Lama ƉƏFAL WƲTƆ : KALATƏ YƏMPA 4
1
Ma kalʋ- sə nə ñιn-mʋr kι wo-na ñιn ayapə yər wata cal-n rəma, pa amasə nñι kι-na ñəmpə mʋr ci.
2
Ama ι wι yəra ti nʋ sιn alʋwatəntə ι ci sιyana.
3
Ra rə-ɖə ra kι yaa ka wontə na ra wι antʋŋ yəntə.
4
Ama nən alʋwatə sartə tal-na Ashia tιr-ι wo, nə yaa nι lel- ka waaɖə tι.
5
fιnə ι pιsə nə ι yaa wompa wι waaɖə tι-na, nən ι mʋra sə ι tətrə yaa.
6
Nə ʋ yel sə ι ki ι yaa, Ashia tɨr ι wo fisu ka ra nιma-ta nən kʋ ko sə,"Apaa "ra ci."
7
Tʋfələm pə rɔna ι ta kι ayapə wo ama ma wo, nən ι kι ι wo ι kι cer ι ñəm mʋr nə ʋ təŋkən Ashia rə.
8
Antɔŋ-kʋ n'tasən Ashia ka wontə na, ι kι ayapə yər ka nəmpar cal sə Ashia n'lakə-wa təmər ka wa ta kι Αshia tətrə.
9
Ama kɔhɔn ka ι sən Ashia -na,ya Ashia səmι na, arla-nə ι tasʋ pəsʋ ka antɔŋ yəntə shəpɨntəntə ta ci wʋr na, ya ι ci -sə ι pəsə ayapə yəra-nə ʋ rι-nʋ wal?
10
N yelʋ ayʋkʋn,horasə cəfasə, yeləm nən asalən nən wosə nιsərə.
11
Ma she mι rɔ nafatə wontə rə na ʋ wι sə təmər nɖə ma lakə rəna ma lakə-rə yem.
12
Ma kιrʋ-mι,ma rɨɔ yəmpa, ι pəsə sə ma, nə ma rərə ma pəsə sə mι, ι ta lam tərɔ awarkɔ.
13
Ama ι səmpa sə ma pəsə wιsɔ-ci nə masə mιɔna Ashia n'tiantə wʋlʋ ka kɨɖənkɨɖən.
14
N nɔɔn tərɔna-tə kι mι takətə ka ma caləm- ta, nə ι ta kɨsəm, ama ι mʋm sə ashia tɨr-rə nə ʋ wιsə mʋna kristʋ yesu.
15
Ar wʋlʋ-sə mι ta wι lələn? ma wι nə ma kalʋ -mι səwa wι apιsɔ ya kpιasə mι yəsa nə ι ya celəm.
16
Kɔhɔ hə ma pəsʋ mι amʋra ka tʋfələm pə m'alakə mι napərə ya?
17
wompə tən wa lakə-mι na ya fala,wa ci-sə wa yasə ra n'ι təŋkə-wa.
18
Wontə sara-na n'tɔlι sə yəra lakə mι sartə yəntə nən ñankətə ka tam -tam ʋ wι sartə nʋ kələn sə ma wι.
19
Ma yaa cimpa, ma tasʋ ləltə wι sasə nιʋ ka mι rərə, nə ʋ rι nʋ tal yesu kpolʋ ka mι ta.
20
Ma ciwa sə ma wι mι calɔ kɔhɔn nə ma lɔsə ma wʋtɔ, tətι sə nafatə lakə-m mι rə.
21
Ι kaləm wona-mι ι cisə ι cɔ Ashia waɖə tι na ι ta nι wontə waaɖə kalʋ-na ya?
22
Amaa taa sə Apraham ka wιn yia nawʋl,kʋɖəm-ɔ nən ayapə yaal, kʋrmɔ nən ι ya harʋ yaal.
23
Aləl ayapə yaal wo s'alərʋ yaa tən ka wonɔna, ama aləl nιr ñι nʋ təŋkən Ashia kal wa wontə-na.
24
Ntə ñι rə-hən apιsʋ-sə aləsə tətι ka n'tι n'tι. yaala-mpa naʋl wι sə tama naʋl nɔ hɔpə kʋɖəm lɨn Sinai wʋŋta, ι ləlʋ ayapə yəra, l'ɔlι Akar.
25
Kɔhɔna Akar kina sinai wʋŋ ka Arapia nə ι wι serusalεm awʋr-ta .ñən ι ya yapə yiaa.
26
Ama serusalɛm ñι wι ιtι rɔ Ashia ta ra ri kəlι.
27
Tə rə na a maa təkara ta sə, ñaŋkə aləlɔ ña, n'ta nι ləltə wι sa-sə-na; "kʋr-nə n'hosə ña lələn, woña nta mɔsə ləlʋ-nə na; yaa kʋn sə kələn arʋnʋ yaal cal nʋ kələn yaal ñι wι ιwaal cal-na."
28
Kɔhɔ mι, ma riɔ yəmpa, sə mι nən Isaak, ι kι nɔ hɔpə yiaa.
29
Ama waa kι-nə, woñι a ləlι nʋ ta tənkən Ashia nɔ hɔpə rəna ι carʋ woñι a ləlι nʋ tənkən Ashia fisu rəna, səmpɔna ʋ wι kɔhɔ.
30
Martə kalʋ səmɔ?"rʋn ayapə yaal nən ι wo wontə rə na ι wonka ka mʋ wʋr ka ι ci ñəm ta nən aharʋ yaal ñɔŋ"
31
Səmpə na, ma riɔ yəmpa, ra ta-kι ayapə yaal yiaa ama ʋ ra kι aharʋ yaal yəmpa.