨaɖə-m?" ³⁵ Wompa ka sənɖə rəna, wa nι tə, wa kal sə,"Kemsə, ι yaa Eli." ³⁶ Wa ta kʋɖəm she nι sʋ kuca nι ləmsə'ι ñəmən sələm ta,nι tι'ι kpaɖʋ rι, nι'ι cel-ι s'ι ño. Yər ñι kal sə," ι yel ɖa naa sə Eli kʋn sə-ι tɨsə-ι ya." ³⁷ Yesu ko ren ka tən nι'ι səʋ. ³⁸ Αfəntu nku a tamku Ashia rιɔ ta, ku cər ku tɔ taman naʋl, sʋ kʋ-ashiata nʋ ta atιι. ³⁹ Nnə Suca shəshιa ñι ka sənɖə Yesu cal na, ι na wona ι səpa na, ι kal sə,"Tʋfələm kəna yər ñι ka ci Ashia Wo." ⁴⁰ N nɔɔn yala nampar wι wa hɨaku tɔ wolən ta wa ñəlʋ. Wa ta na n nɔɔn Mari Makətala kɔrʋ ta tι, Μari (ñι ci Sakə cunku, na Sose wa ri), Salome. ⁴¹ Yesu ka wι Kalile wontə na, wa tʋnkʋι wa kpəlʋ ι rə. Yala namparɔ pkatər ka tʋnkə'ι rərə wa kpa Serusaləm. ⁴² Ɖanə kompa nʋ ranə, n nɔɔn ʋ hon Siufə yəmpa fistə ayʋkʋ, ⁴³ Sosɛfə, Arimate tι kon rəna, ι ka ci lɨan tasəra ta tι nιrɔ na añoŋ tən, nι ι-a honkʋ Ashia wʋrtə konɖə. Nafatə ta kpa-ι, nι wal nι wɔsə Pιlatə s'acəlι Yesu ñι səpa na ι tɨanʋ. ⁴⁴ Ʋ la Pιlatə ka rəyaʋ sə Yesu tem səpə; ι yaa sucana ñuŋ ci n'ι wɔsə-ι nι na sə Yesu səpa ya. ⁴⁵ Suca shəhɨa ñι ι ya'ι nι wɔsə'ι na,kal'ι wontə sə Yesu səpa na, ι yel sə Sosɛfə sʋ ι tɨanʋ. ⁴⁶ Sosɛfə ka yaʋ akəlala. ι tɨsə Yesu tɨanʋ ka akantəmər rə, ι hʋsə kʋ rι na akəlala ñι fιnι-ι tɨsə kʋ wʋtɔ a wurkʋ wʋntɨanʋ ta. ι wunkəl warcelɔ, ι kəntə wʋ nɔ. ⁴⁷ Mari, Makətala kɔrʋ ta tι nən Mari, Sose ri wa na awɔrə nɖə ta ayɨm Yesu na.