Lama ƉƏFAL WƲTƆ : KALATƏ YƏMPA 2
1
Wʋsə hiu nən naʋsa wara na man parnapasə ra tasə pəsʋ ka serusalɛm kɔrʋ ta tιtι kɔn n'ι tasə ra rə.
2
Ma pəsə rəna Ashia kaa kal-m sə ma wal rə na nə ma ləsə wa Ashia tɨam sartə yəntə ntə maa hosə tə wompa ta ki suifə yəmpa na ama, wəntən shəshia mpa pa kaa wəlʋwa amiasɔ ta na, ma sən rəkpam sə wontə sə wontə ma wʋlʋ tə na nən wontə ma lakə tə na, tə ra la fala.
3
Ama Titə ñι ka wι ma cal ka ι ki krɛk tι na wa ta ñʋ ι rə sə ι pial ι apaltə. Wa tɨrə wompa tιkʋ sə wa ki kristʋ yəmpa na ka amiasɔ ta sə wa ñəlʋ wonɔ na rafisə kristʋ yesu ta na.
4
Wa ciwa sə wa pəsənɖa Moisə ñastə kpankasə.
5
Ɖə ta hawa nampʋ ka ahaʋ, ka cʋka,sə fιnə tʋfələm Ashia tɨam sartə yəntə ra lɔɔsə alɔɔsʋ ka mι rə.
6
Ama n nɔɔn wompa a ya-wa sə shəshiampa na wa- ta sən ntər, pa wompa wa cii na, ʋta kaləm-tər, Ashia ka tarʋ yəra ta.
7
Ama wa sənpa sə a yaa-m sə ma hosə Ashia tɨam ka wompa a ta pial- wa apaltə, sə wonɔ-na, a yaa Piɛr sə ι hosə Ashia tɨam ka wompa apial wa apaltə na,
8
Wontə rə na Ashia kʋrəm ñι ka la təmər nən Piɛr ka wompa apial w'apaltə wι nə ι lakə təmər ka ma ta n'ʋ cəl laara.
9
Wa sən kʋñʋŋ haaɖə nɖə Ashia ka ham na, Sak, Piɛr, nən San ñι asənwa sə wa kin akanɖa na, wa ha ra wa mətə nii, Parnapasə nən ma ra pəsə yər kʋɖəm, fι nə ra pιsə ra wal laara cal nən wompa sə a ten wa apaltə pialʋna.
10
wa kalʋra sə ra tιsʋ ahʋsa-rə, ma rərə ma car ma tιɔ tən nə ma la tə həmpə.
11
Ama Piɛr kɔn Antiɔsə kɔrʋt-ɔ wontə na ι ka la ntrə tə sar.
12
Sak tɨr yərampa ta lar n'nɔɔn.Piɛr wι n'ι tʋkʋ tʋnɔnən laara,alʋwatə ntə yərampa tala ,na Piɛr na wa hənpɔ wontə na, nafantə kpaι n'ι tisə n'ι calən yərampa a ta pial wa apaltə na.
13
Raal na mpa wι rəna ka wa ki suifə yəmpa na ka watιkʋ wa tasə Piɛr rə Parnapasə rι n'ι tasənwa, tιkətəntə ta.
14
Ama ma kɔmpa ma na wontə sə, ι ka tənkʋ Ashia tɨam tʋfələm yəmpə rə na, ma kal sefas ka wa tən wa yəsa ta sə," ñɔɔ woñι nki sə nki suifə tι na, nən nka cakə ña fisu cɔʋ ta sə suifə tι nə ncakə sə laara, hənɔ nkʋ sə nkʋ sə n'ñʋ laara rə sə wa pəsə suifə yəmpa?
15
Rɔɔ wompa sə ra ki suifə yəmpa ka ləltə ta, n'ʋ ta kin" suifə yəmpa mpa ki laara nə wa lakə təñɔŋ na.
16
Ιι sən sə ʋ ta kin ñastə təmər rɔna nι ki rəyuyu tι, ama nən mʋʋ nən tɨsu ka yesu kristʋ r-ɔna. ra kɔn mʋʋ nən tɨsu ka kristʋ yesu rə fιnə rapəsə rəyuyu yəmpa nən tɨsu ka kristʋ rə n'ʋ ta kin ñastə təmər lapə rə wontə rə na, nən ñastə təmər rə na
17
Ama nən ra ci Ashia sι ra rəyuyu yəmpa nən kristʋ rə, ra mɔna ra pəsʋn ra tιɔ awarkasə yəmpa həmpəna kristʋ pəsə awarkɔ təmər laɖə na?Aι ya həmpə.
18
Nə ma kunta ma rʋkʋn ñastə lɨmɔ səm-pə ma kɨsə pə na, həmpə ma kunta ma pəsʋn, ma tιɔlι yantətι ka məra ya rə.
19
Ʋ tənkən ñastə rə nə ma sə n'ʋ tənkən ñastə ntə rə, sə fιnə ma pιsə ma cɔ fisu n'Ashia rə.
20
Akam-m nən kristʋ. ʋ ta tasə nʋ kin ma ma wι na fisu ,ka ma tətər ama kristʋ wι na fisu ka ma ta, nə fisu nkʋ ma wι kʋ tɨanʋ t-ɔ nkɔhɔŋ na ma wι fisu nkʋ nən mʋʋ nən tɨsu k'Ashia wo nka rə, woñι sə ι shol-m n 'ι sʋ ι mɔmɔ ιtι n'ι cəl ma rə.
21
Ma ra yarə Ashia kʋñʋŋ nartə, wontə rə na ntə rɔna nən rəyuyu yəntə ka wι, nʋ tənkən ñastə rə həmpə kristʋ səm pə ki fala kəna.