¹ Aunguluise ha guvuila atuameji nu mafumu ha mbula matadi, ha guavila nu gukhala guabonga gu ima yagasue: ² Aunguluise ha gula gufe ndo athu, gutuna gudisagesa, gukhala nuholo luabonga gudi athu ako, nu gudijiga gudibulumuisa gudi athu agasue. ⁴ Uvua, gubonga gua Nzambi shetu muhuluishi nu guzumba nu esue athu guamuenegene. ⁵ Watuhuluishile, ishigo mukunda nu midimo ya giamatshidia ituatshitshile, uvua mukunda nu khenda. watuhuluishile gu gubotijiwa gua indongo nu guzangula gua givule giabonga. ⁶ Nzambi wahanene yavula mu givule giabonga gudi esue mu jina dia Yesu-Klisto muhuluishi. ⁷ Watshitshile egi akhalele agukudiwa gu khenda jienji tuangina mu guhuluishiwa gu monio wa mailogo. ⁹ Uva bembenu ipapa gifua enya malui, gifua ndaga ja iputa nu gumama nu gudihagela ikembe gifua idi guzuela gua mmikhwala. idi ndaga jiabola nu jagithuu. ¹⁰ Dikalule hugo dia thomo nu guzuela gua ngiadi, muthu yagasue udi muhana gudikhapumuna mukatshi dienu. ¹¹ Muthu yagasue udi gashigo munjila ya diago udi mutshita gubola, udi mudifunda muene hakhenji ¹² Gula ngatshigina Artemas nga Tychique Iza Gatachididi ungusange gu Nicopolis, ngatangiza ha gubalegela gishigo. ¹³ Iza gatshididi ungutumine Zenas, mujiyi wa mikhwala, nu Apollos ha gula gatotesa gima.